ਹੜ੍ਹ ਦੇ ਪਾਣੀ 'ਚ ਨਵਜਨਮੇ ਬੱਚੇ ਨੂੰ ਟੋਕਰੀ 'ਤੇ ਲੈ ਕੇ ਨਿਕਲਿਆ ਪਿਓ, ਲੋਕਾਂ ਨੇ ਯਾਦ ਕੀਤਾ ਇਹ ਅਦਭੁੱਤ ਪਲ

ਆਸਾਮ- ਭਿਆਨਕ ਹੜ੍ਹ ਕਰਨ ਜਿੱਥੇ ਆਸਾਮ 'ਚ ਹਾਲਾਤ ਮਾੜੇ ਹਨ, ਉੱਥੇ ਹੀ ਸੋਸ਼ਲ ਮੀਡੀਆ 'ਤੇ ਦਿਲ ਨੂੰ ਛੂਹ ਲੈਣ ਵਾਲਾ ਇਕ ਵੀਡੀਓ ਸਾਹਮਣੇ ਆਇਆ ਹੈ। ਦਰਅਸਲ ਇਸ ਵੀਡੀਓ 'ਚ ਇਕ ਪਿਤਾ ਭਿਆਨਕ ਹੜ੍ਹ ਦਰਮਿਆਨ ਆਪਣੇ ਨਵਜਨਮੇ ਬੱਚੇ ਨੂੰ ਇਕ ਟੋਕਰੀ 'ਚ ਲੈ ਕੇ ਲੱਕ ਤੱਕ ਪਾਣੀ 'ਚ ਡੁੱਬ ਸੜਕ ਪਾਰ ਕਰਦਾ ਨਜ਼ਰ ਆ ਰਿਹਾ ਹੈ। ਵੀਡੀਓ ਦੇਖਣ ਤੋਂ ਬਾਅਦ ਸੋਸ਼ਲ ਮੀਡੀਆ 'ਤੇ ਲੋਕ ਇਸ ਸ਼ਖਸ ਦੀ ਤੁਲਨਾ ਸ਼੍ਰੀਕ੍ਰਿਸ਼ਨ ਅਤੇ ਵਾਸੂਦੇਵ ਨਾਲ ਕਰ ਰਹੇ ਹਨ। ਉੱਥੇ ਹੀ ਕਈ ਲੋਕਾਂ ਨੇ ਇਸ ਨੂੰ ਫਾਦਰਜ਼ ਡੇਅ ਵੀ ਕਿਹਾ ਹੈ।

#VIDEO | This video from #Silchar is going viral on the Internet.

A man along with a few others was seen crossing a street submerged with waist-deep flood water while carrying a baby in a tub. #Assam #AssamFloods pic.twitter.com/EOtnvoiheF

— G Plus (@guwahatiplus) June 22, 2022

ਜਾਣਕਾਰੀ ਲਈ ਦੱਸ ਦੇਈਏ ਕਿ ਆਸਾਮ ਦੇ ਕਈ ਜ਼ਿਲ੍ਹੇ ਹੜ੍ਹ ਨਾਲ ਪ੍ਰਭਾਵਿਤ ਹਨ, ਜਿਸ ਕਾਰਨ ਕਈ ਘਰ ਨਸ਼ਟ ਹੋ ਗਏ ਹਨ ਅਤੇ ਅਜਿਹੇ 'ਚ ਲੋਕ ਸੁਰੱਖਿਅਤ ਥਾਂ ਪਹੁੰਚਣ ਦੀ ਕੋਸ਼ਿਸ਼ ਕਰ ਰਹੇ ਹਨ। ਉੱਥੇ ਹੀ ਰਾਸ਼ਟਰੀ ਆਫ਼ਤ ਪ੍ਰਤੀਕਿਰਿਆ ਫ਼ੋਰਸ ਦੀ ਟੀਮ ਲਗਾਤਾ ਕੰਮ ਕਰ ਰਹੀ ਹੈ। ਸੋਸ਼ਲ ਮੀਡੀਆ 'ਤੇ ਵਾਇਰਲ ਇਸ ਵੀਡੀਓ 'ਚ ਇਹ ਦੇਖਿਆ ਗਿਆ ਹੈ ਕਿ ਕਿਵੇਂ ਇਕ ਪਿਤਾ ਲੱਕ ਤੱਕ ਹੜ੍ਹ ਦੇ ਪਾਣੀ ਨੂੰ ਝੱਲਦੇ ਹੋਏ ਆਪਣੇ ਬੱਚੇ ਨੂੰ ਸੁਰੱਖਿਅਤ ਲੈ ਕੇ ਅੱਗੇ ਵਧ ਰਿਹਾ ਹੈ, ਜੋ ਦਿਲ ਛੂਹ ਲੈਣ ਵਾਲਾ ਪਲ ਹੈ। ਇਸ ਵੀਡੀਓ ਨੂੰ ਲੋਕ ਜੰਮ ਕੇ ਸ਼ੇਅਰ ਵੀ ਕਰ ਰਹੇ ਹਨ। ਦੱਸਣਯੋਗ ਹੈ ਕਿ ਹੜ੍ਹ ਕਾਰਨ ਆਸਾਮ 'ਚ ਹੁਣ ਤੱਕ 36 'ਚੋਂ 32 ਜ਼ਿਲ੍ਹਿਆਂ 'ਚ 47 ਲੱਖ ਤੋਂ ਵੱਧ ਲੋਕ ਪ੍ਰਭਾਵਿਤ ਹੋਏ ਹਨ। ਇਸ ਤੋਂ ਇਲਾਵਾ, ਸੂਬੇ 'ਚ ਹੜ੍ਹ ਅਤੇ ਜ਼ਮੀਨ ਖਿੱਸਕਣ 'ਚ 80 ਲੋਕਾਂ ਤੋਂ ਵੱਧ ਦੀ ਮੌਤ ਹੋ ਚੁਕੀ ਹੈ।

ਨੋਟ : ਇਸ ਖ਼ਬਰ ਸੰਬੰਧੀ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਬਾਕਸ 'ਚ ਦਿਓ ਜਵਾਬ