ਹੁਣ ਪੰਜਾਬੀ ਗਾਣੇ ਪਿੱਛੇ ਪੈ ਗਿਆ ਰੌਲ਼ਾ, Youtube ਤੋਂ ਕੱਟਿਆ ਗਿਆ 'ਬਾਦਲਾਂ ਦਾ ਗੜ੍ਹ ਲੰਬੀ ਥਾਣਾ ਬੱਲੀਏ'!

ਜਲੰਧਰ (ਵੈੱਬ ਡੈਸਕ): ਪੰਜਾਬੀ ਗਾਇਕ ਰਮਨ ਲਾਖੇਸਰ ਦਾ ਗਾਣਾ My World 2 ਇਕ ਵਾਰ ਫ਼ਿਰ ਸਿਆਸਤ ਵਿਚ ਚਰਚਾ ਦਾ ਵਿਸ਼ਾ ਬਣ ਗਿਆ ਹੈ। ਦਰਅਸਲ, ਇਸ ਗਾਣੇ ਦੀ ਲਾਈਨ 'ਜਾਣਦਾ ਨਿਆਣਾ ਕੀ ਸਿਆਣਾ ਬੱਲੀਏ, ਬਾਦਲਾਂ ਦਾ ਗੜ੍ਹ ਲੰਬੀ ਥਾਣਾ ਬੱਲੀਏ...' ਕਾਫ਼ੀ ਮਸ਼ਹੂਰ ਹੈ। ਯੂ-ਟਿਊਬ 'ਤੇ ਇਸ ਗਾਣੇ ਨੂੰ ਹੁਣ ਤਕ 20 ਮੀਲੀਅਨ ਲੋਕਾਂ ਨੇ ਸੁਣਿਆ ਹੈ। ਪਰ ਹੁਣ ਅਕਾਲੀ ਦਲ ਨੇ ਦੋਸ਼ ਲਗਾਇਆ ਹੈ ਕਿ ਸਰਕਾਰ ਨੇ ਗਾਣੇ ਵਿਚੋਂ 'ਬਾਦਲਾਂ ਦਾ ਗੜ੍ਹ ਲੰਬੀ ਥਾਣਾ ਬੱਲੀਏ' ਲਾਈਨ ਹੀ ਕਟਵਾ ਦਿੱਤੀ ਹੈ। 

ਯੂਥ ਅਕਾਲੀ ਦਲ ਦੇ ਪ੍ਰਧਾਨ ਸਰਬਜੀਤ ਸਿੰਘ ਝਿੰਝਰ ਅਤੇ ਸ਼੍ਰੋਮਣੀ ਅਕਾਲੀ ਦਲ ਦੇ ਬੁਲਾਰੇ ਪਰਮਬੰਸ ਸਿੰਘ ਬੰਟੀ ਰੋਮਾਣਾ ਨੇ ਸੋਸ਼ਲ ਮੀਡੀਆ 'ਤੇ ਇਹ ਦਾਅਵਾ ਕੀਤਾ ਹੈ ਕਿ ਭਗਵੰਤ ਮਾਨ ਸਰਕਾਰ ਇਸ ਲਾਈਨ ਤੋਂ ਡਰ ਗਈ ਹੈ, ਜਿਸ ਕਾਰਨ ਉਨ੍ਹਾਂ ਨੇ ਇਹ ਲਾਈਨ ਡਿਲੀਟ ਕਰਵਾਈ ਹੈ। ਉਨ੍ਹਾਂ ਨੇ ਕਿਹਾ ਕਿ ਗਾਣੇ ਵਿਚ ਜੇ ਕਿਤੇ 'ਬਾਦਲਾਂ' ਦਾ ਨਾਂ ਆ ਗਿਆ ਤੇ ਅੱਜ ਉਹ ਲਾਈਨ ਨੌਜਾਵਨਾਂ ਦੀਆਂ ਗੱਡੀਆਂ ਤੇ ਮੋਬਾਈਲਾਂ ਵਿਚ ਅਤੇ ਵਿਆਹ-ਸ਼ਾਦੀਆਂ ਵਿਚ ਚੱਲ ਰਹੀ ਹੈ, ਤਾਂ ਸਰਕਾਰ ਨੂੰ ਇਸ ਤੋਂ ਤਕਲੀਫ਼ ਹੋ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਸਰਕਾਰ ਯੂ-ਟਿਊਬ ਤੋਂ ਤਾਂ ਇਹ ਲਾਈਨ ਕਟਵਾ ਸਸਕਦੀ ਹੈ, ਪਰ ਪੰਜਾਬ ਦੇ ਦਿਲਾਂ ਵਿਚੋਂ ਨਹੀਂ। ਉਨ੍ਹਾਂ ਕਿਹਾ ਕਿ ਇਹ ਲਾਈਨ ਹੁਣ ਵੀ ਵਿਆਹਾਂ-ਸ਼ਾਦੀਆਂ ਤੇ ਗੱਡੀਆਂ ਵਿਚ ਪਹਿਲਾਂ ਵਾਂਗ ਹੀ ਵੱਝਦੀ ਰਹੇਗੀ। 

“ਬਾਦਲਾਂ ਦਾ ਗੜ੍ਹ ਲੰਬੀ ਥਾਣਾ ਬੱਲੀਏ”, this viral line from the song My World 2 has been deleted on YouTube from the song under pressure from the Govt‼️

ਕਿਥੋਂ ਕਿਥੋਂ delete ਕਰਵਾਓ ਗੇ ਮਾਨ ਸਾਹਿਬ ‼️

Itna na ghabrao Raja😀😀‼️

P.S. ਅੱਜ ਇਕ ਵਿਆਹ ਤੇ ਜਾਣਾ ਹੈ, ਬਾਦਲਾਂ ਦੇ ਗੜ੍ਹ ਤੇ ਹੀ ਭੰਗੜਾ… pic.twitter.com/P7WLEiXy4A

— Parambans Singh Romana (@ParambansRomana) February 27, 2026

YOUTUBE ਤੋਂ ਹਟਾ ਲਵੋਗੇ
ਦਿਲੋਂ ਕਿਵੇਂ ਮਿਟਾਓਗੇ??

Sarabjit Singh Jhinjar, President, Youth Akali Dal pic.twitter.com/HqqsCy9ypC

— Shiromani Akali Dal (@Akali_Dal_) February 27, 2026

ਇੱਥੇ ਦੱਸ ਦਈਏ ਕਿ ਬੀਤੇ ਦਿਨੀਂ ਵੀ ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਅਤੇ ਸੀਨੀਅਰ ਅਕਾਲੀ ਆਗੂ ਬਿਕਰਮ ਸਿੰਘ ਮਜੀਠੀਆ ਨੇ ਵੀ ਪੰਜਾਬੀ ਗਾਇਕ ਗਿੱਪੀ ਗਰੇਵਾਲ ਅਤੇ ਜੌਰਡਨ ਸੰਧੂ ਦੀ ਸੁਰੱਖਿਆ ਵਾਪਸ ਲਏ ਜਾਣ ਨੂੰ ਸਰਕਾਰ ਵੱਲੋਂ ਬਦਲਾਖੋਰੀ ਤਹਿਤ ਕੀਤੀ ਗਈ ਕਾਰਵਾਈ ਦੱਸਿਆ ਸੀ। ਉਨ੍ਹਾਂ ਦਾ ਕਹਿਣਾ ਸੀ ਕਿ ਗਿੱਪੀ ਗਰੇਵਾਲ ਨੇ ਸੁਖਬੀਰ ਸਿੰਘ ਬਾਦਲ ਨਾਲ ਮੁਲਾਕਾਤ ਕੀਤੀ ਸੀ ਤੇ ਜੌਰਡਨ ਸੰਧੂ ਨੇ ਇਕ ਵਿਆਹ ਸਮਾਗਮ ਦੌਰਾਨ ਬਿਕਰਮ ਮਜੀਠੀਆ ਲਈ ਬੋਲੀ ਪਾਈ ਸੀ, ਜਿਸ ਤੋਂ ਬਾਅਦ ਸਰਕਾਰ ਵੱਲੋਂ ਉਨ੍ਹਾਂ ਦੀ ਸੁਰੱਖਿਆ ਵਾਪਸ ਲਈ ਗਈ ਹੈ। 

I have come across reports that the security cover of prominent actor/singer @GippyGrewal has been withdrawn after he met me at my residence in Badal village recently.
▪️ Reports also suggest that the security cover of another prominent artist, @JordanSandhu94, has been withdrawn… pic.twitter.com/X6iKTBEvD3

— Sukhbir Singh Badal (@officeofssbadal) February 26, 2026