ਮਾਰਕਫੈਡ ਦਾ ਕਰੌੜਾਂ ਦਾ ਝੋਨਾ ਖੁਰਦ ਬੁਰਦ, ਸ਼ੈਲਰ ਮਾਲਕ ਖਿਲਾਫ ਮਾਮਲਾ ਦਰਜ

ਬਰੇਟਾ (ਬਾਂਸਲ): ਸਥਾਨਕ ਸ਼ਹਿਰ ਦੇ ਸ਼੍ਰੀ ਰਾਮ ਰਾਇਸ ਮਿਲ ਚ ਮਾਰਕਫੈਡ ਦਾ ਕਰੌੜਾਂ ਰੁਪਏ ਦਾ ਝੋਨਾ ਖੁਰਦ ਬੁਰਦ ਕਰਨ ਦਾ ਸਮਾਚਾਰ ਮਿਲਿਆ ਹੈ। ਜਿੱਥੇ ਪੁਲਸ ਨੇ ਜ਼ਿਲ੍ਹਾ ਪ੍ਰਬੰਧਕ ਮਾਰਕਫੈਡ ਮੁਨੀਸ਼ ਕੁਮਾਰ ਦੇ ਬਿਆਨ ਤੇ ਸ਼ੈਲਰ ਮਾਲਕ ਕਮਲਦੀਪ ਪੁੱਤਰ ਮੋਹਨ ਲਾਲ ਦੇ ਖਿਲਾਫ 25923 ਬੋਰੀਆ ਮਾੜੀ ਨੀਅਤ ਨਾਲ ਖੁਰਦ ਬੁਰਦ ਕਰਕੇ ਅਮਾਨਤ ਵਿੱਚ ਖਿਆਨਤ ਕੀਤੀ ਹੈ, ਜਿਸ ਅਧੀਨ ਧਾਰਾ 316 (2) ਬੀਐੱਨਐੱਸ ਦਰਜ ਕੀਤਾ ਗਿਆ ਹੈ। 

ਇਸ ਸੰਬੰਧੀ ਜਾਣਕਾਰੀ ਦਿੰਦਿਆਂ ਐੱਸਐੱਚਓ ਮੇਲਾ ਸਿੰਘ ਨੇ ਦੱਸਿਆ ਕਿ ਖਰੀਦ ਏਜੰਸੀ ਮਾਰਕਫੈਡ ਵੱਲੋਂ ਝੋਨੇ ਦੀ ਮੀਲਿੰਗ ਲਈ ਇਸ ਸ਼ੈਲਰ ਅੰਦਰ 31963 ਬੋਰੀਆ (37.50 ਕਿਲੋ ਪ੍ਰਤੀ ਬੋਰੀ) ਦਾ ਭੰਡਾਰ ਕੀਤਾ ਗਿਆ ਸੀ। ਜਿਸ ਦੀ ਜ਼ਿਲ੍ਹਾ ਮੈਨੇਜਰ ਵੱਲੋਂ ਸ਼ੈਲਰ ਦੀ ਭੌਤਿਕ ਪੜਤਾਲ ਕੀਤੀ ਗਈ ਤਾਂ ਮੌਕੇ 'ਤੇ 25923 ਬੋਰੀਆ ਘੱਟ ਪਾਈਆਂ ਗਈਆਂ। ਉਨ੍ਹਾਂ ਕਿਹਾ ਕਿ ਮਾਮਲੇ ਦੀ ਜਾਂਚ ਬਾਰੀਕੀ ਨਾਲ ਕੀਤੀ ਜਾਵੇਗੀ। ਖੁਰਦ ਬੁਰਦ ਕੀਤਾ ਝੋਨਾ ਕਿੱਥੇ ਗਿਆ, ਕਿਸਨੇ ਖਰੀਦਿਆ, ਕਿਸ ਜਗ੍ਹਾ ਗੇਟ ਪਾਸ ਹਨ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ।