CBSE ਵਿਦਿਆਰਥੀਆਂ ਨੂੰ ਵੱਡਾ ਝਟਕਾ, ਬੋਰਡ ਨੇ ਬਦਲੇ ਨਿਯਮ

ਗੁਰਦਾਸਪੁਰ (ਵਿਨੋਦ)- ਸੀ.ਬੀ.ਐੱਸ.ਈ ਵਿਦਿਆਰਥੀਆਂ ਲਈ ਬਹੁਤ ਮਹੱਤਵਪੂਰਨ ਖ਼ਬਰ ਸਾਹਮਣੇ ਆਈ ਹੈ। ਸੀ.ਬੀ.ਐੱਸ.ਈ ਨੇ ਇੱਕ ਵੱਡਾ ਫੈਸਲਾ ਲਿਆ ਹੈ, ਵਾਧੂ ਵਿਸ਼ੇ ਲੈਣ ਦੇ ਵਿਕਲਪ ਨੂੰ ਖਤਮ ਕਰ ਦਿੱਤਾ ਹੈ। ਬੋਰਡ ਦੇ ਬਦਲੇ ਹੋਏ ਨਿਯਮਾਂ ਨੇ ਵਿਦਿਆਰਥੀਆਂ ਨੂੰ ਭਾਰੀ ਝਟਕਾ ਦਿੱਤਾ ਹੈ।

ਇਹ ਵੀ ਪੜ੍ਹੋ-ਅੰਮ੍ਰਿਤਸਰ 'ਚ ਵੱਡਾ ਐਨਕਾਊਂਟਰ

ਪ੍ਰਾਈਵੇਟ ਵਿਦਿਆਰਥੀਆਂ ਲਈ ਅੰਦਰੂਨੀ ਮੁਲਾਂਕਣ ਸੰਭਵ ਨਹੀਂ ਹਨ

ਸੀ.ਬੀ.ਐੱਸ.ਈ ਨੇ ਇੱਕ ਵੱਡਾ ਫੈਸਲਾ ਲਿਆ ਹੈ, ਜੋ ਹਜ਼ਾਰਾਂ ਵਿਦਿਆਰਥੀਆਂ ਦੀ ਯੋਜਨਾਬੰਦੀ ਨੂੰ ਪ੍ਰਭਾਵਤ ਕਰ ਸਕਦਾ ਹੈ। ਹੁਣ ਤੱਕ ਪ੍ਰਾਈਵੇਟ ਵਿਦਿਆਰਥੀਆਂ ਕੋਲ 10ਵੀਂ ਅਤੇ 12ਵੀਂ ਜਮਾਤ ਵਿੱਚ ਵਾਧੂ ਵਿਸ਼ੇ ਲੈਣ ਦਾ ਵਿਕਲਪ ਸੀ। ਇਸ ਦਾ ਮਤਲਬ ਹੈ ਕਿ 12ਵੀਂ ਜਮਾਤ ਪਾਸ ਕਰਨ ਤੋਂ ਬਾਅਦ ਵਿਦਿਆਰਥੀ ਇੱਕ ਨਵਾਂ ਵਿਸ਼ਾ ਚੁਣ ਸਕਦੇ ਸਨ ਅਤੇ ਅਗਲੇ ਦੋ ਸਾਲਾਂ ਲਈ ਪ੍ਰੀਖਿਆ ਦੇ ਸਕਦੇ ਸਨ। ਬਹੁਤ ਸਾਰੇ ਵਿਦਿਆਰਥੀਆਂ ਨੇ ਇਸ ਦਾ ਇਸਤੇਮਾਲ ਆਪਣੇ ਕਰੀਅਰ ਦੇ ਰਸਤੇ ਬਦਲਣ ਲਈ ਕੀਤਾ ਹੈ। ਉਦਾਹਰਣ ਵਜੋਂ ਬਾਇਓਲਾਜੀ ਦੀ ਪੜ੍ਹਾਈ ਕਰਨ ਵਾਲਾ ਵਿਦਿਆਰਥੀ ਬਾਅਦ ਵਿਚ ਗਣਿਤ ਲੈ ਕੇ ਜੇ.ਈ.ਈ ਦੀ ਤਿਆਰੀ ਕਰ ਸਕਦਾ ਹੈ। ਪਰ ਹੁਣ ਇਹ ਵਿਕਲਪ 2026 ਤੋਂ ਬੰਦ ਹੋ ਜਾਵੇਗਾ। ਬੋਰਡ ਦਾ ਕਹਿਣਾ ਹੈ ਕਿ ਪ੍ਰਾਈਵੇਟ ਵਿਦਿਆਰਥੀਆਂ ਨੂੰ ਅੰਦਰੂਨੀ ਮੁਲਾਂਕਣ ਪ੍ਰਦਾਨ ਕਰਨਾ ਸੰਭਵ ਨਹੀਂ ਹੈ।

