ਬੇਅਦਬੀ ਮਾਮਲੇ ਨੂੰ ਬੰਦ ਕਰਨ ''ਚ ਕਾਹਲੀ ਕਰ ਰਹੀ ਹੈ ਸੀ.ਬੀ.ਆਈ. : ਕੈਪਟਨ

ਚੰਡੀਗੜ੍ਹ: ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਦੇਸ਼ ਦੀ ਪ੍ਰਮੁੱਖ ਜਾਂਚ ਏਜੰਸੀ ਸੀ.ਬੀ.ਆਈ.  'ਤੇ ਗੁਰੂ ਗ੍ਰੰਥ ਸਾਹਿਬ ਦੀ ਬੇਅਦਬੀ ਮਾਮਲੇ ਨੂੰ ਬੰਦ ਕਰਨ 'ਚ ਕਾਹਲੀ ਵਰਤਣ ਦੇ ਦੋਸ਼ ਲਾਏ ਹਨ। ਕੈਪਟਨ ਨੇ ਚਿਤਾਵਨੀ ਦਿੱਤੀ ਕਿ ਜੇਕਰ ਬੇਅਦਬੀ ਕਾਂਡ ਦੇ ਅਸਲ ਦੋਸ਼ੀ ਸਾਹਮਣੇ ਨਹੀਂ ਆਏ ਤਾਂ ਸੂਬੇ ਦੇ ਹਾਲਾਤ ਵਿਗੜ ਸਕਦੇ ਹਨ। ਕੈਪਟਨ ਦਾ ਇਹ ਬਿਆਨ ਸੀ.ਬੀ.ਆਈ. ਦੀ ਕਲੋਜ਼ਰ ਰਿਪੋਰਟ ਸਰਕਾਰ ਨੂੰ ਮਿਲਣ ਤੋਂ ਬਾਅਦ ਸਾਹਮਣੇ ਆਇਆ ਹੈ।

ਕੈਪਟਨ ਅਮਰਿੰਦਰ ਸਿੰਘ ਨੇ ਕਿਹਾ ਕਿ ਕੇਂਦਰੀ ਜਾਂਚ ਬਿਊਰੋ ਨੂੰ ਬੇਅਦਬੀ ਕੇਸਾਂ ਸਬੰਧੀ ਅਦਾਲਤ 'ਚ ਦਾਇਰ ਕੀਤੀ ਕਲੋਜ਼ਰ ਰਿਪੋਰਟ ਤੁਰੰਤ ਵਾਪਸ ਲੈਣੀ ਚਾਹੀਦੀ ਹੈ। ਉਨ੍ਹਾਂ ਕਿਹਾ ਕਿ ਸਿੱਖਾਂ ਦੀਆਂ ਭਾਵਨਾਵਾਂ ਦੀ ਕਦਰ ਕਰਦਿਆਂ ਸੀ.ਬੀ.ਆਈ. ਨੂੰ ਕੇਸਾਂ ਦੀ ਜਾਂਚ ਮੁੜ ਤੋਂ ਸ਼ੁਰੂ ਕਰਦਿਆਂ ਹਰ ਪੱਖ ਨੂੰ ਢੂੰਘਾਈ ਨਾਲ ਘੋਖਣਾ ਚਾਹੀਦਾ ਹੈ।

.@capt_amarinder rejects`hurried’ #CBI closure report in #Bargari sacrilege case, demands reopening of case for further investigation. Warns of serious law & order repercussions if guilty not brought to book as closure has hurt Sikh sentiment. pic.twitter.com/Z3gR6ohJQX

— Raveen Thukral (@RT_MediaAdvPbCM) 31 July 2019

ਉਨ੍ਹਾਂ ਦਾਅਵਾ ਕੀਤਾ ਕਿ ਸੀ.ਬੀ.ਆਈ. ਨੇ ਮੌਜੂਦਾ ਜਾਂਚ ਦੌਰਾਨ ਨਾ ਸਿਰਫ ਕੇਸ ਦੇ ਅਹਿਮ ਪੱਖਾਂ ਨੂੰ ਅਣਗੌਲਿਆ ਕੀਤਾ, ਬਲਕਿ ਦੇਸ਼ ਦੀ ਸਿਰਮੌਰ ਏਜੰਸੀ ਅਸਲ ਅਪਰਾਧੀਆਂ ਨੂੰ ਵੀ ਸਾਹਮਣੇ ਲਿਆਉਣ 'ਚ ਨਾਕਾਮਾਯਬ ਰਹੀ ਹੈ। ਮੁੱਖ ਮੰਤਰੀ ਨੇ ਕਿਹਾ ਕਿ ਕੇਸ ਸਬੰਧੀ ਵਿੱਤੀ ਲੈਣ-ਦੇਣ, ਵਿਦੇਸ਼ਾਂ 'ਚ ਵੱਸਦੇ ਲੋਕਾਂ ਨਾਲ ਇਨ੍ਹਾਂ ਮਾਮਲਿਆਂ ਦੇ ਸਬੰਧ ਜਿਹੇ ਕਈ ਪੱਖ ਤੋਂ ਸੀ.ਬੀ.ਆਈ. ਨੇ ਜਾਂਚ ਹੀ ਨਹੀਂ ਕੀਤੀ। ਕੈਪਟਨ ਨੇ ਸੀ.ਬੀ.ਆਈ. ਦੇ ਇਸ ਕਦਮ ਨੂੰ ਪਿਛਲੀ ਅਕਾਲੀ ਸਰਕਾਰ ਦੀ ਕੇਂਦਰ 'ਚ ਮੌਜੂਦਾ ਸਿਆਸੀ ਭਾਈਵਾਲ ਭਾਜਪਾ ਦੇ ਦਬਾਅ ਹੇਠ ਹੋਣ ਦਾ ਦਾਅਵਾ ਵੀ ਕੀਤਾ।