ਭਾਰਤ ਦੇ ਪਹਿਲੇ ਵਰਟੀਕਲ ਲਿਫਟ ਪੰਬਨ ਪੁਲ ਦਾ ਟ੍ਰਾਇਲ ਸਫ਼ਲ, ਜਾਣੋ ਇਸ ਦੀ ਖ਼ਾਸੀਅਤ

ਰਾਮੇਸ਼ਵਰਮ- ਭਾਰਤ ਦੇ ਪਹਿਲੇ ਵਰਟੀਕਲ ਲਿਫ਼ ਵਿਸ਼ੇਸ਼ਤਾ ਵਾਲੇ ਨਵੇਂ ਪੰਬਨ ਪੁਲ ਨੇ ਅੰਤਿਮ ਟੈਸਟ ਪਾਸ ਕਰ ਲਿਆ ਹੈ। ਪ੍ਰਧਾਨ ਮੰਤਰੀ ਮੋਦੀ ਨੇ ਇਸ ਪੁਲ ਦਾ ਕੰਮ 2019 'ਚ ਸ਼ੁਰੂ ਕੀਤਾ ਸੀ। ਅਜਿਹੀ ਸਥਿਤੀ 'ਚ ਇਹ ਪੁਲ 6 ਸਾਲਾਂ 'ਚ ਬਣ ਕੇ ਤਿਆਰ ਹੋ ਗਿਆ ਹੈ। ਪ੍ਰਧਾਨ ਮੰਤਰੀ ਮੋਦੀ ਰਾਮ ਨੌਮੀ ਵਾਲੇ ਦਿਨ ਯਾਨੀ 6 ਅਪ੍ਰੈਲ ਨੂੰ ਇਸ ਪੁਲ ਨੂੰ ਰਾਸ਼ਟਰ ਨੂੰ ਸਮਰਪਿਤ ਕਰਨਗੇ। ਇਹ ਪੁਲ 2.5 ਕਿਲੋਮੀਟਰ ਤੋਂ ਵੱਧ ਲੰਬਾ ਹੈ। ਇਸ ਨੂੰ ਰੇਲ ਵਿਕਾਸ ਨਿਗਮ ਲਿਮਟਿਡ (RVNL) ਵਲੋਂ 535 ਕਰੋੜ ਰੁਪਏ ਦੀ ਲਾਗਤ ਨਾਲ ਬਣਾਇਆ ਗਿਆ ਹੈ। ਇਸ ਮੌਕੇ ਪ੍ਰਧਾਨ ਮੰਤਰੀ ਤਾਂਬਰਮ-ਰਾਮੇਸ਼ਵਰਮ ਵਿਚਕਾਰ ਇਕ ਨਵੀਂ ਰੇਲ ਸੇਵਾ ਨੂੰ ਹਰੀ ਝੰਡੀ ਵੀ ਦਿਖਾਉਣਗੇ ਅਤੇ ਇਕ ਜਨਤਕ ਮੀਟਿੰਗ ਨੂੰ ਸੰਬੋਧਨ ਕਰਨਗੇ। ਤਾਮਿਲਨਾਡੂ ਦੇ ਰਾਮੇਸ਼ਵਰਮ 'ਚ ਬਣੇ ਨਵੇਂ ਪੰਬਨ ਪੁਲ ਦਾ 29 ਮਾਰਚ ਨੂੰ ਸਫਲਤਾਪੂਰਵਕ ਟ੍ਰਾਇਲ ਕੀਤਾ ਗਿਆ ਸੀ। ਰੇਲਵੇ ਅਨੁਸਾਰ, ਰਿਹਰਸਲ ਦੇ ਸਮੇਂ ਨੂੰ ਇਕ ਸਮਾਨ ਕਰਨ ਲਈ ਪੁਰਾਣੇ ਅਤੇ ਨਵੇਂ ਪੰਬਨ ਪੁਲਾਂ ਨੂੰ ਖੋਲ੍ਹਣਾ ਸ਼ਾਮਲ ਸੀ ਅਤੇ ਇਕ ਤੱਟ ਰੱਖਿਅਕ ਜਹਾਜ਼ ਨੂੰ ਨਵੇਂ ਪੁਲ ਦੇ ਖੁੱਲ੍ਹੇ ਲਿਫਟ ਸਪਾਨ ਦੇ ਹੇਠਾਂ ਦੂਜੇ ਪਾਸੇ ਜਾਣ ਦੀ ਆਗਿਆ ਦੇਣ ਤੋਂ ਬਾਅਦ ਨਵੇਂ ਪੁਲ ਦੇ ਚੁੱਕੇ ਗਏ ਹਿੱਸੇ ਨੂੰ ਸਮੇਂ ਨੂੰ ਮਾਪਣ ਲਈ ਹੇਠਾਂ ਉਤਾਰਿਆ ਗਿਆ। ਨਵੇਂ ਪੁਲ ਦੇ ਲਿਫਟ ਸਪਾਨ ਨੂੰ ਹੇਠਾਂ ਕੀਤੇ ਜਾਣ ਤੋਂ ਬਾਅਦ ਸਮੇਂ ਨੂੰ ਵੈਰੀਫਾਈ ਕਰਨ ਲਈ ਪੰਬਰ ਛੋਰ ਤੋਂ ਮੰਡਪਮ ਛੋਰ ਤੱਕ ਪੰਬਨ ਬਰਿੱਜ ਦੇ ਪਾਰ ਇਕ ਟਰੇਨ ਚਲਾਈ ਗਈ। ਅਧਿਕਾਰੀਆਂ ਨੇ ਸਿੱਟਾ ਕੱਢਿਆ ਕਿ ਟੈਸਟ ਸਫਲ ਰਹੇ। ਇਹ ਪੁਲ ਰਾਮੇਸ਼ਵਰਮ ਨੂੰ ਧਨੁਸ਼ਕੋਡੀ ਨਾਲ ਜੋੜੇਗਾ। ਇਹ ਪੁਲ 535 ਕਰੋੜ ਰੁਪਏ ਦੀ ਲਾਗਤ ਨਾਲ ਬਣਾਇਆ ਗਿਆ ਹੈ।

ਪੁਰਾਣੇ ਪੰਬਨ ਪੁਲ ਦੀ ਥਾਂ 'ਤੇ ਇਕ ਨਵਾਂ ਪੰਬਨ ਪੁਲ ਬਣਿਆ ਹੈ। ਇਹ ਪੁਲ 2.5 ਕਿਲੋਮੀਟਰ ਤੋਂ ਵੱਧ ਲੰਬਾ ਹੈ। ਇਸ ਨੂੰ ਰੇਲ ਵਿਕਾਸ ਨਿਗਮ ਲਿਮਟਿਡ (RVNL) ਵਲੋਂ 535 ਕਰੋੜ ਰੁਪਏ ਦੀ ਲਾਗਤ ਨਾਲ ਬਣਾਇਆ ਗਿਆ ਹੈ। ਇਹ (ਪੰਬਨ ਪੁਲ) ਤੇਜ਼ ਰਫ਼ਤਾਰ ਰੇਲ ਗੱਡੀਆਂ ਅਤੇ ਭਾਰੀ ਆਵਾਜਾਈ ਨੂੰ ਸੰਭਾਲਣ ਲਈ ਬਣਾਇਆ ਗਿਆ ਹੈ। ਨਵਾਂ ਪੰਬਨ ਪੁਲ ਸਿਰਫ਼ ਉਪਯੋਗੀ ਹੀ ਨਹੀਂ ਹੈ, ਸਗੋਂ ਇਹ ਤਰੱਕੀ ਦਾ ਪ੍ਰਤੀਕ ਵੀ ਹੈ। ਇਸ ਪੁਲ ਦੇ ਸਾਰੇ ਟੈਸਟ ਪੂਰੇ ਹੋ ਚੁੱਕੇ ਹਨ। ਇਸ ਪੁਲ ਨੂੰ ਸੁਰੱਖਿਆ ਪ੍ਰਮਾਣ ਪੱਤਰ ਵੀ ਮਿਲ ਗਏ ਹਨ। ਕੁਝ ਦਿਨ ਪਹਿਲਾਂ ਰੇਲਵੇ ਸੁਰੱਖਿਆ ਕਮਿਸ਼ਨਰ (CRS) ਨੇ ਪੁਲ ਲਈ 75 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਗਤੀ ਸੀਮਾ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਹਾਲਾਂਕਿ ਇਹ ਨਿਯਮ ਪੁਲ ਦੇ ਵਿਚਕਾਰਲੇ ਹਿੱਸੇ 'ਤੇ ਲਾਗੂ ਨਹੀਂ ਹੋਵੇਗਾ, ਜੋ ਉੱਪਰ ਉੱਠਦਾ ਹੈ।

