ਭੁੱਲ ਕੇ ਵੀ ਨਾ ਕਰੋ ਇਹ ਕੰਮ ਨਹੀਂ ਤਾਂ ਬਾਅਦ 'ਚ ਪਵੇਗਾ ਪਛਤਾਉਣਾ

ਜਲੰਧਰ- ਰੋਜ਼ਮਰ੍ਹਾ ਦੀ ਜ਼ਿੰਦਗੀ 'ਚ ਅਕਸਰ ਅਸੀਂ ਆਪਣੀ ਡੇਲੀ ਰੁਟੀਨ ਲਾਈਫ ਦੇ ਵਿਚ ਕੁਝ ਅਜਿਹੇ ਕੰਮ ਕਰ ਬੈਠਦੇ ਹਾਂ ਜਿਨ੍ਹਾਂ ਲਈ ਸਾਨੂੰ ਬਾਅਦ 'ਚ ਪਛਤਾਉਣਾ ਪੈਂਦਾ ਹੈ। ਇਸ ਖਬਰ ਰਾਹੀਂ ਅਸੀਂ ਤੁਹਾਨੂੰ ਅਜਿਹੇ ਡੇਲੀ ਰੁਟੀਨ ਦੀ ਲਾਈਫ ਵਿਚ ਕੀਤੇ ਕੰਮਾਂ ਦੌਰਾਨ ਸਿਹਤ ਉੱਤੇ ਪੈਣ ਵਾਲੇ ਮਾੜੇ ਪ੍ਰਭਾਵਾਂ ਬਾਰੇ ਦੱਸਣ ਜਾ ਰਹੇ ਹਾਂ ਕਿਉਂਕਿ ਤੁਸੀਂ ਅਣਜਾਣੇ ਵਿਚ ਹੀ ਹਰ ਰੋਜ਼ ਅਜਿਹੇ ਕੰਮ ਕਰ ਬੈਠਦੇ ਹੋ ਜੋ ਨਾ ਸਿਰਫ ਤੁਹਾਡੀ ਸਿਹਤ ਵਿਗਾੜਦੇ ਹਨ ਬਲਕਿ ਤੁਹਾਨੂੰ ਮਾਨਸਿਕ ਤੇ ਆਰਥਿਕ ਤੌਰ 'ਤੇ ਵੀ ਪਰੇਸ਼ਾਨ ਕਰ ਦਿੰਦੇ ਹਨ। ਸੋਚੋ ਨਾ ਬਸ ਆਪਣਾਓ ਇਹ ਆਸਾਨ ਜਿਹੇ ਸਟੈਪਸ ਤੇ ਖੁਸ਼ੀ ਨਾਲ ਬਿਤਾਓ ਆਪਣੀ ਜ਼ਿੰਦਗੀ

ਕੰਮ ਦੀਆਂ ਗੱਲਾਂ

* ਜਦੋਂ ਤੁਸੀਂ ਭੁੱਖੇ ਹੋਵੋ ਤਾਂ ਕਰਿਆਨੇ ਦੀ ਖਰੀਦਦਾਰੀ ’ਤੇ ਨਾ ਜਾਓ। ਇਸ ਤਰ੍ਹਾਂ, ਤੁਸੀਂ ਸਿਰਫ ਉਹੀ ਚੀਜ਼ਾਂ ਚੁੱਕ ਕੇ ਖਾਓਗੇ, ਜਿਨ੍ਹਾਂ ’ਚ ਜ਼ਿਆਦਾ ਫੈਟ ਹੁੰਦਾ ਹੈ, ਜਿਵੇਂ ਮਿੱਠਾ ਜਾਂ ਕਾਰਬਸ ਵਾਲਾ ਖਾਣਾ।
* ਜੇਕਰ ਤੁਸੀਂ ਥੱਕ ਗਏ ਹੋ ਤਾਂ ਲੇਟ ਜਾਓ ਅਤੇ ਦਸ ਤੋਂ ਪੰਦਰਾਂ ਮਿੰਟ ਦੀ ਨੀਂਦ ਲਓ। ਘੱਟ ਨੀਂਦ ਕਾਰਨ ਸਾਡੀ ਭੁੱਖ ਵੀ ਖਰਾਬ ਹੋ ਜਾਂਦੀ ਹੈ, ਇਸ ਲਈ ਜੇਕਰ ਤੁਸੀਂ ਚਾਹੁੰਦੇ ਹੋ ਕਿ ਤੁਹਾਡਾ ਭਾਰ ਸਿਹਤਮੰਦ ਰਹੇ ਤਾਂ ਆਪਣੀ ਸਲੀਪ ਸਾਇਕਲ ਰੁਟੀਨ ਨੂੰ ਬਣਾਈ ਰੱਖੋ।
