ਜਾਅਲੀ ਦਸਤਾਵੇਜ਼ ਲਾ ਕੇ ਜ਼ਮਾਨਤ ਦੇਣ ਵਾਲੀਆਂ 2 ਔਰਤਾਂ ’ਤੇ ਕੇਸ ਦਰਜ

ਲੁਧਿਆਣਾ (ਰਾਜ) : ਥਾਣਾ ਡਵੀਜ਼ਨ ਨੰਬਰ-5 ਦੀ ਪੁਲਸ ਨੇ ਜਾਅਲੀ ਦਸਤਾਵੇਜ਼ਾਂ ਦੇ ਆਧਾਰ ’ਤੇ ਜ਼ਮਾਨਤ ਦੇਣ ਵਾਲੀਆਂ 2 ਔਰਤਾਂ ’ਤੇ ਧੋਖਾਦੇਹੀ ਦੀਆਂ ਵੱਖ-ਵੱਖ ਧਾਰਾਵਾਂ ਤਹਿਤ ਕੇਸ ਦਰਜ ਕੀਤਾ ਹੈ। ਮੁਲਜ਼ਮ ਔਰਤ ਗੋਲਡੀ ਪਟੇਲ ਅਤੇ ਅੰਜਨਾ ਹੈ।

ਏ. ਐੱਸ. ਆਈ. ਸੁਖਪਾਲ ਸਿੰਘ ਮੁਤਾਬਕ ਥਾਣਾ ਡੇਹਲੋਂ ’ਚ ਧੋਖਾਦੇਹੀ ਦਾ ਇਕ ਕੇਸ ਦਰਜ ਸੀ। ਉਸ ਕੇਸ ’ਚ ਮੁਲਜ਼ਮ ਸੁਖਚੈਨ ਸਿੰਘ ਦੀ ਜ਼ਮਾਨਤ ਉਕਤ ਮੁਲਜ਼ਮਾਂ ਅੰਜਨਾ ਅਤੇ ਗੋਲਡੀ ਪਟੇਲ ਨੇ ਦਿੱਤੀ ਸੀ। ਜਦੋਂ ਦਸਤਾਵੇਜ਼ ਚੈੱਕ ਕੀਤੇ ਗਏ ਤਾਂ ਪਤਾ ਲੱਗਾ ਕਿ ਮੁਲਜ਼ਮਾਂ ਨੇ ਗਲਤ ਅਤੇ ਜਾਅਲੀ ਦਸਤਾਵੇਜ਼ ਲਗਾਏ ਹਨ। ਇਸ ’ਤੇ ਅਦਾਲਤ ਵੱਲੋਂ ਮੁਲਜ਼ਮਾਂ ’ਤੇ ਕਾਰਵਾਈ ਕਰਨ ਦੇ ਹੁਕਮ ਦਿੱਤੇ ਗਏ।