ਹੈਰਾਨੀਜਨਕ!  ਜੁੜਵਾਂ ਬੱਚੇ ਪਰ ਦੋਹਾਂ ਦੇ ਜਨਮ ''ਚ 22 ਦਿਨ ਦਾ ਅੰਤਰ

ਇੰਟਰਨੈਸ਼ਨਲ ਡੈਸਕ- ਮੌਜੂਦਾ ਸਮੇਂ ਵਿੱਚ ਜੁੜਵਾਂ ਬੱਚਿਆਂ ਦਾ ਜਨਮ ਹੋਣਾ ਇੱਕ ਆਮ ਗੱਲ ਹੈ। ਜ਼ਿਆਦਾਤਰ ਜੁੜਵਾਂ ਬੱਚੇ ਇਕੋ ਸਮੇਂ ਜਨਮ ਲੈਂਦੇ ਹਨ ਪਰ ਇੰਗਲੈਂਡ 'ਚ ਇਕ ਔਰਤ ਨਾਲ ਕੁਝ ਅਜੀਬ ਹੋਇਆ। ਉਨ੍ਹਾਂ ਦੇ ਘਰ ਜੁੜਵਾਂ ਬੱਚੇ ਪੈਦਾ ਹੋਏ ਪਰ ਪਹਿਲੇ ਬੱਚੇ ਦੇ ਜਨਮ ਤੋਂ 22 ਦਿਨਾਂ ਬਾਅਦ ਦੂਜੇ ਬੱਚੇ ਦਾ ਜਨਮ ਹੋਇਆ। ਇਹ ਬਹੁਤ ਹੀ ਦੁਰਲੱਭ ਮਾਮਲਾ ਹੈ। ਪੂਰਾ ਮਾਮਲਾ ਜਾਣ ਕੇ ਤੁਸੀਂ ਵੀ ਹੈਰਾਨ ਰਹਿ ਜਾਓਗੇ।

ਮਿਰਰ ਦੀ ਰਿਪੋਰਟ ਮੁਤਾਬਕ ਇੰਗਲੈਂਡ ਦੀ ਰਹਿਣ ਵਾਲੀ ਕੇਲੀ ਡੋਇਲ ਗਰਭਵਤੀ ਸੀ। ਕੁਝ ਮਹੀਨੇ ਪਹਿਲਾਂ ਜਦੋਂ ਡਾਕਟਰ ਨੇ ਉਸ ਨੂੰ ਦੱਸਿਆ ਕਿ ਉਹ ਜੁੜਵਾਂ ਬੱਚਿਆਂ ਦੀ ਮਾਂ ਬਣਨ ਵਾਲੀ ਹੈ ਤਾਂ ਉਹ ਖੁਸ਼ੀ ਨਾਲ ਝੂਮ ਉੱਠੀ। ਸਾਰੇ ਸਕੈਨ ਸਧਾਰਨ ਸਨ। ਫਿਰ ਡਾਕਟਰ ਨੇ ਕਿਹਾ, ਦੋਵੇਂ ਬੱਚੇ ਸਿਹਤਮੰਦ ਹਨ। 22ਵੇਂ ਹਫ਼ਤੇ ਤੱਕ ਉਸ ਨੂੰ ਕੋਈ ਸਮੱਸਿਆ ਨਹੀਂ ਸੀ। ਫਿਰ ਇੱਕ ਦਿਨ ਉਸ ਨੂੰ ਅਚਾਨਕ ਢਿੱਡ ਵਿੱਚ ਭਿਆਨਕ ਦਰਦ ਹੋਣ ਲੱਗਾ। ਉਸ ਦਾ ਬਿਸਤਰੇ ਤੋਂ ਉੱਠਣਾ ਮੁਸ਼ਕਲ ਹੋ ਗਿਆ। ਕੇਲੀ ਨੂੰ ਰਾਇਲ ਓਲਡਹੈਮ ਹਸਪਤਾਲ ਲਿਜਾਇਆ ਗਿਆ ਅਤੇ ਪੰਜ ਦਿਨਾਂ ਤੱਕ ਨਿਗਰਾਨੀ ਹੇਠ ਰੱਖਿਆ ਗਿਆ। ਬਾਅਦ ਵਿੱਚ ਉਸਨੇ ਕੁਦਰਤੀ ਤੌਰ 'ਤੇ ਆਪਣੇ ਪਹਿਲੇ ਬੱਚੇ ਅਰਲੋ ਨੂੰ ਜਨਮ ਦਿੱਤਾ। ਉਸਦਾ ਵਜ਼ਨ ਸਿਰਫ 1.1 ਪੌਂਡ ਸੀ ਅਤੇ ਉਹ ਮਰਿਆ ਹੋਇਆ ਸੀ। ਉਸਦੀ ਨਾਭੀਨਾਲ ਵਿੱਚ ਖੂਨ ਦਾ ਗਤਲਾ ਬਣ ਗਿਆ ਸੀ। ਕੇਲੀ ਇਸ ਗੱਲ ਨੂੰ ਲੈ ਕੇ ਚਿੰਤਤ ਸੀ, ਫਿਰ ਡਾਕਟਰਾਂ ਨੇ ਉਸ ਦੀ ਮੁਸ਼ਕਲ ਹੋਰ ਵਧਾ ਦਿੱਤੀ ਜਦੋਂ ਉਨ੍ਹਾਂ ਨੇ ਕਿਹਾ ਕਿ ਅਗਲੇ ਕੁਝ ਘੰਟਿਆਂ ਵਿੱਚ ਦੂਜੇ ਬੱਚੇ ਦਾ ਜਨਮ ਹੋਵੇਗਾ।