* ਕੁਝ ਸਮੇਂ ਲਈ ਧਿਆਨ ਕਰੋ। ਹਰ ਰੋਜ਼ ਆਪਣੇ ਲਈ ਸਿਰਫ਼ ਦਸ ਮਿੰਟ ਕੱਢੋ। ਬੈਠੋ ਅਤੇ ਧਿਆਨ ਕਰੋ ਅਤੇ ਆਪਣੇ ਅੰਦਰੋਂ ਨਕਾਰਾਤਮਕਤਾ ਨੂੰ ਦੂਰ ਕਰੋ।
* ਟੀ.ਵੀ ਜ਼ਿਆਦਾ ਦੇਰ ਤੱਕ ਨਾ ਦੇਖੋ। ਇਸ ਤਰ੍ਹਾਂ ਤੁਸੀਂ ਜ਼ਿਆਦਾ ਕਸਰਤ ਕਰਨ ਦੇ ਨਾਲ-ਨਾਲ ਘੱਟ ਕਸਰਤ ਕਰਨ ਤੋਂ ਵੀ ਬਚ ਸਕੋਗੇ। ਜਿੰਨਾ ਜ਼ਿਆਦਾ ਅਸੀਂ ਟੀ.ਵੀ. ਦੇਖਦੇ ਹਾਂ, ਅਸੀਂ ਜਿੰਨਾ ਘੱਟ ਹਿੱਲਦੇ ਹਾਂ, ਉਸ ਦਾ ਨਤੀਜਾ ਵਧਦੇ ਭਾਰ ਦੇ ਰੂਪ ਵਿਚ ਦੇਖਣ ਨੂੰ ਮਿਲਦਾ ਹੈ। ਜੇਕਰ ਤੁਸੀਂ ਰਾਤ ਨੂੰ ਸੀਰੀਅਲ ਦੇਖਦੇ ਹੋਏ ਖਾਣਾ ਖਾਂਦੇ ਹੋ ਤਾਂ ਜ਼ਰੂਰਤ ਤੋਂ ਥੋੜ੍ਹਾ ਜ਼ਿਆਦਾ ਖਾਓਗੇ, ਇਸ ਲਈ ਟੀ.ਵੀ.  ਨੂੰ ਡਾਇਨਿੰਗ ਏਰੀਆ ਤੋਂ ਦੂਰ ਰੱਖੋ। 
* ਮਿੱਠੇ ਵਾਲੇ ਡ੍ਰਿੰਕ ਦੀ ਬਜਾਏ, ਤੁਸੀਂ ਇਕ ਪਨੀਰ ਸੈਂਡਵਿਚ ਜਾਂ ਬੇਕਡ ਚਿਪਸ ਖਾ ਸਕਦੇ ਹੋ, ਜਿਸ ਵਿਚ ਕੈਲੋਰੀ ਦੀ ਸਮਾਨ ਮਾਤਰਾ ਹੁੰਦੀ ਹੈ। ਤੁਸੀਂ ਢੋਕਲਾ, ਆਟੇ ਦੀ ਰੋਟੀ, ਦਹੀਂ ਜਾਂ ਪ੍ਰੋਬਾਇਓਟਿਕ ਦੁੱਧ ਵੀ ਲੈ ਸਕਦੇ ਹੋ। ਇਸ ਨਾਲ ਥਕਾਵਟ ਘੱਟ ਹੋਵੇਗੀ।
