ED ਪੰਜਾਬ ''ਚ ਕਰ ਸਕਦੀ ਹੈ ਵੱਡੀ ਕਾਰਵਾਈ! ਮਿਲੇ ਕਈ ਸੰਕੇਤ, ਬੁਕੀਆਂ ਦੇ ਛੁੱਟੇ ਪਸੀਨੇ

ਜਲੰਧਰ (ਵਿਸ਼ੇਸ਼)- ਈ. ਡੀ. ਵੱਲੋਂ ਲੁਧਿਆਣਾ, ਜਲੰਧਰ, ਚੰਡੀਗੜ੍ਹ ਅਤੇ ਦਿੱਲੀ 'ਚ ਕਈ ਥਾਵਾਂ 'ਤੇ ਹਾਲ ਹੀ 'ਚ ਕੀਤੇ ਗਏ ਛਾਪਿਆਂ ਦੇ ਸਾਈਡ ਇਫੈਕਟ ਵੇਖਣ ਨੂੰ ਮਿਲ ਰਹੇ ਹਨ। ਇਨ੍ਹਾਂ ਛਾਪਿਆਂ ਨੇ ਰਾਜਨੀਤਿਕ ਨੇਤਾਵਾਂ ਅਤੇ ਉਨ੍ਹਾਂ ਦੇ ਦੋ ਕਾਰੋਬਾਰੀ ਭਾਈਵਾਲਾਂ ਨੂੰ ਨਿਸ਼ਾਨਾ ਬਣਾਇਆ, ਜੋ ਦਿਖਾਵਾ ਕਰਕੇ ਸਟਾਕ ਮਾਰਕੀਟ ਅਤੇ ਰੀਅਲ ਅਸਟੇਟ ਸੈਕਟਰ 'ਚ ਕੰਮ ਕਰਦੇ ਹਨ, ਪਰ ਅਸਲ ਵਿੱਚ ਮੈਚ ਫਿਕਸਿੰਗ ਦੀ ਕਾਲੀ ਕਮਾਈ ਨੂੰ ਐਕਜਸਟ ਕਰਨ ਲਈ ਰੀਅਲ ਅਸਟੇਟ ਸੈਕਟਰ ਨਾਲ ਜੁੜੇ ਹੋਏ ਹਨ।

ਇਹ ਵੀ ਪੜ੍ਹੋ: ਪੰਜਾਬ: ਪ੍ਰੇਮ ਸੰਬੰਧਾਂ ਨੇ ਉਜਾੜਿਆ ਘਰ! ਪਿਤਾ ਦਾ ਬੇਰਹਿਮੀ ਨਾਲ ਕੀਤਾ ਕਤਲ

ਇਸ ਗੱਲ ਦਾ ਜ਼ਿਕਰ ਏ. ਐੱਨ. ਆਈ. ਵੱਲੋਂ ਈ. ਡੀ. ਦੇ ਅਧਿਕਾਰੀਆਂ ਵੱਲੋਂ ਜਾਰੀ ਰਿਪੋਰਟ ਵਿਚ ਕੀਤਾ ਗਿਆ ਹੈ। ਜਿਸ ਦੇ ਮੁਤਾਬਕ ਈ. ਡੀ. ਦੀ ਜਾਂਚ ਵਿੱਚ ਖ਼ੁਲਾਸਾ ਹੋਇਆ ਹੈ ਕਿ ਸਿਆਸਤਦਾਨ ਮੈਚ ਫਿਕਸਿੰਗ ਦੇ ਮਾਸਟਰਮਾਈਂਡਾਂ ਨੂੰ ਸੁਰੱਖਿਆ ਪ੍ਰਦਾਨ ਕਰਨ 'ਚ ਸ਼ਾਮਲ ਸਨ। ਇਥੋਂ ਤੱਕ ਕਿ ਜਾਅਲੀ ਕੰਪਨੀਆਂ ਦੇ ਨਾਮ 'ਤੇ ਹਵਾਲਾ ਲੈਣ-ਦੇਣ ਰਾਹੀਂ ਵਿਦੇਸ਼ਾਂ ਵਿੱਚ, ਖ਼ਾਸ ਕਰਕੇ ਦੁਬਈ ਵਿੱਚ, ਗੈਰ-ਕਾਨੂੰਨੀ ਪੈਸਾ ਟਰਾਂਸਫ਼ਰ ਕੀਤੇ ਜਾਣ ਦੀ ਚਰਚਾ ਵੀ ਸੁਣਨ ਨੂੰ ਮਿਲ ਰਹੀ ਹੈ। 

ਇਸ ਦੀ ਕੈਟਾਗਿਰੀ ਵਿਚ ਈ. ਡੀ. ਦੀ ਰੇਡ ਦੇ ਦਾਅਰੇ ਵਿਚ ਆਏ ਲੋਕਾਂ ਨਾਲ ਮਿਲ ਕੇ ਬਾਹਰੀ ਇਸ਼ਤਿਹਾਰਬਾਜ਼ੀ, ਸਰਕਾਰੀ ਅਤੇ ਨਿੱਜੀ ਉਸਾਰੀ ਅਤੇ ਰੀਅਲ ਅਸਟੇਟ ਕਾਰੋਬਾਰਾਂ 'ਚ ਸ਼ਾਮਲ ਕੰਪਨੀਆਂ ਦੇ ਮਾਲਕ ਸ਼ਾਮਲ ਹਨ। ਜਿਨ੍ਹਾਂ ਨੇ ਸਾਂਝੇ ਤੌਰ 'ਤੇ ਬੀ. ਆਰ. ਐੱਸ. ਨਗਰ, ਓਰੀਐਂਟ ਸਿਨੇਮਾ ਨੇੜੇ, ਫਿਰੋਜ਼ਪੁਰ ਰੋਡ, ਹੰਬੜਾ ਰੋਡ, ਹਵਾਸ, ਬੱਡੋਵਾਲ ਅਤੇ ਹਲਵਾਰਾ ਵਿੱਚ ਕਈ ਰੀਅਲ ਅਸਟੇਟ ਪ੍ਰਾਜੈਕਟ ਲਾਂਚ ਕੀਤੇ ਹਨ।

