Lift ''ਚ ਕਿਉਂ ਲਗਾਇਆ ਜਾਂਦਾ ਹੈ ਸ਼ੀਸ਼ਾ? ਕਾਰਨ ਜਾਣ ਰਹਿ ਜਾਓਗੇ ਹੈਰਾਨ

ਵੈੱਬ ਡੈਸਕ- ਅੱਜਕੱਲ੍ਹ ਦੇ ਸਮੇਂ 'ਚ ਹਰ ਰੋਜ਼ ਲੱਖਾਂ ਲੋਕ ਲਿਫ਼ਟ ਦੀ ਵਰਤੋਂ ਕਰਦੇ ਹਨ। ਕੁਝ ਲੋਕ ਸਮਝਦੇ ਹਨ ਕਿ ਲਿਫ਼ਟ 'ਚ ਲਗਾਇਆ ਸ਼ੀਸ਼ਾ ਸਿਰਫ਼ ਸੁੰਦਰਤਾ ਲਈ ਜਾਂ ਸਮਾਂ ਬਤੀਤ ਕਰਨ ਲਈ ਹੁੰਦਾ ਹੈ, ਪਰ ਅਸਲ 'ਚ ਇਸ ਦੇ ਪਿੱਛੇ ਇਕ ਡੂੰਘੀ ਸਾਇਕੋਲੋਜੀ ਕੰਮ ਕਰਦੀ ਹੈ। ਮਾਹਿਰ ਮੰਨਦੇ ਹਨ ਕਿ ਲਿਫ਼ਟ 'ਚ ਸ਼ੀਸ਼ਾ ਲਗਾਉਣ ਦੇ ਕਈ ਮਹੱਤਵਪੂਰਨ ਕਾਰਨ ਹੁੰਦੇ ਹਨ, ਜੋ ਨਾਂ ਸਿਰਫ਼ ਯਾਤਰੀ ਦਾ ਅਨੁਭਵ ਸੁਧਾਰਦੇ ਹਨ, ਬਲਕਿ ਸੁਰੱਖਿਆ ਲਈ ਵੀ ਜ਼ਰੂਰੀ ਹਨ।

ਇਹ ਵੀ ਪੜ੍ਹੋ : ਸਾਰਾ ਸਾਲ ਰੀਚਾਰਜ ਦੀ ਟੈਨਸ਼ਨ ਖ਼ਤਮ ! ਆ ਗਿਆ 365 ਦਿਨ ਵਾਲਾ ਸਸਤਾ ਪਲਾਨ

ਸ਼ੀਸ਼ਾ ਕਿਵੇਂ ਦੂਰ ਕਰਦਾ ਹੈ ਡਰ ਤੇ ਘਬਰਾਹਟ?

ਲਿਫ਼ਟ ਇਕ ਬੰਦ ਤੇ ਤੰਗ ਜਗ੍ਹਾ ਹੁੰਦੀ ਹੈ, ਜਿੱਥੇ ਕਈ ਲੋਕਾਂ ਨੂੰ ਕਲੌਸਟ੍ਰੋਫੋਬੀਆ (ਬੰਦ ਜਗ੍ਹਾ ਦਾ ਡਰ) ਮਹਿਸੂਸ ਹੁੰਦਾ ਹੈ। ਸ਼ੀਸ਼ਾ ਲਗਾਉਣ ਨਾਲ ਇਹ ਜਗ੍ਹਾ ਵੱਡੀ ਅਤੇ ਖੁੱਲ੍ਹੀ ਨਜ਼ਰ ਆਉਂਦੀ ਹੈ, ਜਿਸ ਨਾਲ ਦਿਮਾਗ਼ ਨੂੰ ਘੱਟ ਘੁੱਟਣ ਵਾਲਾ ਪ੍ਰਭਾਵ ਮਿਲਦਾ ਹੈ। ਲੋਕ ਖੁਦ ਨੂੰ ਦੇਖਣ 'ਚ ਰੁੱਝੇ ਰਹਿੰਦੇ ਹਨ,  ਕਈ ਕੱਪੜੇ ਠੀਕ ਕਰਦੇ ਹਨ, ਕਈ ਵਾਲ ਬਣਾਉਂਦੇ ਹਨ, ਜਿਸ ਨਾਲ ਉਨ੍ਹਾਂ ਦਾ ਧਿਆਨ ਲਿਫ਼ਟ ਦੀ ਬੰਦ ਜਗ੍ਹਾ ਤੋਂ ਹੱਟ ਜਾਂਦਾ ਹੈ।

