ਹਿਮਾਚਲ ''ਚ ਬਰਫ਼ਬਾਰੀ ਮਗਰੋਂ ਮੈਦਾਨੀ ਇਲਾਕਿਆਂ ''ਚ ਵਧੀ ਠੰਡ

ਹਿਮਾਚਲ—ਹਿਮਾਚਲ ਪ੍ਰਦੇਸ਼ ਦੀਆਂ ਚੋਟੀਆਂ 'ਤੇ ਪਿਛਲੇ 24 ਘੰਟਿਆਂ ਦੌਰਾਨ ਦਰਮਿਆਨੀ ਬਰਫਬਾਰੀ ਹੋਣ ਨਾਲ ਪੰਜਾਬ, ਹਰਿਆਣਾ, ਚੰਡੀਗੜ੍ਹ ਤੇ ਨਾਲ ਲੱਗਦੇ ਮੈਦਾਨੀ ਇਲਾਕਿਆਂ 'ਚ ਠੰਡ ਵਧ ਗਈ ਹੈ। ਮੌਸਮ ਵਿਭਾਗ ਅਨੁਸਾਰ ਅਗਲੇ 4 ਦਿਨਾਂ 'ਚ ਦਰਮਿਆਨਾ ਮੀਂਹ ਪੈਣ,  ਜਦਕਿ ਅਗਲੇ 2 ਦਿਨਾਂ 'ਚ ਖੁਸ਼ਕ ਮੌਸਮ ਦਰਮਿਆਨ ਧੁੰਦ ਪੈਣ ਦੀ ਸੰਭਾਵਨਾ ਹੈ। ਕਲ ਰਾਤ ਬੱਦਲ ਰਹਿਣ ਨਾਲ ਤਾਪਮਾਨ 'ਚ ਵਾਧਾ ਦਰਜ ਕੀਤਾ ਗਿਆ ਸੀ। ਆਦਮਪੁਰ ਅਤੇ ਅੰਮ੍ਰਿਤਸਰ ਦਾ ਘੱਟੋ-ਘੱਟ ਤਾਪਮਾਨ 04-04 ਡਿਗਰੀ ਸੈਲਸੀਅਸ ਰਿਹਾ। ਚੰਡੀਗੜ੍ਹ ਵਿਚ ਘੱਟੋ-ਘੱਟ ਤਾਪਮਾਨ 11, ਅੰਬਾਲਾ ਤੇ ਰੋਹਤਕ 12-12, ਹਿਸਾਰ 0.7, ਨਾਰਨੌਲ 10, ਲੁਧਿਆਣਾ 10, ਪਟਿਆਲਾ 11, ਹਲਵਾਰਾ 07, ਦਿੱਲੀ 13, ਸ਼੍ਰੀਨਗਰ ਜ਼ੀਰੋ ਤੋਂ ਘੱਟ 3 ਡਿਗਰੀ ਅਤੇ ਜੰਮੂ 06 ਡਿਗਰੀ ਸੈਲਸੀਅਸ ਰਿਹਾ।
ਹਿਮਾਚਲ ਦੇ ਲਾਹੁਲ ਸਪੀਤੀ ਜ਼ਿਲੇ 'ਚ ਚੋਟੀਆਂ, ਰੋਹਤਾਂਗ ਦੱਰੇ ਸਮੇਤ ਚੋਟੀਆਂ 'ਤੇ ਬਰਫਬਾਰੀ ਹੋਈ, ਜਿਸ ਨਾਲ ਠੰਡ ਵਧੀ ਹੈ। ਸ਼ਿਮਲਾ ਦਾ ਘੱਟੋ-ਘੱਟ ਤਾਪਮਾਨ 08, ਮਨਾਲੀ 03, ਭੂੰਤਰ 04, ਧਰਮਸ਼ਾਲਾ 06, ਕਾਂਗੜਾ 07, ਸੁੰਦਰਨਗਰ 04, ਨਾਹਨ 09, ਊਨਾ 06 ਅਤੇ ਕਲਪਾ 02 ਡਿਗਰੀ ਸੈਲਸੀਅਸ ਰਿਹਾ।