ਚੰਡੀਗੜ੍ਹ ਵਿਚ ਮੁੰਡਾ ਬਣ ਗਿਆ ''ਜ਼ੌਂਬੀ'', ਵਾਇਰਲ ਵੀਡੀਓ ਨੇ ਫ਼ਿਕਰਾਂ ''ਚ ਪਾਏ ਲੋਕ

ਚੰਡੀਗੜ੍ਹ: ਸ਼ਹਿਰ ਵਿਚੋਂ ਸਾਹਮਣੇ ਆਈਆਂ ਕੁਝ ਪ੍ਰੇਸ਼ਾਨ ਕਰਨ ਵਾਲੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਨੇ ਲੋਕਾਂ ਵਿਚ ਦਹਿਸ਼ਤ ਅਤੇ ਚਿੰਤਾ ਦਾ ਮਾਹੌਲ ਪੈਦਾ ਕਰ ਦਿੱਤਾ ਹੈ। ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਇਕ ਵੀਡੀਓ ਵਿਚ ਇਕ ਨੌਜਵਾਨ ਕਰੀਬ ਇਕ ਘੰਟੇ ਤੱਕ ਬਿਨਾਂ ਕਿਸੇ ਹਰਕਤ ਦੇ, ਸਿਰ ਝੁਕਾਈ ਬੈਠਾ ਨਜ਼ਰ ਆ ਰਿਹਾ ਹੈ। 

चंडीगढ़ से परेशान करने वाले सीन।
एक लड़का करीब एक घंटे तक बिना हिले-डुले, सिर नीचे किए बैठा रहा . ज़ॉम्बी ड्रग का असर

ब्लिंकिट डिलीवरी बॉय और एक दूसरे व्यक्ति के ऐसे ही वीडियो पहले भी सामने आ चुके हैं.#zombie #drug pic.twitter.com/TxvQFhvEmk

— Devesh , वनवासी (@Devesh81403955) April 24, 2026

ਵਾਇਰਲ ਵੀਡੀਓ ਵਿਚ ਦੇਖਿਆ ਜਾ ਸਕਦਾ ਹੈ ਕਿ ਉਕਤ ਨੌਜਵਾਨ ਅਜਿਹੀ ਹਾਲਤ ਵਿਚ ਸੀ ਕਿ ਉਸ ਨੇ ਹੱਥ ਵਿਚ ਬੀੜੀ ਫੜੀ ਹੋਈ ਸੀ, ਪਰ ਉਹ ਉਸ ਨੂੰ ਪੀਣ ਦੀ ਹਾਲਤ ਵਿਚ ਵੀ ਨਹੀਂ ਸੀ। ਮੌਕੇ 'ਤੇ ਮੌਜੂਦ ਲੋਕਾਂ ਨੇ ਉਸ ਨਾਲ ਗੱਲਬਾਤ ਕਰਨ ਦੀ ਕੋਸ਼ਿਸ਼ ਵੀ ਕੀਤੀ, ਪਰ ਉਸ ਵੱਲੋਂ ਕੋਈ ਜਵਾਬ ਨਹੀਂ ਦਿੱਤਾ ਗਿਆ। ਇਸ ਵੀਡੀਓ ਦੇ ਸਾਹਮਣੇ ਆਉਣ ਤੋਂ ਬਾਅਦ ਲੋਕਾਂ ਵੱਲੋਂ ਇਸ ਨੂੰ 'ਜ਼ੌਂਬੀ ਡਰੱਗ' (Zombie Drug) ਦੇ ਅਸਰ ਨਾਲ ਜੋੜ ਕੇ ਦੇਖਿਆ ਜਾ ਰਿਹਾ ਹੈ। ਜ਼ਿਕਰਯੋਗ ਹੈ ਕਿ ਇਸ ਤੋਂ ਪਹਿਲਾਂ ਵੀ ਇਕ 'ਬਲਿੰਕਿਟ' (Blinkit) ਡਿਲੀਵਰੀ ਬੁਆਏ ਅਤੇ ਇਕ ਹੋਰ ਵਿਅਕਤੀ ਦੀਆਂ ਅਜਿਹੀਆਂ ਹੀ ਵੀਡੀਓਜ਼ ਸਾਹਮਣੇ ਆ ਚੁੱਕੀਆਂ ਹਨ।

ਦੂਜੇ ਪਾਸੇ ਚੰਡੀਗੜ੍ਹ ਪੁਲਸ ਵੱਲੋਂ ਇਸ ਬਾਰੇ ਕੋਈ ਅਧਿਕਾਰਤ ਬਿਆਨ ਸਾਹਮਣੇ ਨਹੀਂ ਆਇਆ। ਇਸ ਲਈ ਪੱਕੇ ਤੌਰ 'ਤੇ ਇਹ ਕਿਹਾ ਨਹੀਂ ਜਾ ਸਕਦਾ ਕਿ ਅਸਲ ਵਿਚ ਮੁੰਡੇ 'ਤੇ ਕਿਸੇ 'ਜ਼ੌਂਬੀ ਡਰੱਗ' ਦਾ ਅਸਰ ਹੈ ਜਾਂ ਕਹਾਣੀ ਕੁਝ ਹੋਰ ਹੀ  ਹੈ। ਹਾਲਾਂਕਿ, ਅਜਿਹੀਆਂ ਵਾਇਰਲ ਵੀਡੀਓਜ਼ ਦੇ ਪਿੱਛੇ ਦੀ ਅਸਲ ਸੱਚਾਈ ਕੁਝ ਹੋਰ ਵੀ ਹੋ ਸਕਦੀ ਹੈ, ਜਿਵੇਂ ਕਿ ਬੈਂਗਲੁਰੂ ਦੇ ਮਾਮਲੇ ਵਿਚ ਸਾਹਮਣੇ ਆਇਆ ਹੈ। ਬੈਂਗਲੁਰੂ ਪੁਲਸ ਨੇ ਇਕ ਅਜਿਹੀ ਹੀ ਵਾਇਰਲ ਵੀਡੀਓ ਦੀ ਜਾਂਚ ਕੀਤੀ ਸੀ, ਜਿਸ ਵਿਚ ਇਕ ਵਿਅਕਤੀ ਨੂੰ 'ਜੌਂਬੀ' ਦੱਸਿਆ ਜਾ ਰਿਹਾ ਸੀ। ਜਾਂਚ ਅਤੇ ਮੈਡੀਕਲ ਰਿਪੋਰਟ ਵਿਚ ਸਾਫ਼ ਹੋਇਆ ਕਿ ਉਸ ਵਿਅਕਤੀ ਦੇ ਸਰੀਰ ਵਿਚ ਕੋਈ ਨਸ਼ੀਲਾ ਪਦਾਰਥ ਨਹੀਂ ਸੀ, ਸਗੋਂ ਉਹ ਗਠੀਏ ਦੀ ਬਿਮਾਰੀ ਤੋਂ ਪੀੜਤ ਸੀ। ਉਸ ਨੇ ਡਾਕਟਰ ਦੀ ਦਵਾਈ ਦੇ ਨਾਲ ਸ਼ਰਾਬ ਦਾ ਸੇਵਨ ਕਰ ਲਿਆ ਸੀ, ਜਿਸ ਦੇ Reaction ਕਾਰਨ ਉਹ ਅਸਾਧਾਰਨ ਹਾਲਤ ਵਿਚ ਨਜ਼ਰ ਆ ਰਿਹਾ ਸੀ।