ਪੜ੍ਹੋ ਇਹ ਅਹਿਮ ਖ਼ਬਰ-ਨਿਆਗਰਾ ਫਾਲਜ਼ 'ਤੇ ਸੂਰਜ ਗ੍ਰਹਿਣ ਦਾ ਨਜ਼ਾਰਾ, 10 ਲੱਖ ਲੋਕਾਂ ਦੇ ਆਉਣ ਦੀ ਉਮੀਦ

22 ਦਿਨਾਂ ਬਾਅਦ ਪੈਦਾ ਹੋਇਆ ਦੂਜਾ ਬੱਚਾ

ਪਰ ਜਦੋਂ 2 ਦਿਨਾਂ ਵਿੱਚ ਵੀ ਬੱਚੇ ਦਾ ਜਨਮ ਨਹੀਂ ਹੋਇਆ ਅਤੇ ਕੇਲੀ ਦਾ ਜਣੇਪਾ ਦਰਦ ਵੀ ਕੁਝ ਘੰਟਿਆਂ ਵਿੱਚ ਬੰਦ ਹੋ ਗਿਆ ਤਾਂ ਡਾਕਟਰਾਂ ਨੇ ਉਸ ਨੂੰ ਆਰਾਮ ਕਰਨ ਲਈ ਘਰ ਭੇਜ ਦਿੱਤਾ। 22 ਦਿਨਾਂ ਬਾਅਦ ਕੇਲੀ ਨੇ ਢਿੱਡ ਦਰਦ ਦੀ ਸ਼ਿਕਾਇਤ ਕੀਤੀ, ਤਾਂ ਇਸ ਵਾਰ ਉਸਨੇ ਕਿਸੇ ਹੋਰ ਹਸਪਤਾਲ ਵਿੱਚ ਡਾਕਟਰ ਨਾਲ ਮੁਲਾਕਾਤ ਦਾ ਸਮਾਂ ਲਿਆ। ਡਾਕਟਰ ਹੈਰਾਨ ਸਨ ਕਿ ਦੋ ਬੱਚਿਆਂ ਵਿੱਚ ਇੰਨਾ ਅੰਤਰ ਕਿਵੇਂ ਹੋ ਸਕਦਾ ਹੈ। ਉਨ੍ਹਾਂ ਨੂੰ ਯਕੀਨ ਨਹੀਂ ਆ ਰਿਹਾ ਸੀ। ਕੈਲੀ ਨੇ ਕਿਹਾ ਕਿ ਪਹਿਲੇ ਬੱਚੇ ਦੀ ਮੌਤ ਤੋਂ ਬਾਅਦ ਜਦੋਂ ਡਾਕਟਰਾਂ ਨੇ ਕਿਹਾ ਕਿ ਮੈਂ ਘਰ ਜਾ ਸਕਦੀ ਹਾਂ ਅਤੇ ਦੂਜੇ ਬੱਚੇ ਦਾ ਜਨਮ ਬਾਅਦ ਵਿਚ ਹੋਵੇਗਾ ਤਾਂ ਮੈਂ ਸਦਮੇ ਵਿਚ ਆ ਗਈ। ਮੈਂ ਅਜਿਹਾ ਪਹਿਲਾਂ ਕਦੇ ਨਹੀਂ ਸੁਣਿਆ ਸੀ।

ਤੁਰੰਤ ਕੀਤੀ ਗਈ ਸਰਜਰੀ 

ਬਾਅਦ 'ਚ ਜਣੇਪੇ ਦਾ ਦਰਦ ਦੁਬਾਰਾ ਸ਼ੁਰੂ ਹੋਣ ਦਾ ਕੋਈ ਸੰਕੇਤ ਨਹੀਂ ਮਿਲਣ 'ਤੇ ਡਾਕਟਰਾਂ ਨੇ ਕਿਹਾ ਕਿ ਤੁਰੰਤ ਆਪਰੇਸ਼ਨ ਕਰਨਾ ਪਵੇਗਾ ਅਤੇ ਸੀ-ਸੈਕਸ਼ਨ ਜ਼ਰੀਏ ਬੱਚੇ ਨੂੰ ਬਾਹਰ ਕੱਢਣਾ ਹੋਵੇਗਾ, ਨਹੀਂ ਤਾਂ ਉਹ ਖ਼ੁਦ ਮਰ ਜਾਵੇਗੀ। ਪਲੈਸੈਂਟਾ ਬੱਚੇਦਾਨੀ ਦੀ ਅੰਦਰਲੀ ਕੰਧ ਤੋਂ ਵੱਖ ਹੋ ਗਿਆ ਸੀ, ਜਿਸ ਕਾਰਨ ਬੱਚੇ ਨੂੰ ਆਕਸੀਜਨ ਮਿਲਣੀ ਬੰਦ ਹੋ ਸਕਦੀ ਸੀ। ਅਸਟ੍ਰੋ ਦਾ ਜਨਮ ਸਰਜਰੀ ਰਾਹੀਂ ਹੋਇਆ, ਜੋ ਹੁਣ 2 ਸਾਲ ਦਾ ਹੈ। ਜਨਮ ਦੇ ਸਮੇਂ ਉਸਦਾ ਭਾਰ 2 ਪੌਂਡ ਸੀ। ਉਸ ਦੇ ਦਿਲ ਵਿਚ ਛੇਕ ਸੀ ਅਤੇ ਉਸ ਦੀਆਂ ਅੱਖਾਂ ਵਿਚ ਸਮੱਸਿਆ ਸੀ। ਪਰ ਬਾਅਦ ਵਿੱਚ ਉਹ ਤੰਦਰੁਸਤ ਹੋ ਗਿਆ। ਇਹ ਗਰਭ ਅਵਸਥਾ ਦਾ ਬਹੁਤ ਹੀ ਦੁਰਲੱਭ ਮਾਮਲਾ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।