ਭਾਜਪਾ ਨੇ ਮੰਗਤ ਰਾਏ ਬਾਂਸਲ ਨੂੰ ਬੁਢਲਾਡਾ ਦਾ ਹਲਕਾ ਇੰਚਾਰਜ ਕੀਤਾ ਨਿਯੁਕਤ

ਬੁਢਲਾਡਾ, (ਬਾਂਸਲ)- ਪੰਜਾਬ 'ਚ ਸਿਆਸੀ ਤੌਰ 'ਤੇ ਭਾਰਤੀ ਜਨਤਾ ਪਾਰਟੀ ਵੱਲੋਂ 2027 ਦੀਆਂ ਵਿਧਾਨ ਸਭਾ ਚੌਣਾ ਨੂੰ ਮੱਦੇਨਜਰ ਰੱਖਦਿਆਂ 117 ਹਲਕਿਆਂ ਵਿੱਚ ਹਲਕਾ ਇੰਚਾਰਜ ਲਗਾ ਕੇ ਸਿੱਧੇ ਤੌਰ 'ਤੇ ਸਰਗਰਮੀਆਂ ਤੇਜ਼ ਕਰ ਦਿੱਤੀਆਂ ਗਈਆ ਹਨ। ਇਸ ਤਹਿਤ ਵਿਧਾਨ ਸਭਾ ਹਲਕਾ ਬੁਢਲਾਡਾ ਤੋਂ ਸਾਬਕਾ ਵਿਧਾਇਕ ਮੰਗਤ ਰਾਏ ਬਾਂਸਲ ਨੂੰ ਹਲਕਾ ਇੰਜਾਰਜ ਲਗਾ ਕੇ ਦਸੰਬਰ 'ਚ ਹੋਣ ਵਾਲਿਆ ਬਲਾਕ ਸੰਮਤੀ ਅਤੇ ਜਿਲ੍ਹਾਂ ਪ੍ਰੀਸ਼ਦ ਚੋਣਾ ਦੀ ਕਮਾਂਡ ਬਾਂਸਲ ਦੇ ਹੱਥ ਸੋਪ ਦਿੱਤੀ ਹੈ। 

ਸਿਆਸੀ ਹਲਕਿਆਂ ਵਿੱਚ ਬਾਂਸਲ ਦੀ ਨਿਯੁਕਤੀ ਭਾਜਪਾ ਹਾਈਕਮਾਂਡ ਹਲਕੇ ਪ੍ਰਤੀ ਗੰਭੀਰਤਾ ਨਾਲ ਦੇਖਦਿਆਂ ਫੈਸਲਾ ਲਿਆ ਗਿਆ ਹੈ। ਕਿਉਂਕਿ ਬਾਂਸਲ ਇਸ ਹਲਕੇ ਤੋਂ ਵਿਧਾਇਕ ਰਹਿ ਚੁੱਕੇ ਹਨ ਅਤੇ ਹਲਕੇ ਵਿੱਚ ਉਨ੍ਹਾਂ ਦੀ ਪਕੜ ਮਜਬੁਤ ਹੈ। ਹਲਕਾ ਰਾਖਵਾਂ ਹੋਣ ਤੋਂ ਬਾਅਦ ਮੰਗਤ ਰਾਏ ਬਾਂਸਲ ਨੇ ਬੁਢਲਾਡਾ ਦੇ ਨਾਲ-ਨਾਲ ਆਪਣੀਆਂ ਸਿਆਸੀ ਗਤੀਵਿਧੀਆ ਗੁਆਢੀ ਹਲਕੇ ਮਾਨਸਾ, ਮੋੜ 'ਚੋ ਵੀ ਜਾਰੀ ਰੱਖੀਆਂ ਪਰੰਤੂ ਅੱਜ ਵੀ ਹਲਕੇ ਦੇ ਲੋਕ ਸਾਬਕਾ ਵਿਧਾਇਕ ਨੂੰ ਪਸੰਦ ਕਰਦੇ ਹਨ ਜਿਨ੍ਹਾਂ ਦਾ ਚੰਗਾ ਜਣ ਆਧਾਰ ਵੀ ਹੈ। 