ਇਹ ਵੀ ਪੜ੍ਹੋ: ਪੰਜਾਬ ਦੇ ਮੌਸਮ ਨੂੰ ਲੈ ਕੇ ਵੱਡੀ ਚਿਤਾਵਨੀ! 21, 22, 23 ਤਾਰੀਖ਼ ਲਈ 12 ਜ਼ਿਲ੍ਹਿਆਂ 'ਚ Alert ਜਾਰੀ

ਈ. ਡੀ. ਆਉਣ ਵਾਲੇ ਦਿਨਾਂ 'ਚ ਕਿਸੇ ਵੀ ਸਮੇਂ ਉਨ੍ਹਾਂ ਵਿਰੁੱਧ ਕਾਰਵਾਈ ਕਰ ਸਕਦੀ ਹੈ, ਜਿਵੇਂ ਕਿ ਸਿਆਸਤਦਾਨਾਂ ਅਤੇ ਅੰਤਰਰਾਸ਼ਟਰੀ ਸੱਟੇਬਾਜ਼ਾਂ ਨੇੜੇ ਮੰਨੇ ਜਾਂਦੇ ਇਕ ਡਾਕਟਰ ਦੇ ਮਾਡਲ ਟਾਊਨ ਘਰ 'ਤੇ ਈ. ਡੀ. ਦੇ ਛਾਪੇ ਤੋਂ ਸੰਕੇਤ ਮਿਲਦੇ ਹਨ। ਇਸ ਦੇ ਮੱਦੇਨਜ਼ਰ ਜਿਨ੍ਹਾਂ ਲੋਕਾਂ ਨੇ ਅੰਤਰਰਾਸ਼ਟਰੀ ਸੱਟੇਬਾਜ਼ਾਂ ਤੋਂ ਵਿਆਜ 'ਤੇ ਪੈਸੇ ਉਧਾਰ ਲਏ ਸਨ, ਉਹ ਵੀ ਚਿੰਤਤ ਹਨ ਅਤੇ ਆਪਣੇ ਫ਼ੋਨ ਬੰਦ ਕਰ ਰਹੇ ਹਨ ਅਤੇ ਅੰਡਰਗਰਾਊਂਡ ਹੋ ਗਏ ਹਨ।

ਇਨ੍ਹਾਂ ਵਿਅਕਤੀਆਂ 'ਚ ਦੱਖਣੀ ਸ਼ਹਿਰ ਖੇਤਰ 'ਚ ਨਹਿਰ ਦੇ ਕਿਨਾਰੇ, ਬਾਈਪਾਸ ਅਤੇ ਫਿਰੋਜ਼ਪੁਰ ਰੋਡ ਦੇ ਕਈ ਪ੍ਰਮੁੱਖ ਬਿਲਡਰ ਅਤੇ ਡਿਵੈਲਪਰ ਸ਼ਾਮਲ ਹਨ। ਇਨ੍ਹਾਂ ਵਿਅਕਤੀਆਂ ਦੇ ਇਨ੍ਹਾਂ ਅੰਤਰਰਾਸ਼ਟਰੀ ਸੱਟੇਬਾਜ਼ਾਂ ਦੀਆਂ ਕੰਪਨੀਆਂ ਨਾਲ ਮਹੱਤਵਪੂਰਨ ਬੈਂਕ ਖ਼ਾਤੇ ਹਨ ਅਤੇ ਉਨ੍ਹਾਂ ਨੇ ਆਪਣੀ ਜ਼ਮੀਨ ਉਨ੍ਹਾਂ ਕੋਲ ਸੁਰੱਖਿਆ ਵਜੋਂ ਰਜਿਸਟਰ ਕਰਵਾਈ ਹੈ। ਮਿਲੀ ਜਾਣਕਾਰੀ ਮੁਤਾਬਕ ਇਸ ਦੀ ਸ਼ੁਰੂਆਤ ਰਾਜਪੁਰਾ 'ਚ ਇਕ ਕੰਪਨੀ ਦੀ ਜਾਂਚ ਨਾਲ ਜਾਂਚ ਸ਼ੁਰੂ ਹੋਈ।

ਇਹ ਵੀ ਪੜ੍ਹੋ: ਜਲੰਧਰ: ਵਿਆਹ ਸਮਾਗਮ 'ਚ ਪੈ ਗਿਆ ਭੜਥੂ! ਬਰਾਤ ਜਾਣ ਮੌਕੇ ਵਰ੍ਹਿਆ ਇੱਟਾਂ ਦਾ ਮੀਂਹ, ਭਿਆਨਕ ਬਣੇ ਹਾਲਾਤ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e