ਅੱਜ ਸ਼ਾਮ ਨੂੰ ਬੰਦ ਹੋ ਜਾਣਗੇ ਬਦਰੀਨਾਥ ਦੇ ਕਿਵਾੜ

ਦੇਹਰਾਦੂਨ—ਅੱਜ ਸ਼ਾਮ ਸਰਦ ਰੁੱਤ ਲਈ ਸ੍ਰੀ ਬਦਰੀਨਾਥ ਧਾਮ ਦੇ ਕਿਵਾਡ਼ ਪੂਰੇ ਰਸਮਾਂ ਅਤੇ ਪੂਜਾ ਕਰਨ ਤੋਂ ਬੰਦ ਕਰ ਦਿੱਤੇ ਜਾਣਗੇ। ਕਿਵਾਡ਼ ਬੰਦ ਕਰਨ ਤੋਂ ਪਹਿਲਾਂ ਅੱਜ ਪੂਰੇ ਮੰਦਰ ਨੂੰ ਦੁਲਹਨ ਵਾਂਗ ਸਜਾਇਆ ਗਿਆ ਹੈ। ਇਸ ਮੌਕੇ 'ਤੇ ਅੱਜ ਪੂਰੇ ਦੇਸ਼ ਦੇ ਲਗਭਗ 5,000 ਤੋਂ ਜ਼ਿਆਦਾ ਸ਼ਰਧਾਲੂ ਪੂਜਾ 'ਚ ਸ਼ਾਮਲ ਹੋਣ ਲਈ ਬਦਰੀਨਾਥ ਪਹੁੰਚੇ ਹਨ। ਦੱਸ ਦੇਈਏ ਕਿ ਕਪਾਟ ਬੰਦ ਹੋਣ ਦੌਰਾਨ ਸ਼ਾਮਲ ਹੋਣ ਲਈ ਸ਼ਨੀਵਾਰ ਨੂੰ ਸੈਕੜੇ ਸ਼ਰਧਾਲੂ ਬਦਰੀਨਾਥ ਧਾਮ ਪਹੁੰਚ ਗਏ ਸੀ। ਬਦਰੀਨਾਥ ਧਾਮ ਦੇ ਬਿਸ਼ਪ ਭੁਵਨ ਚੰਦਰ ਉਨਿਹਾਲ ਨੇ ਦੱਸਿਆ ਹੈ ਕਿ ਅੱਜ ਸਵੇਰਸਾਰ 4 ਵਜੇ ਅਭਿਸ਼ੇਕ ਪੂਜਾ ਕਰਨ ਤੋਂ ਬਾਅਦ ਭਗਵਾਨ ਬਦਰੀਵਿਸ਼ਾਲ ਦੇ ਕਪਾਟ ਦਿਨ ਭਰ ਸ਼ਰਧਾਲੂਆਂ ਲਈ ਖੁੱਲੇ ਰਹਿਣਗੇ। ਸ਼ਾਮ 5 ਵਜ ਕੇ 13 ਮਿੰਟ 'ਤੇ ਕਪਾਟ ਬੰਦ ਕਰ ਦਿੱਤੇ ਜਾਣਗੇ।

ਵਣ ਮੰਤਰੀ ਹਰਕ ਸਿੰਘ ਰਾਵਤ ਨੇ ਸ਼ਨੀਵਾਰ ਨੂੰ ਜੋਸ਼ੀਮਠ ਸਥਿਤ ਨਰਸਿੰਘ ਮੰਦਰ ਦੇ ਦਰਸ਼ਨ ਕੀਤੇ। ਇਸ ਦੌਰਾਨ ਬਦਰੀਨਾਥ ਕੇਦਾਰਨਾਥ ਮੰਦਰ ਕਮੇਟੀ ਦੇ ਪ੍ਰਧਾਨ ਮੋਹਨ ਪ੍ਰਸਾਦ ਥਪਲਿਆਲ, ਰਿਸ਼ੀ ਪ੍ਰਸਾਦ ਸਤੀ, ਭਗਵਤੀ ਪ੍ਰਸਾਦ, ਨਿਤੇਸ਼ ਚੌਹਾਨ, ਕੁਲਦੀਪ ਕਠੈਤ ਸਮੇਤ ਕਈ ਭਾਜਪਾ ਵਰਕਰ ਪਹੁੰਚੇ ਸੀ।

ਦੱਸਣਯੋਗ ਹੈ ਕਿ ਸਰਦੀਆਂ 'ਚ ਬਰਫ਼ਬਾਰੀ ਅਤੇ ਭਿਆਨਕ ਠੰਡ ਕਾਰਨ ਚਾਰੇ ਧਾਮ- ਬਦਰੀਨਾਥ, ਕੇਦਾਰਨਾਥ, ਗੰਗੋਤਰੀ ਅਤੇ ਯਮੁਨੋਤਰੀ ਦੇ ਕਿਵਾੜ ਸਰੀਆਂ ਲਈ ਬੰਦ ਕੀਤੇ ਜਾਂਦੇ ਹਨ, ਜੋ ਅਗਲੇ ਸਾਲ ਅਪ੍ਰੈਲ-ਮਈ 'ਚ ਮੁੜ ਸ਼ਰਧਾਲੂਆਂ ਲਈ ਖੋਲ੍ਹ ਦਿੱਤੇ ਜਾਂਦੇ ਹਨ।