ਲੋਕ ਸਭਾ ਚੋਣਾ ਦੌਰਾਨ ਆਮ ਆਦਮੀ ਪਾਰਟੀ ਦੀ ਬੁਢਲਾਡਾ ਹਲਕੇ ਤੋਂ ਹਾਰ ਸਾਹਮਣੇ ਆਈ ਸੀ। ਜੇਕਰ ਲੋਕ ਸਭਾ ਦੇ ਨਤੀਜਿਆ ਨੂੰ ਦੇਖਿਆ ਜਾਵੇ ਜੇਕਰ ਗੱਠਜੋੜ ਹੁੰਦਾ ਹੈ ਤਾਂ ਅੱਜ ਵੀ ਅਕਾਲੀ ਭਾਜਪਾ ਗੱਠਜੋੜ ਨੂੰ ਲਾਭ ਮਿਲ ਸਕਦਾ ਹੈ। ਲੋਕ ਅੱਜ ਵੀ ਅਕਾਲੀ-ਭਾਜਪਾ ਗੱਠਜੋੜ ਨੂੰ ਪਸੰਦ ਕਰਦੇ ਹਨ ਕਿਉਕਿ ਲੋਕ ਸਭਾ ਚੋਣਾਂ ਦੋਰਾਨ ਅਕਾਲੀ ਦਲ ਨੇ 47223 ਅਤੇ ਭਾਜਪਾ ਨੇ 10331 ਵੋਟਾਂ ਜਦੋਂਕਿ ਇਸ ਦੇ ਮੁਕਾਬਲੇ ਆਪ ਨੇ 40039 ਵੋਟਾਂ ਹੀ ਪ੍ਰਾਪਤ ਕੀਤੀਆਂ ਸਨ ਜਦੋਕਿ ਇਹ ਗੱਠਜੋੜ ਅੱਜ ਵੀ 17 ਹਜ਼ਾਰ ਤੋਂ ਵੱਧ ਦੀ ਲੀਡ ਬਣ ਸਕਦੀ ਸੀ। 

ਉਪਰੋਕਤ ਭਾਜਪਾ ਹਾਈਕਮਾਂਡ ਵੱਲੋਂ ਲਏ ਗਏ ਫੈਸਲੇ 'ਤੇ ਖੁਸ਼ੀ ਦਾ ਪ੍ਰਗਟਾਵਾ ਕਰਦਿਆਂ ਪਾਰਟੀ ਦੇ ਜਿਲ੍ਹਾ ਮੀਤ ਪ੍ਰਧਾਨ ਅਮਰਿੰਦਰ ਸਿੰਘ ਦਾਤੇਵਾਸ, ਸੂਬੇਦਾਰ ਭੋਲਾ ਸਿੰਘ, ਮੰਡਲ ਪ੍ਰਧਾਨ ਕੁਸ਼ ਵਾਤਿਸ, ਧਨੰਤਰ ਸਿੰਘ ਸਿੱਧੂ ਆਦਿ ਦਾ ਕਹਿਣਾ ਹੈ ਕਿ ਪਾਰਟੀ ਵੱਲੋਂ ਲਿਆ ਗਿਆ ਫੈਸਲਾ ਪਾਰਟੀ ਦੀ ਮਜਬੂਤੀ ਲਈ ਲਾਹੇਵੰਦ ਸਾਬਿਤ ਹੋਵੇਗਾ। ਉਨ੍ਹਾਂ ਕਿਹਾਕਿ ਬਾਂਸਲ ਦੀ ਨਿਯੁਕਤੀ ਨਾਲ ਹਲਕੇ ਦੇ 85 ਪਿੰਡਾਂ ਤੋਂ ਇਲਾਵਾ ਸਹਿਰੀ ਖੇਤਰਾਂ ਵਿੱਚ ਖੁਸ਼ੀ ਦੀ ਲਹਿਰ ਪਾਈ ਜਾ ਰਹੀ ਹੈ।