ਸਮਾਂ ਕੱਟਦਾ ਹੈ ਜਲਦ

ਸ਼ੀਸ਼ੇ ਕਾਰਨ ਯਾਤਰੀ ਆਪਣੀ ਸ਼ਕਲ, ਪਹਿਰਾਵਾ ਜਾਂ ਲੁੱਕ ਚੈਕ ਕਰਨ 'ਚ ਵਿਅਸਤ ਹੋ ਜਾਂਦਾ ਹੈ। ਇਸ ਨਾਲ ਉਸ ਨੂੰ ਸਮੇਂ ਦੀ ਲੰਬਾਈ ਦਾ ਥੋੜ੍ਹਾ ਵੀ ਅਹਿਸਾਸ ਨਹੀਂ ਹੁੰਦਾ। ਮੰਜ਼ਿਲ ਕਦੋਂ ਆ ਗਈ — ਪਤਾ ਵੀ ਨਹੀਂ ਲੱਗਦਾ।

ਸੁਰੱਖਿਆ ਲਈ ਵੀ ਮਹੱਤਵਪੂਰਨ

ਸ਼ੀਸ਼ਾ ਸਿਰਫ਼ ਡਰ ਘਟਾਉਣ ਲਈ ਹੀ ਨਹੀਂ, ਬਲਕਿ ਸੁਰੱਖਿਆ ਲਈ ਵੀ ਲਗਾਇਆ ਜਾਂਦਾ ਹੈ। ਯਾਤਰੀ ਪਿੱਛੇ ਜਾਂ ਕੋਲ ਖੜ੍ਹੇ ਲੋਕਾਂ ਨੂੰ ਆਸਾਨੀ ਨਾਲ ਦੇਖ ਸਕਦੇ ਹਨ, ਜਿਸ ਨਾਲ ਚੋਰੀ ਜਾਂ ਕਿਸੇ ਸ਼ੱਕੀ ਹਰਕਤ ਤੋਂ ਸਾਵਧਾਨ ਰਹਿਣਾ ਆਸਾਨ ਹੋ ਜਾਂਦਾ ਹੈ। ਇਸ ਕਾਰਨ ਕਈ ਮਾਲ ਅਤੇ ਦਫ਼ਤਰਾਂ 'ਚ ਫੁੱਲ-ਲੈਂਥ ਮਿਰਰ ਲਗਾਉਣ ਦਾ ਰੁਝਾਨ ਵੱਧ ਰਿਹਾ ਹੈ।

ਸਿਰਫ਼ ਸਜਾਵਟ ਨਹੀਂ — ਮਨ ਦੀ ਸ਼ਾਂਤੀ ਅਤੇ ਸੁਰੱਖਿਆ ਲਈ ਜ਼ਰੂਰੀ

ਲਿਫ਼ਟ 'ਚ ਲਗਿਆ ਸ਼ੀਸ਼ਾ ਸਿਰਫ਼ ਡਿਜ਼ਾਈਨ ਦਾ ਹਿੱਸਾ ਨਹੀਂ, ਬਲਕਿ ਇਹ ਮਨ ਨੂੰ ਸ਼ਾਂਤ ਰੱਖਣ, ਜਗ੍ਹਾ ਨੂੰ ਖੁੱਲ੍ਹਾ ਮਹਿਸੂਸ ਕਰਾਉਣ, ਸੁਰੱਖਿਆ ਵਧਾਉਣ ਅਤੇ ਯਾਤਰੀ ਨੂੰ ਆਰਾਮਦਾਇਕ ਮਹਿਸੂਸ ਕਰਵਾਉਣ ਲਈ ਬਹੁਤ ਮਹੱਤਵਪੂਰਨ ਹੁੰਦਾ ਹੈ।

ਇਹ ਵੀ ਪੜ੍ਹੋ : ਮੂਧੇ ਮੂੰਹ ਡਿੱਗੀਆਂ iPhone ਦੇ ਇਸ ਮਾਡਲ ਦੀਆਂ ਕੀਮਤਾਂ ! ਹਜ਼ਾਰਾਂ ਰੁਪਏ ਹੋ ਗਿਆ ਸਸਤਾ