ਨਵੇਂ ਪੁਲ ਨੂੰ 80 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫ਼ਤਾਰ ਨਾਲ ਤਿਆਰ ਕੀਤਾ ਗਿਆ ਹੈ। ਇਕ ਮੋੜ ਦੇ ਕਾਰਨ, CRS ਨੇ 75 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਗਤੀ ਸੀਮਾ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਸਿਰਫ਼ ਲਿਫਟ ਵਾਲੇ ਹਿੱਸੇ ਲਈ, ਉਨ੍ਹਾਂ ਨੇ 50 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫ਼ਤਾਰ ਦੀ ਇਜਾਜ਼ਤ ਦਿੱਤੀ ਹੈ। ਨਵੇਂ ਪੁਲ ਨੂੰ ਇਕ ਇਲੈਕਟ੍ਰੋਮੈਕਨੀਕਲ ਸਿਸਟਮ ਰਾਹੀਂ ਚਲਾਇਆ ਜਾਵੇਗਾ। ਇਸ ਨਾਲ ਸਮੁੰਦਰ 'ਚ ਜਹਾਜ਼ਾਂ ਦੀ ਆਵਾਜਾਈ ਆਸਾਨ ਹੋ ਜਾਵੇਗੀ। ਜਦੋਂ ਜਹਾਜ਼ ਦੇ ਆਉਣ ਦਾ ਸਮਾਂ ਹੋਵੇਗਾ ਤਾਂ ਪੁਲ ਨੂੰ ਚੁੱਕ ਦਿੱਤਾ ਜਾਵੇਗਾ। ਪੁਲ ਨੂੰ ਚੁੱਕਣ 'ਚ 5 ਮਿੰਟ ਲੱਗਣਗੇ ਅਤੇ ਸਿਰਫ਼ ਇਕ ਆਦਮੀ ਇਹ ਕਰ ਸਕਦਾ ਹੈ। ਭਾਵ, ਪੁਲ ਨੂੰ ਚੁੱਕਣ ਲਈ ਬਹੁਤ ਸਾਰੇ ਲੋਕਾਂ ਦੀ ਲੋੜ ਨਹੀਂ ਪਵੇਗੀ। 30 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫ਼ਤਾਰ ਨਾਲ ਚੱਲਣ ਵਾਲੀ ਟਰੇਨ ਨੂੰ ਪੁਲ ਪਾਰ ਕਰਨ 'ਚ ਇਕ ਮਿੰਟ ਅਤੇ 45 ਸਕਿੰਟ ਦਾ ਸਮਾਂ ਲੱਗੇਗਾ। ਜਹਾਜ਼ ਦੇ ਲੰਘਣ ਅਤੇ ਪੁਲ ਦੇ ਖੁੱਲ੍ਹਣ 'ਚ 5 ਮਿੰਟ ਅਤੇ 10 ਸਕਿੰਟ ਦਾ ਸਮਾਂ ਲੱਗੇਗਾ ਯਾਨੀ ਕੁੱਲ ਮਿਲਾ ਕੇ ਲਗਭਗ 12 ਮਿੰਟ। 

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8