ਇਹ ਵੀ ਪੜ੍ਹੋ-ਤਰਨਤਾਰਨ ਵਿਧਾਨ ਸਭਾ ਜ਼ਿਮਨੀ ਚੋਣ ਲਈ ਕਾਂਗਰਸ ਨੇ ਸੁਖਬਿੰਦਰ ਸਿੰਘ ਸਰਕਾਰੀਆ ਨੂੰ ਬਣਾਇਆ ਇੰਚਾਰਜ

ਸੀ.ਬੀ.ਐੱਸ.ਈ ਨੇ ਇਹ ਫੈਸਲਾ ਕਿਉਂ ਲਿਆ?

ਸੀ.ਬੀ.ਐੱਸ.ਈ ਦੇ ਇੱਕ ਸੀਨੀਅਰ ਅਧਿਕਾਰੀ ਦੇ ਅਨੁਸਾਰ ਪ੍ਰਾਈਵੇਟ ਉਮੀਦਵਾਰਾਂ ਨੂੰ ਵਾਧੂ ਵਿਸ਼ਿਆਂ ਲਈ ਅੰਦਰੂਨੀ ਮੁਲਾਂਕਣ ਅੰਕ ਪ੍ਰਦਾਨ ਕਰਨਾ ਮੁਸ਼ਕਲ ਹੈ। ਬੋਰਡ ਦਾ ਧਿਆਨ ਸਿਰਫ਼ ਪ੍ਰੀਖਿਆਵਾਂ ਕਰਵਾਉਣ ’ਤੇ ਨਹੀਂ, ਸਗੋਂ ਸਮੁੱਚੇ ਸਕੂਲੀ ਅਨੁਭਵ ’ਤੇ ਹੈ। ਇਸ ਕਾਰਨ ਕਰਕੇ ਇਸ ਵਿਕਲਪ ਨੂੰ 2026 ਤੋਂ ਹਟਾ ਦਿੱਤਾ ਗਿਆ ਹੈ। ਹਾਲਾਂਕਿ, ਵਿਦਿਆਰਥੀਆਂ ਦਾ ਕਹਿਣਾ ਹੈ ਕਿ ਬੋਰਡ ਨੂੰ ਇਸ ਫੈਸਲੇ ਨੂੰ ਅਚਾਨਕ ਲਾਗੂ ਕਰਨ ਦੀ ਬਜਾਏ ਪਹਿਲਾਂ ਜਾਣਕਾਰੀ ਪ੍ਰਦਾਨ ਕਰਨੀ ਚਾਹੀਦੀ ਸੀ।

ਇਹ ਵੀ ਪੜ੍ਹੋ- ਨਸ਼ੇ ਦੀ ਤਸਕਰੀ ਕਰਨ ਵਾਲੇ ਰੈਕੇਟ ਦਾ ਪਰਦਾਫਾਸ਼, ਹੈਰੋਇਨ ਦੀ ਵੱਡੀ ਖੇਪ ਤੇ ਡਰੱਗ ਮਨੀ ਸਣੇ ਇਕ ਗ੍ਰਿਫ਼ਤਾਰ

ਕਿੰਨੇ ਵਿਦਿਆਰਥੀਆਂ ਨੇ ਇਹ ਵਿਕਲਪ ਚੁਣਿਆ?

