UN ਡੇਅ : ਸੰਯੁਕਤ ਰਾਸ਼ਟਰ ''ਚ ਗੂੰਜੀ ਰਾਮ ਧੁਨ (ਵੀਡੀਓ)

ਸੰਯੁਕਤ ਰਾਸ਼ਟਰ (ਬਿਊਰੋ)— ਸਭ ਤੋਂ ਵੱਡੇ ਗਲੋਬਲ ਸੰਗਠਨ ਦੀ ਸਥਾਪਨਾ ਦੀ 73ਵੀਂ ਵਰ੍ਹੇਗੰਢ ਦੇ ਮੌਕੇ 'ਤੇ ਸੰਯੁਕਤ ਰਾਸ਼ਟਰ ਵਿਚ ਬੁੱਧਵਾਰ ਨੂੰ 'ਸੀਤਾ ਰਾਮ' ਦੀ ਧੁਨ ਗੂੰਜੀ। ਸੰਯੁਕਤ ਰਾਸ਼ਟਰ ਡੇਅ ਦੇ ਮੌਕੇ 'ਤੇ ਆਯੋਜਿਤ ਸੱਭਿਆਚਾਰਕ ਪ੍ਰੋਗਰਾਮ ਵਿਚ ਸਰੋਦ ਵਾਦਕ ਉਸਤਾਦ ਅਮਜ਼ਦ ਅਲੀ ਖਾਨ ਅਤੇ ਉਨ੍ਹਾਂ ਦੇ ਬੇਟਿਆਂ ਦੇ ਅਮਾਨ ਅਲੀ ਬੰਗਸ਼ ਤੇ ਅਯਾਨ ਅਲੀ ਬੰਗਸ਼ ਨੇ ਸ਼ਾਨਦਾਰ ਪੇਸ਼ਕਾਰੀ ਦਿੱਤੀ। ਇੱਥੇ ਦੱਸ ਦਈਏ ਕਿ ਇਸ ਸਾਲ ਦਾ ਥੀਮ 'ਸ਼ਾਂਤੀ ਅਤੇ ਅਹਿੰਸਾ ਦੀ ਪਰੰਪਰਾ' ਰੱਖਿਆ ਗਿਆ ਸੀ। ਖਾਸ ਗੱਲ ਇਹ ਹੈ ਕਿ ਥੀਮ ਦੀ ਚੋਣ ਭਾਰਤ ਨੇ ਕੀਤੀ, ਜੋ ਰਾਸ਼ਟਰਪਤੀ ਮਹਾਤਮਾ ਗਾਂਧੀ ਦੇ ਵਿਚਾਰਾਂ ਤੋਂ ਪ੍ਰੇਰਿਤ ਹੈ।

A musical invocation @UN

All names refer to the same Supreme Being.
O Lord shower us with peace for we are all your children.#UNDay2018 #Gandhi150 pic.twitter.com/VvUKvO3ztm

— Syed Akbaruddin (@AkbaruddinIndia) October 25, 2018

ਪ੍ਰੋਗਰਾਮ ਦੌਰਾਨ ਸੰਯੁਕਤ ਰਾਸ਼ਟਰ ਦੇ ਸਕੱਤਰ ਜਨਰਲ ਐਂਟੋਨਿਓ ਗੁਤਾਰੇਸ ਨੇ ਹਾਲ ਹੀ ਵਿਚ ਕੀਤੀ ਆਪਣੀ ਨਵੀਂ ਦਿੱਲੀ ਦੀ ਯਾਤਰਾ ਦਾ ਜ਼ਿਕਰ ਕੀਤਾ। ਉਸ ਸਮੇਂ ਉਹ ਮਹਾਤਮਾ ਗਾਂਧੀ ਦੀ ਸਮਾਧੀ ਰਾਜਘਾਟ ਵੀ ਗਏ ਸਨ। ਉਨ੍ਹਾਂ ਨੇ ਬਾਪੂ ਨੂੰ ਦੁਨੀਆ ਦਾ ਮਹਾਨ ਨੇਤਾ ਦੱਸਿਆ। ਗੁਤਾਰੇਸ ਨੇ ਦੱਸਿਆ ਕਿ ਅੱਜ ਦਾ ਥੀਮ ਮਹਾਤਮਾ ਗਾਂਧੀ ਦੀ ਵਿਰਾਸਤ ਨੁੰ ਸੱਚੀ ਸ਼ਰਧਾਂਜਲੀ ਹੈ।

Music transcends differences & takes you to a world that has not been broken up into fragments by narrow domestic walls.

Glimpses of @UN Day Concert hosted by @IndiaUNNewYork #UNDay2018 #Gandhi150 pic.twitter.com/W9fkjYFGj8

— Syed Akbaruddin (@AkbaruddinIndia) October 25, 2018

ਸੰਯੁਕਤ ਰਾਸ਼ਟਰ ਦੇ ਸਥਾਈ ਪ੍ਰਤੀਨਿਧੀ ਸੈਯਦ ਅਕਬਰੂਦੀਨ ਨੇ ਕਿਹਾ ਕਿ ਭਾਰਤ ਦੀ ਸੰਗੀਤ ਵਿਰਾਸਤ ਕਈ ਸੱਭਿਆਚਾਰਾਂ ਦਾ ਸੁਮੇਲ ਹੈ। ਇਹ ਸਾਡੀ ਸੱਭਿਆਚਾਰਕ ਵਿਭਿੰਨਤਾ, ਸਾਡੇ ਮੁੱਲਾਂ, ਆਪਸੀ ਸਮਝ, ਸਹਿਣਸ਼ੀਲਤਾ, ਸਦਭਾਵਨਾ ਨਾਲ ਰਹਿਣ ਦੀ ਸ਼ੈਲੀ ਨੂੰ ਸਾਹਮਣੇ ਰੱਖਦਾ ਹੈ। ਅਕਬਰੂਦੀਨ ਨੇ ਸੰਯੁਕਤ ਰਾਸ਼ਟਰ ਵਿਚ ਹੋਏ ਸੱਭਿਆਚਾਰਕ ਪ੍ਰੋਗਰਾਮਾਂ ਦੇ ਕਈ ਵੀਡੀਓਜ਼ ਵੀ ਸ਼ੇਅਰ ਕੀਤੇ ਹਨ।