ਖਾਣ-ਪੀਣ ਵਾਲੀਆਂ ਚੀਜ਼ਾਂ ਦੇ 42 ਫੀਸਦੀ ਸੈਂਪਲ ਫੇਲ, ਖਜੂਰ ''ਚੋਂ ਮਿਲੇ ਕੀੜੇ

ਜਲੰਧਰ— ਤਿਉਹਾਰੀ ਸੀਜ਼ਨ 'ਚ ਸਿਹਤ ਵਿਭਾਗ ਵੱਲੋਂ ਭਰੇ ਗਏ 42 ਫੀਸਦੀ ਸੈਂਪਲ ਫੂਡ ਲੈਬ ਟੈਸਟ 'ਚ ਫੇਲ ਹੋ ਗਏ ਹਨ। ਜ਼ਿਲਾ ਸਿਹਤ ਅਧਿਕਾਰੀ ਡਾ. ਬਲਵਿੰਦਰ ਸਿੰਘ ਨੇ ਦੱਸਿਆ ਕਿ ਸਤੰਬਰ ਅਤੇ ਅਕਤੂਬਰ ਮਹੀਨੇ 'ਚ ਭਰੇ ਗਏ 124 'ਚੋਂ 52 ਸੈਂਪਲ ਫੇਲ ਪਾਏ ਗਏ ਹਨ। ਹਾਲਾਂਕਿ ਇਨ੍ਹਾਂ ਸੈਂਪਲਾਂ 'ਚੋਂ ਤਿੰਨ ਸੈਂਪਲ ਖਾਣ-ਪੀਣ ਲਈ ਨੁਕਸਾਨਦਾਇਕ ਪਾਏ ਗਏ ਹਨ। ਬਾਕੀ ਦੇ ਸੈਂਪਲ ਮਿਲ ਬ੍ਰਾਂਡਿਡ ਅਤੇ ਸਬ ਸਟੈਂਡਰਡ ਦੇ ਹਨ, ਜਿਨ੍ਹਾਂ ਨਾਲ ਸਰੀਰ ਨੂੰ ਕੋਈ ਖਤਰਾ ਨਹੀਂ ਹੈ। ਇਨ੍ਹਾਂ 'ਚੋਂ ਜ਼ਿਆਦਾਤਰ ਸੈਂਪਲ ਦੁੱਧ ਅਤੇ ਦਹੀ ਨਾਲ ਬਣਨ ਵਾਲੀਆਂ ਚੀਜ਼ਾਂ ਦੇ ਹਨ। ਇਨ੍ਹਾਂ ਚੀਜ਼ਾਂ ਦਾ ਸਰੀਰ 'ਤੇ ਗਲਤ ਪ੍ਰਭਾਵ ਪੈਂਦਾ ਹੈ। 
ਖਜੂਰ 'ਚੋਂ ਮਿਲੇ ਕੀੜੇ ਤੇ ਚਮਚਮ 'ਚੋਂ ਜ਼ਹਿਰੀਲਾ ਰੰਗ 
ਬਲਵਿੰਦਰ ਸਿੰਘ ਨੇ ਦੱਸਿਆ ਕਿ ਜੋਤੀ ਚੌਕ ਸਥਿਤ ਇਕ ਫਲਾਂ ਦੀ ਦੁਕਾਨ 'ਚੋਂ ਭਰੇ ਖਜੂਰ ਦੇ ਸੈਂਪਲਾਂ ਨੂੰ ਜਦੋਂ ਟੈਸਟ ਕੀਤਾ ਤਾਂ ਉਸ 'ਚ ਕੀੜੇ ਪਾਏ ਗਏ। ਅਜਿਹੇ ਉਤਪਾਦਾਂ ਨੂੰ ਗਾਹਕਾਂ ਨੂੰ ਨਹੀਂ ਵੇਚਿਆ ਜਾ ਸਕਦਾ। ਨੂਰਮਹਿਲ ਤੋਂ ਇਕ ਰੈਸਤਰਾਂ 'ਚੋਂ ਹਰੀ ਚਟਨੀ ਦੇ ਸੈਂਪਲ ਭਰੇ ਗਏ ਸਨ। ਸ਼ਹਿਰ ਦੇ ਇਕ ਹਲਵਾਈ ਦੀ ਦੁਕਾਨ 'ਚੋਂ ਚਮਚਮ ਦੇ ਸੈਂਪਲ ਭਰੇ ਗਏ ਸਨ। ਦੋਵੇਂ ਹੀ ਚੀਜ਼ਾਂ 'ਚ ਤੈਅ ਸੀਮਾ ਤੋਂ ਵੱਧ ਰੰਗ ਪਾਇਆ ਗਿਆ। ਖਾਣ-ਪੀਣ ਦੀਆਂ ਚੀਜ਼ਾਂ 'ਚ ਜ਼ਿਆਦਾ ਮਾਤਰਾ 'ਚ ਰੰਗਾਂ ਦੀ ਵਰਤੋਂ ਕਰਨ ਨਾਲ ਕੈਂਸਰ ਅਤੇ ਪੇਟ ਦੀਆਂ ਕਈ ਬੀਮਾਰੀਆਂ ਹੁੰਦੀਆਂ ਹਨ। 
ਉਨ੍ਹਾਂ ਨੇ ਦੱਸਿਆ ਕਿ ਮੁੱਖ ਤੌਰ 'ਤੇ ਤਿੰਨ ਤਰ੍ਹਾਂ ਦੀ ਕੈਟੇਗਿਰੀ 'ਚ ਟੈਸਟ ਕੀਤੇ ਜਾਂਦੇ ਹਨ। ਅਨਸੇਫ, ਸਬ ਸਟੈਂਡਰਡ, ਅਤੇ ਮਿਸ ਬ੍ਰਾਂਡਿਡ। ਅਨਸੇਫ ਯਾਨੀ ਜੋ ਚੀਜ਼ਾਂ ਅਨਸੇਫ ਹੁੰਦੀਆਂ ਹਨ, ਉਨ੍ਹਾਂ ਦਾ ਸੇਵਨ ਕਰਨ ਨਾਲ ਸਿਹਤ ਖਰਾਬ ਹੋ ਸਕਦੀ ਹੈ। ਮਿਸ ਬ੍ਰਾਂਡਿਡ ਮਤਲਬ ਗਾਹਕਾਂ ਨੂੰ ਗੁਮਰਾਹ ਕਰਨਾ। ਫੂਡ ਪੈਕੇਟ 'ਤੇ ਕੁਝ ਲਿਖਿਆ ਹੁੰਦਾ ਹੈ ਅਤੇ ਅੰਦਰ ਕੁਝ ਹੋਰ ਹੁੰਦਾ ਹੈ। ਸਬ ਸਟੈਂਡਰਡ ਕੈਟੇਗਿਰੀ 'ਚ ਫੂਡ ਆਈਟਮ 'ਚ ਕੁਝ ਕਮੀਆਂ ਹੁੰਦੀਆਂ ਹਨ ਜਿਵੇਂ ਦੁੱਧ 'ਚ ਜੇਕਰ ਪਾਣੀ ਮਿਲ ਜਾਵੇ ਤਾਂ ਉਸ ਦੀ ਫੈਟ, ਪ੍ਰੋਟੀਨ ਘੱਟ ਹੋ ਜਾਂਦੀ ਹੈ। ਇਸ ਲਈ ਇਹ ਸਬ ਸਟੈਂਡਰਡ 'ਚ ਆਉਂਦਾ ਹੈ। ਅਨਸੇਫ ਫੂਡ ਵੇਚਣ ਵਾਲੇ ਦੁਕਾਨਦਾਰ ਖਿਲਾਫ ਕੈਦ ਅਤੇ ਭਾਰੀ ਜੁਰਮਾਨੇ ਦਾ ਵਿਵਸਥਾ ਹੈ। ਜਦਕਿ ਮਿਸ ਬ੍ਰਾਂਡਿਡ ਅਤੇ ਸਭ ਸਟੈਂਡਰਡ ਚੀਜ਼ਾਂ ਵੇਚਣ ਵਾਲੇ 'ਤੇ ਸਿਰਫ ਜੁਰਮਾਨਾ ਹੀ ਕੀਤਾ ਜਾਂਦਾ ਹੈ।