ਸੀ.ਬੀ.ਐੱਸ.ਈ ਦੇ ਅੰਕੜਿਆਂ ਅਨੁਸਾਰ 2025 ਦੀ ਪ੍ਰੀਖਿਆ ਲਈ ਵਾਧੂ ਵਿਸ਼ਿਆਂ ਲਈ 2,768 ਵਿਦਿਆਰਥੀਆਂ ਨੇ ਰਜਿਸਟਰ ਕੀਤਾ। ਇਨ੍ਹਾਂ ਵਿੱਚੋਂ 2,161 ਵਿਦਿਆਰਥੀਆਂ (78 ਪ੍ਰਤੀਸ਼ਤ) ਨੇ ਪ੍ਰੀਖਿਆ ਦਿੱਤੀ। 2024 ਵਿੱਚ ਇਹ ਗਿਣਤੀ ਥੋੜ੍ਹੀ ਘੱਟ ਸੀ। ਉਸ ਸਾਲ 2,225 ਵਿਦਿਆਰਥੀਆਂ ਨੇ ਰਜਿਸਟਰ ਕੀਤਾ ਅਤੇ 1,657 (74 ਪ੍ਰਤੀਸ਼ਤ) ਨੇ ਪ੍ਰੀਖਿਆ ਦਿੱਤੀ। 10ਵੀਂ ਜਮਾਤ ਦੇ ਵਿਦਿਆਰਥੀ ਵੀ ਇਸ ਵਿਕਲਪ ਦਾ ਲਾਭ ਲੈ ਰਹੇ ਸਨ। 2025 ਵਿੱਚ 375 ਵਿਦਿਆਰਥੀਆਂ ਨੇ ਰਜਿਸਟ੍ਰੇਸ਼ਨ ਕੀਤੀ ਅਤੇ 311 ਨੇ ਪ੍ਰੀਖਿਆ ਦਿੱਤੀ। 2024 ਵਿੱਚ 330 ਵਿਦਿਆਰਥੀਆਂ ਨੇ ਰਜਿਸਟ੍ਰੇਸ਼ਨ ਕੀਤੀ ਅਤੇ 267 ਨੇ ਪ੍ਰੀਖਿਆ ਦਿੱਤੀ।

ਵਾਧੂ ਵਿਸ਼ਿਆਂ ਦਾ ਕਿਵੇਂ ਫਾਇਦਾ ਹੋਇਆ

ਹੁਣ ਤੱਕ 12ਵੀਂ ਜਮਾਤ ਪਾਸ ਕਰਨ ਤੋਂ ਬਾਅਦ ਵਿਦਿਆਰਥੀਆਂ ਨੂੰ ਦੋ ਸਾਲਾਂ ਲਈ ਇੱਕ ਵਾਧੂ ਵਿਸ਼ੇ ਲਈ ਬੈਠਣ ਦਾ ਮੌਕਾ ਮਿਲਦਾ ਸੀ। ਉਦਾਹਰਣ ਵਜੋਂ ਜੇਕਰ ਕਿਸੇ ਵਿਦਿਆਰਥੀ ਨੇ 11ਵੀਂ ਅਤੇ 12ਵੀਂ ਜਮਾਤ ਵਿੱਚ ਫਿਜਿਕਸ਼,ਕੈਮਿਸ਼ਟਰੀ, ਬਾਇਓਲਾਜੀ ਲਿਆ ਹੁੰਦਾ ਹੈ, ਤਾਂ ਉਹ ਅਗਲੇ ਸਾਲ ਗਣਿਤ ਲੈ ਕੇ ਜੇ.ਈ.ਈ ਵਰਗੀਆਂ ਪ੍ਰੀਖਿਆਵਾਂ ਵਿੱਚ ਬੈਠ ਸਕਦਾ ਸੀ। 12ਵੀਂ ਜਮਾਤ ਲਈ ਸਿਰਫ਼ ਇੱਕ ਵਾਧੂ ਵਿਸ਼ੇ ਦਾ ਵਿਕਲਪ ਸੀ, ਜਦੋਂ ਕਿ 10ਵੀਂ ਜਮਾਤ ਵਿੱਚ ਵਿਦਿਆਰਥੀ 2 ਵਿਸ਼ਿਆਂ ਤੱਕ ਚੁਣ ਸਕਦੇ ਸਨ ਪਰ ਸ਼ਰਤ ਇਹ ਸੀ ਕਿ ਉਨ੍ਹਾਂ ਵਿਸ਼ਿਆਂ ਵਿੱਚ ਪ੍ਰੋਜੈਕਟ ਵਰਕ ਹੋ ਸਕਦਾ ਹੈ, ਪ੍ਰੈਕਟੀਕਲ ਨਹੀਂ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8