ਕੁਈਨਜ਼ਲੈਂਡ ਅਗਲੇ ਹਫਤੇ ਖੋਲ੍ਹੇਗਾ ਨਿਊ ਸਾਊਥ ਵੇਲਜ਼ ਨਾਲ ਲੱਗਦੀ ਸਰਹੱਦ

ਸਿਡਨੀ (ਬਿਊਰੋ): ਕੁਈਨਜ਼ਲੈਂਡ ਦੀ ਪ੍ਰੀਮੀਅਰ ਅਨਾਸਤਾਸੀਆ ਪਲਾਸਕਜ਼ੁਕ ਨੇ ਕਿਹਾ ਕਿ ਉਸ ਨੇ ਰਾਜ ਦੀਆਂ ਸਰਹੱਦਾਂ ਨੂੰ ਮੁੜ ਖੋਲ੍ਹਣ ਦਾ ਫ਼ੈਸਲਾ ਲਿਆ ਗਿਆ ਹੈ ਕਿਉਂਕਿ 28 ਦਿਨਾਂ ਬਾਅਦ ਵੀ ਕੋਰੋਨਾਵਾਇਰਸ ਦੇ ਕੋਈ ਨਵੇਂ ਮਾਮਲੇ ਨਹੀਂ ਹਨ। ਪਲਾਸਕਜ਼ੁਕ ਨੇ ਅੱਜ ਸਵੇਰੇ ਕਿਹਾ,"ਅਸੀਂ ਜਾਣਦੇ ਹਾਂ ਕਿ ਪਰਿਵਾਰਾਂ ਲਈ ਇਹ ਕਿੰਨਾ ਮੁਸ਼ਕਲ ਸਮਾਂ ਰਿਹਾ ਹੈ। ਇਹ ਇਕ ਮਹਾਨ ਦਿਨ ਹੈ। ਇਹ ਇਕ ਦਿਲਚਸਪ ