-30 ਡਿਗਰੀ ''ਚ ਵੀ ਫ਼ੌਜੀ ਜਵਾਨਾਂ ਦੇ ਜਜ਼ਬੇ ਨੂੰ ਸਲਾਮ, ਪੰਜਾਬੀ ਗਾਣੇ ''ਤੇ ਨੱਚਦੇ ਮਨਾਇਆ ਨਵਾਂ ਸਾਲ (ਵੀਡੀਓ)
01/04/2023 2:55:45 PM
ਨੈਸ਼ਨਲ ਡੈਸਕ- ਭਾਰਤੀ ਫ਼ੌਜ ਦੇ ਜਵਾਨ ਹਰ ਮਾਹੌਲ ਵਿਚ ਰਹਿ ਕੇ ਖੁਸ਼ੀ ਲੱਭ ਹੀ ਲੈਂਦੇ ਹਨ। ਸਾਡੇ ਫ਼ੌਜੀ ਵੀਰ ਦੇਸ਼ ਦੀ ਸੇਵਾ ਲਈ ਹਮੇਸ਼ਾ ਸਰਹੱਦਾਂ 'ਤੇ ਡਟੇ ਰਹਿੰਦੇ ਹਨ। ਕੜਾਕੇ ਦੀ ਠੰਡ ਦਰਮਿਆਨ ਜਿੱਥੇ ਲੋਕ ਘਰਾਂ 'ਚੋਂ ਨਿਕਲਣ 'ਤੇ ਤੌਬਾ ਕਰਦੇ ਹਨ ਅਤੇ ਸਵੇਰੇ ਜਲਦੀ ਉਠਣ ਵਿਚ ਵੀ ਗੁਰੇਜ਼ ਕਰਦੇ ਹਨ। ਅਜਿਹੇ ਵਿਚ ਭਾਰੀ ਬਰਫ਼ਬਾਰੀ ਦਰਮਿਆਨ ਸਾਡੇ ਫ਼ੌਜੀ ਵੀਰ ਆਪਣੀ ਡਿਊਟੀ ਤੋਂ ਪਿੱਛੇ ਨਹੀਂ ਹਟਦੇ। ਪਹਾੜੀ ਇਲਾਕਿਆਂ ਵਿਚ ਇਨ੍ਹੀਂ ਦਿਨੀਂ ਪਾਰਾ ਮਾਈਸ ਤੱਕ ਜਾ ਰਿਹਾ ਹੈ। ਇਸ ਬਰਫ਼ਬਾਰੀ ਵਿਚ ਵੀ ਸਾਡੇ ਜਵਾਨਾਂ ਦਾ ਜੋਸ਼ ਹਾਈ ਹੈ।
ਦਰਅਸਲ ਸੋਸ਼ਲ ਮੀਡੀਆ 'ਤੇ ਇਕ ਵੀਡੀਓ ਵਾਇਰਲ ਹੋ ਰਿਹਾ ਹੈ, ਜਿਸ ਵਿਚ ਜਵਾਨ ਬਰਫ਼ ਦਰਮਿਆਨ ਵੀ ਡਟੇ ਹੋਏ ਹਨ। ਨਵੇਂ ਸਾਲ ਦਾ ਜਸ਼ਨ ਮਨਾ ਰਹੇ ਹਨ। ਭਾਜਪਾ ਆਗੂ ਬ੍ਰਿਜੇਸ਼ ਰਾਏ ਨੇ ਆਪਣੇ ਟਵਿੱਟਰ ਹੈਂਡਲ 'ਤੇ ਜਵਾਨਾਂ ਦੀ ਵੀਡੀਓ ਸਾਂਝੀ ਕੀਤੀ ਹੈ। ਇਸ ਵੀਡੀਓ ਨਾਲ ਉਨ੍ਹਾਂ ਨੇ ਕੈਪਸ਼ਨ ਵਿਚ ਲਿਖਿਆ-30 ਡਿਗਰੀ ਵਿਚ ਸਾਡੇ ਦੇਸ਼ ਦੇ ਵੀਰ ਫ਼ੌਜੀਆਂ ਦੇ ਜਜ਼ਬੇ ਨੂੰ ਸਲਾਮ.. ਜੈ ਹਿੰਦ ਦੀ ਸੈਨਾ... ਭਾਰਤ ਮਾਤਾ ਦੀ ਜੈ।
- 30 डिग्री में हमारे देश के वीर सैनिकों के जज्बे को सलाम... जय हिन्द की सेना... भारत माता की जय https://t.co/g065NiiZHQ pic.twitter.com/qZhBcZ6KAv
— Brijesh Rai (@BrijeshRai4bjp) January 3, 2023
ਵੀਡੀਓ ਵਿਚ ਵੀਰ ਜਵਾਨ ਨਵੇਂ ਸਾਲ ਦਾ ਜਸ਼ਨ ਮਨਾ ਰਹੇ ਹਨ ਅਤੇ ਪੰਜਾਬੀ ਗਾਇਕ ਜਾਰਡਨ ਸੰਧੂ ਦੇ ਗਾਣੇ- 'ਪਹਿਲੇ ਵੀਕ ਖੁਸ਼ ਹੋਇਆ, ਦੂਜੇ ਵੀਕ...' 'ਤੇ ਜੰਮ ਕੇ ਥਿਰਕਦੇ ਹੋਏ ਨਜ਼ਰ ਆ ਰਹੇ ਹਨ। ਇਸ ਵੀਡੀਓ 'ਤੇ ਲੋਕ ਰਿਐਕਸ਼ਨ ਦੇ ਰਹੇ ਹਨ ਅਤੇ ਜਵਾਨਾਂ ਨੂੰ ਸਲਾਮ ਕਰ ਰਹੇ ਹਨ।
