ਕਬਰ ਪੁੱਟ ਕੱਢੀ ਮੌਲਾਨਾ ਦੀ ਲਾਸ਼, ਫਿਰ ਕੀਤਾ ਤੰਤਰ-ਮੰਤਰ…. ਸਿਰ ਵੱਢ ਲੈ ਗਏ ਮੁੰਬਈ

ਨੈਸ਼ਨਲ ਡੈਸਕ - ਅਥਾਹ ਸ਼ਕਤੀ ਅਤੇ ਲੋਕਾਂ ਵਿੱਚ ਸਿੱਧ ਵਜੋਂ ਜਾਣੇ ਜਾਣ ਦੀ ਲਾਲਸਾ ਨੇ ਦੋ ਤਾਂਤਰਿਕਾਂ ਨੂੰ ਸਲਾਖਾਂ ਪਿੱਛੇ ਪਹੁੰਚਾ ਦਿੱਤਾ। ਜੀ ਹਾਂ, ਤਾਂਤਰਿਕਾਂ ਨੇ ਸਫਲਤਾ ਪ੍ਰਾਪਤ ਕਰਨ ਲਈ ਇਨਸਾਨੀਅਤ ਨੂੰ ਹੀ ਤਾਰ- ਤਾਰ ਕਰ ਦਿੱਤਾ ਹੈ। ਉਹ ਜਾਣਦਾ ਸੀ ਕਿ ਮੌਲਾਨਾ ਕੋਲ ਇੱਕ ਜਿੰਨ ਹੈ ਅਤੇ ਮੌਲਾਨਾ ਦੀ ਮੌਤ ਤੋਂ ਬਾਅਦ ਉਹ ਵੀ ਜਿੰਨ ਚਾਹੁੰਦਾ ਸੀ। ਸਿਰਫ਼ ਇਹੀ ਇੱਛਾ ਉਸ ਨੂੰ ਮੌਲਾਨਾ ਦੀ ਕਬਰ ਤੱਕ ਲੈ ਗਈ। ਜਦੋਂ ਤੰਤਰ ਮੰਤਰਾਂ ਦਾ ਜਾਪ ਕਰਨ 'ਤੇ ਵੀ ਸਫਲਤਾ ਨਾ ਮਿਲੀ ਤਾਂ ਦੋਹਾਂ ਤਾਂਤਰਿਕਾਂ ਨੇ ਮੌਲਾਨਾ ਦੀ ਕਬਰ ਪੁੱਟ ਕੇ ਲਾਸ਼ ਨੂੰ ਬਾਹਰ ਕੱਢ ਲਿਆ। ਲਾਸ਼ ਨੂੰ ਬਾਹਰ ਕੱਢਣ ਤੋਂ ਬਾਅਦ ਉਨ੍ਹਾਂ ਨੇ ਮੌਲਾਨਾ ਦਾ ਸਿਰ ਵੱਢ ਦਿੱਤਾ ਅਤੇ ਉਸ ਨਾਲ ਤੰਤਰ-ਮੰਤਰ ਕੀਤਾ। ਇਸ ਤੋਂ ਬਾਅਦ ਉਹ ਉਸ ਦਾ ਸਿਰ ਮੁੰਬਈ ਲੈ ਗਏ। ਇਸ ਪੂਰੇ ਮਾਮਲੇ ਵਿੱਚ ਪੁਲਸ ਨੇ ਖੁਲਾਸੇ ਕੀਤੇ ਹਨ।

ਪੁਲਸ ਨੇ ਦੱਸਿਆ ਕਿ, ਉੱਤਰ ਪ੍ਰਦੇਸ਼ ਦੇ ਬਿਜਨੌਰ ਵਿੱਚ ਇੱਕ ਕਬਰਿਸਤਾਨ ਵਿੱਚੋਂ ਕਬਰ ਪੁੱਟਣ ਤੋਂ ਬਾਅਦ ਕਾਰੀ ਸੈਫੁਰ ਰਹਿਮਾਨ ਦਾ ਸਿਰ ਕਲਮ ਕਰ ਦਿੱਤਾ ਗਿਆ। ਲੋਕਾਂ ਨੂੰ ਸ਼ੱਕ ਸੀ ਕਿ ਤੰਤਰ ਮੰਤਰ ਕਰਨ ਵਾਲੇ ਲੋਕਾਂ ਨੇ ਹੀ ਧੌਣ ਵੱਢ ਦਿੱਤੀ ਹੈ। ਇਸ ਦੇ ਨਾਲ ਹੀ ਪੁਲਸ ਨੂੰ ਕਬਰ ਦੇ ਨੇੜੇ ਤੰਤਰ-ਮੰਤਰ ਕਰਨ ਦੀ ਸਮੱਗਰੀ ਵੀ ਮਿਲੀ। ਪਰਿਵਾਰਕ ਮੈਂਬਰ ਪੁਲਸ ਤੋਂ ਮੰਗ ਕਰ ਰਹੇ ਸਨ ਕਿ ਤੰਤਰ-ਮੰਤਰ ਦਾ ਜਾਪ ਕਰਨ ਵਾਲੇ ਅਤੇ ਕਾਰੀ ਦਾ ਸਿਰ ਕਲਮ ਕਰਨ ਵਾਲਿਆਂ ਨੂੰ ਗ੍ਰਿਫ਼ਤਾਰ ਕੀਤਾ ਜਾਵੇ। ਜਿਸ ਤੋਂ ਬਾਅਦ ਪੁਲਸ ਨੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਪੁਲਸ ਨੇ ਤੰਤਰ ਮੰਤਰ ਕਰਨ ਵਾਲੇ ਤਾਂਤਰਿਕਾਂ ਨੂੰ ਗ੍ਰਿਫਤਾਰ ਕਰ ਲਿਆ ਹੈ।

ਬਿਜਨੌਰ ਦੇ ਐਸ.ਪੀ. ਅਭਿਸ਼ੇਕ ਝਾਅ ਨੇ ਇਸ ਮਾਮਲੇ ਦੀ ਤਹਿ ਤੱਕ ਜਾਣ ਲਈ ਚਾਰ ਪੁਲਸ ਟੀਮਾਂ ਤਾਇਨਾਤ ਕੀਤੀਆਂ ਸਨ। ਪੁਲਸ ਬਿਜਨੌਰ ਅਤੇ ਆਸਪਾਸ ਦੇ ਜ਼ਿਲ੍ਹਿਆਂ ਦੇ ਤਾਂਤਰਿਕਾਂ ਤੋਂ ਪੁੱਛਗਿੱਛ ਕਰ ਰਹੀ ਸੀ। ਪੁਲਸ ਨੇ ਇਸ ਮਾਮਲੇ ਦਾ ਪਰਦਾਫਾਸ਼ ਕਰਦਿਆਂ ਦੋ ਤਾਂਤਰਿਕ ਕਾਸਿਮੁਦੀਨ ਅਤੇ ਰਾਜਵੀਰ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ।