ਨਿਗਮ ਮੁਲਾਜ਼ਮਾਂ ਨੂੰ ਪਾਣੀ-ਸੀਵਰੇਜ ਦੇ ਬਕਾਇਆ ਬਿੱਲਾਂ ਤੇ ਪ੍ਰਾਪਰਟੀ ਟੈਕਸ ਦੇ ਰੂਪ ’ਚ ਜੁਟਾਉਣੇ ਹੋਣਗੇ 56 ਕਰੋੜ

ਲੁਧਿਆਣਾ (ਹਿਤੇਸ਼) : ਨਗਰ ਨਿਗਮ ਪ੍ਰਸ਼ਾਸਨ ਵਲੋਂ ਨਵੇਂ ਵਿੱਤੀ ਸਾਲ ਦੀ ਸ਼ੁਰੂਆਤ ਤੋਂ ਪਹਿਲਾਂ ਬਜਟ ਟੀਚਾ ਪੂਰਾ ਕਰਨ ਦੀ ਕਵਾਇਦ ਤੇਜ਼ ਕਰ ਦਿੱਤੀ ਗਈ ਹੈ, ਜਿਸ ਦੇ ਤਹਿਤ ਪੈਂਡਿੰਗ ਮਾਲੀਏ ਦੀ ਵਸੂਲੀ ਦੇ ਮੁੱਦੇ ’ਤੇ ਮੇਅਰ-ਕਮਿਸ਼ਨਰ ਵਲੋਂ ਬੁੱਧਵਾਰ ਨੂੰ ਚਾਰੋਂ ਜ਼ੋਨਾਂ ਦੇ ਅਫ਼ਸਰਾਂ ਨਾਲ ਮੀਟਿੰਗ ਕੀਤੀ ਗਈ। ਇਸ ਦੌਰਾਨ ਇਹ ਗੱਲ ਸਾਹਮਣੇ ਆਈ ਕਿ ਬਜਟ ਟੀਚਾ ਪੂਰਾ ਕਰਨ ਲਈ ਮੁਲਾਜ਼ਮਾਂ ਨੂੰ ਪਾਣੀ-ਸੀਵਰੇਜ ਦੇ ਬਕਾਇਆ ਬਿੱਲਾਂ ਅਤੇ ਪ੍ਰਾਪਰਟੀ ਟੈਕਸ ਦੇ ਰੂਪ ’ਚ 20 ਦਿਨਾਂ ਅੰਦਰ 56 ਕਰੋੜ ਰੁਪਏ ਜੁਟਾਉਣੇ ਹੋਣਗੇ। ਇਸ ਸਬੰਧ ’ਚ ਮਾਨੀਟਰਿੰਗ ਕਰਨ ਲਈ ਜ਼ੋਨਲ ਕਮਿਸ਼ਨਰਾਂ ਦੀ ਡਿਊਟੀ ਲਗਾਈ ਗਈ ਹੈ, ਜੋ ਬਲਾਕ ਅਨੁਸਾਰ ਟੀਚਾ ਮਿੱਥ ਕੇ ਮੁਲਾਜ਼ਮਾਂ ਨੂੰ ‘ਡੋਰ ਟੂ ਡੋਰ’ ਤੋਂ ਇਲਾਵਾ ਕੈਂਪ ਲਗਾਉਣ ਲਈ ਪ੍ਰੇਰਿਤ ਕਰਨਗੇ, ਜਿਸ ਦੀ ਪ੍ਰਗਤੀ ਰਿਪੋਰਟ ਜ਼ੋਨਲ ਕਮਿਸ਼ਨਰਾਂ ਵਲੋਂ ਰੋਜ਼ਾਨਾ ਅਤੇ ਮੇਅਰ-ਕਮਿਸ਼ਨਰ ਵੱਲੋਂ ਹਫ਼ਤਾਵਾਰੀ ਰੀਵਿਊ ਕੀਤੀ ਜਾਵੇਗੀ।

ਇਹ ਵੀ ਪੜ੍ਹੋ : ਮਰਸੀਡੀਜ਼ ਕਾਰ ਦੇ ਚਾਲਕ ਨੇ ਲਗਾ ਰੱਖੀ ਸੀ ਲਾਲ-ਨੀਲੀ ਫਲੈਸ਼ਰ ਲਾਈਟ, ਪੁਲਸ ਨੇ ਕੀਤੀ ਜ਼ਬਤ

ਸਟੇਟਸ ਰਿਪੋਰਟ

ਪ੍ਰਾਪਰਟੀ ਟੈਕਸ ਦੀ ਵਸੂਲੀ ਦੇ ਰੂਪ ’ਚ ਰੱਖਿਆ : 180 ਕਰੋੜ
ਹੁਣ ਤੱਕ ਹੋਈ ਵਸੂਲੀ : 142.86 ਕਰੋੜ
ਪਾਣੀ-ਸੀਵਰੇਜ ਦੇ ਬਕਾਇਆ ਬਿੱਲਾਂ ਦੀ ਵਸੂਲੀ ਦਾ ਟੀਚਾ : 55 ਕਰੋੜ
ਹੁਣ ਤੱਕ ਦੀ ਕੁਲੈਕਸ਼ਨ : 37.81 ਕਰੋੜ
ਜ਼ੋਨ-ਏ ਵਿਚ ਚੈਕਿੰਗ ਦੌਰਾਨ ਕੁਰਸੀਆਂ ਤੋਂ ਗ਼ਾਇਬ ਮਿਲੇ ਮੁਲਾਜ਼ਮ

ਫਾਈਲਾਂ ’ਤੇ ਬਿਨਾਂ ਵਜ੍ਹਾ ਇਤਰਾਜ਼ ਲਗਾਉਣ ਕਾਰਨ ਲੋਕ ਹੋ ਰਹੇ ਪ੍ਰੇਸ਼ਾਨ

ਮੇਅਰ ਵਲੋਂ ਬੁੱਧਵਾਰ ਨੂੰ ਮਾਤਾ ਰਾਣੀ ਚੌਕ ਸਥਿਤ ਜ਼ੋਨ-ਏ ਵਿਚ ਚੈਕਿੰਗ ਕੀਤੀ ਗਈ। ਇਸ ਦੌਰਾਨ ਸੁਵਿਧਾ ਸੈਂਟਰ ਤੋਂ ਇਲਾਵਾ ਪ੍ਰਾਪਰਟੀ ਟੈਕਸ ਬ੍ਰਾਂਚ ਵਿਚ ਕਈ ਮੁਲਾਜ਼ਮ ਕੁਰਸੀਆਂ ਤੋਂ ਗ਼ਾਇਬ ਮਿਲੇ। ਹਾਲਾਂਕਿ ਉਨ੍ਹਾਂ ’ਤੇ ਕੋਈ ਸਖ਼ਤ ਕਾਰਵਾਈ ਕਰਨ ਦੀ ਬਜਾਏ ਸਿਰਫ਼ ਚਿਤਾਵਨੀ ਦੇ ਕੇ ਛੱਡ ਦਿੱਤਾ ਗਿਆ ਹੈ। ਇਸ ਤੋਂ ਇਲਾਵਾ ਮੇਅਰ ਵਲੋਂ ਲਏ ਗਏ ਫੀਡਬੈਕ ਦੌਰਾਨ ਲੋਕਾਂ ਨੇ ਸ਼ਿਕਾਇਤ ਕੀਤੀ ਕਿ ਰੋਜ਼ਾਨਾ ਦੇ ਕੰਮ ਦੀਆਂ ਫਾਈਲਾਂ ’ਤੇ ਬਿਨਾਂ ਵਜ੍ਹਾ ਇਤਰਾਜ਼ ਲਗਾਉਣ ਕਾਰਨ ਉਹ ਕਾਫੀ ਪ੍ਰੇਸ਼ਾਨ ਹੋ ਰਹੇ ਹਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8