ਪਾਕਿਸਤਾਨੀ ਕੁੜੀ ਨੇ ਭਾਰਤੀ ਮੁੰਡੇ ਨਾਲ ਰਚਾਇਆ ਵਿਆਹ, ਇੰਝ ਦਿੱਤਾ ਇਕ-ਦੂਜੇ ਦਾ ਸਾਥ

ਮੁੰਬਈ/ਕਰਾਚੀ(ਬਿਊਰੋ)—ਕਿਹਾ ਜਾਂਦਾ ਹੈ ਕਿ ਜਿੱਥੇ ਪਿਆਰ ਹੋਵੇ, ਉਥੇ ਉਸ ਨੂੰ ਕੋਈ ਸਰਹੱਦ ਨਹੀਂ ਰੋਕ ਸਕਦੀ। ਅਜਿਹਾ ਹੀ ਹੋਇਆ ਕਰਾਚੀ ਦੀ ਕੁੜੀ ਨਾਲ। ਉਸ ਨੂੰ ਮੁੰਬਈ ਦੇ ਮੁੰਡੇ ਨਾਲ ਪਿਆਰ ਹੋ ਗਿਆ। ਇਨ੍ਹਾਂ ਦੀ ਲਵ ਸਟੋਰੀ ਇਨ੍ਹੀਂ ਦਿਨੀਂ ਫੇਸਬੁੱਕ 'ਤੇ ਕਾਫੀ ਵਾਇਰਲ ਹੋ ਰਹੀ ਹੈ। ਪੋਸਟ ਵਿਚ ਕਰਾਚੀ ਦੀ ਕੁੜੀ ਸਾਰਾਹ ਨੇ ਦੱਸਿਆ ਕਿ ਉਹ ਵਿਆਹ ਤੋਂ 2 ਮਹੀਨੇ ਬਾਅਦ ਆਪਣੇ ਪਤੀ ਨਾਲ ਮੁੰਬਈ ਵਿਚ ਸ਼ਿਫਟ ਹੋ ਗਈ ਸੀ, ਜਿੱਥੇ ਉਨ੍ਹਾਂ ਦੀ ਜ਼ਿੰਦਗੀ ਵਿਚ ਕਾਫੀ ਉਤਾਰ-ਚੜਾਅ ਆਏ। ਇੱਥੋਂ ਤੱਕ ਕੇ ਉਨ੍ਹਾਂ ਦੇ ਪਤੀ ਦੀ ਨੌਕਰੀ ਵੀ ਚਲੀ ਗਈ। ਜਿਸ ਨਾਲ ਸਾਰਾਹ ਅਤੇ ਮੁਸਤਫਾ ਦੀ ਜ਼ਿੰਦਗੀ ਪੂਰੀ ਤਰ੍ਹਾਂ ਨਾਲ ਬਦਲ ਚੁੱਕੀ ਸੀ।
ਦੋਵਾਂ ਨੇ ਨੌਕਰੀ ਲੱਭਣ ਦੀ ਕਾਫੀ ਕੋਸ਼ਿਸ਼ ਕੀਤੀ ਪਰ ਕੁੱਝ ਹੱਥ ਨਹੀਂ ਲੱਗਿਆ। ਜਿਸ ਤੋਂ ਬਾਅਦ 3 ਮਹੀਨੇ ਤੱਕ ਸਾਰਾਹ ਡਿਪਰੈਸ਼ਨ ਵਿਚ ਰਹੀ। ਉਨ੍ਹਾਂ ਨੇ ਆਪਣੇ ਪਰਿਵਾਰ ਨੂੰ ਇਸ ਬਾਰੇ ਵਿਚ ਕੁੱਝ ਨਹੀਂ ਦੱਸਿਆ। ਸਾਰਾਹ ਨੇ ਕਿਹਾ ਕਿ ਉਹ ਰਾਤ ਭਰ ਰੋਂਦੀ ਰਹਿੰਦੀ ਸੀ ਅਤੇ ਪਤੀ ਮੁਸਤਫਾ ਉਸ ਸਮੇਂ ਕਾਫੀ ਪ੍ਰੇਸ਼ਾਨ ਰਹਿੰਦੇ ਸਨ। ਉਨ੍ਹਾਂ ਅੱਗੇ ਦੱਸਿਆ, 'ਸਾਡੇ ਕੋਲ ਕੁੱਝ ਖਾਣ ਲਈ ਪੈਸੇ ਤੱਕ ਨਹੀਂ ਸਨ। ਅਸੀਂ ਰਾਤ ਨੂੰ ਪੈਦਲ ਨਿਕਲਦੇ ਸੀ ਅਤੇ ਇਕ ਹੀ ਆਈਸਕ੍ਰੀਮ ਸ਼ੇਅਰ ਕਰਦੇ ਸੀ। ਉਸ ਸਮੇਂ ਮੈਂ ਦੁੱਖ ਦੀ ਘੜੀ ਵਿਚ ਪੁਰਾਣੀਆਂ ਯਾਦਾਂ ਯਾਦ ਕੀਤੀਆਂ, ਜਦੋਂ ਅਸੀਂ ਇਕੱਠੇ ਚੰਗਾ ਸਮਾਂ ਬਿਤਾਇਆ ਸੀ। ਫਿਰ ਮੈਂ ਸੋਚ ਲਿਆ ਕਿ ਹੁਣ ਜੋ ਹੈ ਉਹ ਮੁਸਤਫਾ ਹੀ ਹੈ। ਹਰ ਮੌਕਿਆਂ 'ਤੇ ਮੈਂ ਮੁਸਤਫਾ ਦਾ ਸਾਥ ਦਵਾਂਗੀ। ਇਕ ਦਿਨ ਉਨ੍ਹਾਂ ਨੂੰ ਆਈਡੀਆ ਆਇਆ ਕਿ ਕਿਉਂ ਨਾ ਪਾਕਿਸਤਾਨ ਵਿਚ ਮੈਂ ਜੋ ਮੇਕਅੱਪ ਆਰਟਿਸਟ ਦਾ ਕੰਮ ਕਰਦੀ ਸੀ, ਉਹ ਇੱਥੇ ਸ਼ੁਰੂ ਕੀਤਾ ਜਾਏ।
ਇਸ ਕੰਮ ਵਿਚ ਉਨ੍ਹਾਂ ਦੇ ਪਤੀ ਮੁਸਤਫਾ ਨੇ ਉਨ੍ਹਾਂ ਦਾ ਸਾਥ ਦਿੱਤਾ ਅਤੇ ਮਾਰਕੇਟਿੰਗ ਕਰਨੀ ਸ਼ੁਰੂ ਕੀਤੀ ਅਤੇ ਉਨ੍ਹਾਂ ਨੂੰ ਕਲਾਈਂਟ ਮਿਲਣੇ ਸ਼ੁਰੂ ਹੋ ਗਏ। ਮੁਸਤਫਾ ਨੇ ਹਰ ਮੌਕਿਆਂ 'ਤੇ ਮੇਰਾ ਸਾਥ ਦਿੱਤਾ ਅਤੇ ਸਾਡੇ ਦੋਵਾਂ ਦੀ ਜ਼ਿੰਦਗੀ ਫਿਰ ਟਰੈਕ 'ਤੇ ਆ ਗਈ। ਤੁਹਾਨੂੰ ਦੱਸ ਦਈਏ ਕਿ ਹੁਣ ਸਾਰਾਹ ਮੇਕਅੱਪ ਆਰਟਿਸਟ ਦਾ ਕੰਮ ਕਰਦੀ ਹੈ ਅਤੇ ਮੁਸਤਫਾ ਉਨ੍ਹਾਂ ਦੀ ਬਿਜਨੈਸ ਵਿਚ ਮਦਦ ਕਰਦੇ ਹਨ। ਉਨ੍ਹਾਂ ਦੀ ਇਸ ਲਵ ਸਟੋਰੀ ਨੂੰ ਹੁਣ ਤੱਕ 300 ਤੋਂ ਜ਼ਿਆਦਾ ਲੋਕਾਂ ਨੇ ਸ਼ੇਅਰ ਕੀਤਾ ਹੈ।