ਭਾਜਪਾ ਵਿਧਾਇਕ ਨੇ ‘ਖਾਈ ਕੇ ਪਾਨ ਬਨਾਰਸ ਵਾਲਾ’ ’ਤੇ ਲਗਾਏ ਠੁਮਕੇ, ਵੀਡੀਓ ਵਾਇਰਲ
Saturday, Sep 07, 2024 - 10:03 PM (IST)
ਛਤਰਪਤੀ ਸੰਭਾਜੀਨਗਰ, (ਭਾਸ਼ਾ)- ਮਹਾਰਾਸ਼ਟਰ ਦੇ ਛਤਰਪਤੀ ਸੰਭਾਜੀਨਗਰ ਜ਼ਿਲੇ ਦੀ ਗੰਗਾਪੁਰ ਸੀਟ ਤੋਂ ਭਾਜਪਾ ਦੇ ਵਿਧਾਇਕ ਪ੍ਰਸ਼ਾਂਤ ਬੰਬ ਦਾ ਇਕ ਵੀਡੀਓ ਸੋਸ਼ਲ ਮੀਡੀਆ ’ਤੇ ਵਾਇਰਲ ਹੋ ਰਿਹਾ ਹੈ, ਜਿਸ ’ਚ ਉਹ ਅਦਾਕਾਰ ਅਮਿਤਾਭ ਬੱਚਨ ’ਤੇ ਫਿਲਮਾਏ ਗਏ ਪ੍ਰਸਿੱਧ ਗੀਤ ‘ਖਾਈ ਕੇ ਪਾਨ ਬਨਾਰਸ ਵਾਲਾ’ ’ਤੇ ਡਾਂਸ ਕਰਦੇ ਨਜ਼ਰ ਆ ਰਹੇ ਹਨ।
भारी बारिश से #मराठवाडा का किसान सदमे में हैं,
— Nitish Kumar NDRC (@DRCNitishkumar) September 7, 2024
वहीं किसानो का कर्ज माफ़ी का विरोध करने वाले महाराष्ट्र गंगापुर के भाजपा विधायक प्रशांत बंब डांस की मस्ती में #TrainAccident #KaranJohar #kisan #BreakingNews #Kubera #MaharashtraElection2024 #BrijBhushanSharanSingh #ganpatibappa pic.twitter.com/DDBHFOboDD
ਜਿੱਥੇ ਕੁਝ ਯੂਜ਼ਰਸ ਵਿਧਾਇਕ ਦੇ ਡਾਂਸ ਦੀ ਸ਼ਲਾਘਾ ਕਰ ਰਹੇ ਹਨ, ਉੱਥੇ ਹੀ ਕੁਝ ਉਨ੍ਹਾਂ ਦੀ ਆਲੋਚਨਾ ਕਰਦੇ ਹੋਏ ਕਹਿ ਰਹੇ ਹਨ ਕਿ ਉਹ ਉਦੋਂ ਨੱਚਣ ’ਚ ਰੁੱਝੇ ਹੋਏ ਹਨ ਜਦੋਂ ਮਰਾਠਵਾੜਾ ਖੇਤਰ ਦੇ ਕੁਝ ਹਿੱਸਿਆਂ ’ਚ ਕਿਸਾਨ ਫਸਲਾਂ ਦੇ ਨੁਕਸਾਨ ਦੀ ਸਮੱਸਿਆ ਦਾ ਸਾਹਮਣਾ ਕਰ ਰਹੇ ਹਨ।
ਪ੍ਰਸ਼ਾਂਤ ਨੇ ਕਿਹਾ ਕਿ ਹਰ ਸਾਲ ਪਾਰਟੀ ਵਰਕਰਾਂ ਦੇ ਮਨੋਰੰਜਨ ਲਈ ਇਕ ਪ੍ਰੋਗਰਾਮ ਆਯੋਜਿਤ ਕੀਤਾ ਜਾਂਦਾ ਹੈ। ਇਸ ਸਾਲ ਸੈਰ-ਸਪਾਟੇ ਵਾਲੀ ਮਸ਼ਹੂਰ ਥਾਂ ਮਹਿਸਮਾਲ ਵਿਖੇ ਆਯੋਜਿਤ ਪ੍ਰੋਗਰਾਮ ਦੌਰਾਨ ਮੈਂ ‘ਖਾਈ ਕੇ ਪਾਨ ਬਨਾਰਸ ਵਾਲਾ’ ਗੀਤ ’ਤੇ ਡਾਂਸ ਕੀਤਾ। ਇਸ ਤੋਂ ਪਹਿਲਾਂ ਮੈਂ ਲਾਵਨੀ ਗੀਤ ਵੀ ਗਾਇਆ ਜੋ ਮਹਾਰਾਸ਼ਟਰ ਦੇ ਸੱਭਿਆਚਾਰ ਦਾ ਹਿੱਸਾ ਹੈ। ਮੈਨੂੰ ਇਸ ’ਚ ਕੁਝ ਵੀ ਗਲਤ ਨਜ਼ਰ ਨਹੀਂ ਆਉਂਦਾ।
