ਸ਼੍ਰੀਲੰਕਾ ਦੇ ਸੈਨਿਕਾਂ ਨੇ 50 ਲੜਾਕੂ ਮੁਰਗਿਆਂ ਨੂੰ ਕੀਤਾ ਜ਼ਬਤ

ਕੋਲੰਬੋ (ਏਜੰਸੀ)- ਸ੍ਰੀਲੰਕਾ ਦੀ ਜਲ ਸੈਨਾ ਦੇ ਜਵਾਨਾਂ ਨੇ ਭਾਰਤ ਤੋਂ ਤਸਕਰੀ ਕਰਕੇ ਲਿਆਂਦੇ 50 ਲੜਾਕੂ ਮੁਰਗਿਆਂ ਨੂੰ ਜ਼ਬਤ ਕੀਤਾ ਹੈ। ਇਹ ਜਾਣਕਾਰੀ ਸ਼ਨੀਵਾਰ ਨੂੰ ਇਕ ਅਖ਼ਬਾਰ ਵਲੋਂ ਜਾਰੀ ਰਿਪੋਰਟ 'ਚ ਦਿੱਤੀ ਗਈ। ਰਿਪੋਰਟ 'ਚ ਸ਼ਨੀਵਾਰ ਨੂੰ ਕਿਹਾ ਗਿਆ ਹੈ ਕਿ ਸ੍ਰੀਲੰਕਾ 'ਚ ਗੈਰ-ਕਾਨੂੰਨੀ ਰੂਪ ਨਾਲ ਮੁਰਗੇ ਦੀ ਤਸਕਰੀ ਕਰਨ ਦੇ ਪਿੱਛੇ ਕੁਝ ਲੋਕਾਂ ਦਾ ਹੱਥ ਹੈ।

ਤਸਕਰ ਏਸ਼ੀਆ ਵਿੱਚ ਟਾਪੂ ਦੇਸ਼ ਉੱਤਰ-ਪੱਛਮ ਵਿੱਚ ਮੰਨਾਰ ਕਸਬੇ ਤੋਂ ਬੰਨ੍ਹੇ ਹੋਏ ਮੁਰਗਿਆਂ ਨੂੰ ਲਿਜਾਣ ਦੀ ਕੋਸ਼ਿਸ਼ ਕਰ ਰਹੇ ਸਨ। ਇਸ ਦੌਰਾਨ ਸ੍ਰੀਲੰਕਾ ਦੀ ਜਲ ਸੈਨਾ ਦੇ ਜਵਾਨਾਂ ਨੂੰ ਦੇਖ ਕੇ ਤਸਕਰ ਫ਼ਰਾਰ ਹੋ ਗਏ। ਰਿਪੋਰਟ ਮੁਤਾਬਕ 50 ਤੋਂ ਵੱਧ ਮੁਰਗੇ ਇਕੱਠੇ ਬੰਨ੍ਹੇ ਹੋਣ ਕਾਰਨ, ਇਨ੍ਹਾਂ ਵਿੱਚੋਂ 7 ਮੁਰਗਿਆਂ ਦੀ ਪਹਿਲਾਂ ਹੀ ਦਮ ਘੁਟਣ ਨਾਲ ਮੌਤ ਹੋ ਚੁੱਕੀ ਸੀ।

ਜਲ ਸੈਨਾ ਨੇ ਬਾਕੀ ਜ਼ਿੰਦਾ ਮੁਰਗਿਆਂ ਨੂੰ ਮੰਨਾਰ ਪੁਲਸ ਨੂੰ ਸੌਂਪ ਦਿੱਤਾ ਅਤੇ ਭਾਰਤ ਤੋਂ ਮੁਰਗਿਆਂ ਦੀ ਤਸਕਰੀ ਕਰਨ ਵਾਲਿਆਂ ਦੀ ਭਾਲ ਕਰ ਰਹੀ ਹੈ। ਇਸ ਦੌਰਾਨ ਜਲ ਸੈਨਾ ਨੇ ਲੜਾਈ ਲਈ ਵਰਤੀਆਂ ਜਾਣ ਵਾਲੀਆਂ 5 ਬੱਕਰੀਆਂ ਨੂੰ ਜ਼ਬਤ ਕੀਤਾ। ਇਨ੍ਹਾਂ ਨੂੰ ਵੀ ਭਾਰਤ ਤੋਂ ਤਸਕਰੀ ਕਰਕੇ ਸ਼੍ਰੀਲੰਕਾ ਲਿਆਂਦਾ ਗਿਆ ਸੀ।