* ਡਾਇਨਿੰਗ ਟੇਬਲ ਸੈੱਟ ਕਰਦੇ ਸਮੇਂ ਜੂਸ ਲਈ ਲੰਬਾ ਅਤੇ ਪਤਲਾ ਗਲਾਸ ਰੱਖੋ। ਮੇਨ ਕੋਰਸ ਦੀ ਸਰਵ ਕਰਨ ਲਈ, ਵੱਡੀਆਂ ਪਲੇਟਾਂ ਦੀ ਬਜਾਏ ਸਲਾਦ ਦੀਆਂ ਪਲੇਟਾਂ ਰੱਖੋ। ਸਲਾਦ ਨਾਲ ਇਕ ਵੱਡਾ ਕਟੋਰਾ ਭਰੋ, ਅਜਿਹੇ ’ਚ ਜਦੋਂ ਤੁਹਾਨੂੰ ਜ਼ਿਆਦਾ ਭੁੱਖ ਲੱਗਦੀ ਹੈ ਤਾਂ ਤੁਸੀਂ ਜ਼ਿਆਦਾ ਸਲਾਦ ਖਾ ਸਕਦੇ ਹੋ, ਨਾਸ਼ਤਾ ਨਾ ਛੱਡੋ। 
* ਆਪਣੇ ਸਵੇਰ ਦੇ ਭੋਜਨ ਨੂੰ ਕੁਝ ਪ੍ਰੋਟੀਨ ਅਤੇ ਕਾਰਬੋਹਾਈਡਰੇਟ ਨਾਲ ਸੰਤੁਲਿਤ ਕਰੋ। ਅਜਿਹਾ ਕਰਨ ਨਾਲ, ਤੁਸੀਂ ਦੁਪਹਿਰ ਦੇ ਖਾਣੇ ਤੋਂ ਪਹਿਲਾਂ ਬੇਲੋੜੀ ਲਾਲਸਾ ਤੋਂ ਪਰੇਸ਼ਾਨ ਨਹੀਂ ਹੋਵੋਗੇ।
* ਹਰ ਘੰਟੇ ਵਿਚ ਤਿੰਨ ਮਿੰਟ ਦੀ ਬ੍ਰੇਕ ਲਓ ਅਤੇ ਕਈ ਵਾਰ ਡੂੰਘੇ ਸਾਹ ਲਓ। ਹਰ ਬਰੇਕ ਵਿਚ ਦਸ ਤੋਂ ਪੰਦਰਾਂ ਵਾਰ ਇਸ  ਤਰ੍ਹਾਂ ਕਰੋ।  ਤੁਸੀਂ ਦੇਖੋਗੇ ਕਿ ਤੁਹਾਡਾ ਵਿਚਕਾਰਲਾ ਹਿੱਸਾ ਪਹਿਲਾਂ ਨਾਲੋਂ ਜ਼ਿਆਦਾ ਟੋਨ ਹੋ ਗਿਆ ਹੈ। ਤੁਸੀਂ ਲਾਲ ਬੱਤੀ ਜਾਂ ਟਰੈਫਿਕ ਜਾਮ ਵਿਚ ਵੀ ਅਜਿਹਾ ਕਰ ਸਕਦੇ ਹੋ।
* ਜਦੋਂ ਵੀ ਤੁਹਾਨੂੰ ਯਾਦ ਆਵੇ ਤਾਂ ਖੁੱਲ੍ਹ ਕੇ ਹੱਸਣ ਦਾ ਕੋਈ ਮੌਕਾ ਨਾ ਗੁਆਓ। ਇਸ ਤਰ੍ਹਾਂ ਕਰਨ ਨਾਲ ਤੁਹਾਡੇ ਪੇਟ ਦੀਆਂ ਮਾਸਪੇਸ਼ੀਆਂ ਚੰਗੀ ਤਰ੍ਹਾਂ ਟੋਨ ਹੋ ਜਾਂਦੀਆਂ ਹਨ ਅਤੇ ਕੌਣ ਨਹੀਂ ਚਾਹੁੰਦਾ ਕਿ ਉਨ੍ਹਾਂ ਦਾ ਸਰੀਰ ਬਿਨਾਂ ਕਿਸੇ ਮਿਹਨਤ ਦੇ ਟੋਨ-ਅੱਪ ਰਹੇ।
* ਮੂੰਗਫਲੀ, ਬਦਾਮ ਜਾਂ ਅਖਰੋਟ ਵੀ ਖਾਓ। ਭੋਜਨ ਦੇ ਗੈਪ ਦੌਰਾਨ ਭੁੱਖ ਲੱਗਣ ’ਤੇ ਇਹ ਖਾਓ।