DRDO ਨੇ ਕੀਤਾ ਹਾਈਪਰਸੋਨਿਕ ਸਪੀਡ ਫਲਾਈਟ ਦਾ ਸਫਲ ਪ੍ਰੀਖਿਆ, ਪੀ.ਐੱਮ. ਮੋਦੀ ਨੇ ਦਿੱਤੀ ਵਧਾਈ

ਨਵੀਂ ਦਿੱਲੀ - ਰੱਖਿਆ ਖੋਜ ਅਤੇ ਵਿਕਾਸ ਸੰਗਠਨ (ਡੀ.ਆਰ.ਡੀ.ਓ.) ਨੇ ਸੋਮਵਾਰ ਨੂੰ ਓਡਿਸ਼ਾ ਤੱਟ ਕੋਲ ਡਾ. ਅਬਦੁਲ ਕਲਾਮ ਟਾਪੂ ਤੋਂ ਮਨੁੱਖ ਰਹਿਤ ਸਕ੍ਰੈਮਜੇਟ ਦੇ ਹਾਈਪਰਸੋਨਿਕ ਸਪੀਡ ਫਲਾਈਟ ਦਾ ਸਫਲ ਪ੍ਰੀਖਿਣ ਕੀਤਾ। ਹਾਈਪਰਸੋਨਿਕ ਕਰੂਜ ਮਿਜ਼ਾਈਲ ਪ੍ਰਣਾਲੀ ਦੇ ਵਿਕਾਸ ਨੂੰ ਅੱਗੇ ਵਧਾਉਣ ਲਈ ਅੱਜ ਦਾ ਪ੍ਰੀਖਣ ਇੱਕ ਵੱਡਾ ਕਦਮ ਹੈ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਇਸ 'ਤੇ ਵਿਗਿਆਨੀਆਂ ਨੂੰ ਇਸ ਦੇ ਲਈ ਵਧਾਈ ਦਿੱਤੀ ਹੈ ਅਤੇ ਉਨ੍ਹਾਂ ਦੀ ਸ਼ਲਾਘਾ ਕੀਤੀ ਹੈ।

Congratulations to @DRDO_India for successful flight of the Hypersonic Test Demonstration Vehicle today. The scramjet engine developed by our scientists helped the flight achieve a speed 6 times the speed of sound! Very few countries have such capability today.

— Narendra Modi (@narendramodi) September 7, 2020

ਪੀ.ਐੱਮ. ਮੋਦੀ ਨੇ ਟਵੀਟ ਕੀਤਾ, ਅੱਜ ਹਾਈਪਰਸੋਨਿਕ ਟੈਸਟ ਡਿਮਾਂਸਟ੍ਰੇਸ਼ਨ ਵਹੀਕਲ ਦੀ ਸਫਲ ਉਡ਼ਾਣ ਲਈ ਡੀ.ਆਰ.ਡੀ.ਓ. ਨੂੰ ਸ਼ੁੱਭਕਾਮਨਾਵਾਂ। ਸਾਡੇ ਵਿਗਿਆਨੀਆਂ ਨੇ ਸਕ੍ਰੈਮਜੇਟ ਇੰਜਣ ਵਿਕਸਿਤ ਕਰਨ 'ਚ ਸਫਲਤਾ ਹਾਸਲ ਕਰ ਲਈ ਹੈ। ਇਸ ਦੀ ਰਫ਼ਤਾਰ ਆਵਾਜ਼ ਦੀ ਰਫ਼ਤਾਰ ਨਾਲੋਂ 6 ਗੁਣਾ ਜ਼ਿਆਦਾ ਹੋਵੇਗੀ। ਅੱਜ ਬਹੁਤ ਘੱਟ ਦੇਸ਼ਾਂ ਕੋਲ ਅਜਿਹੀ ਸਮਰੱਥਾ ਹੈ।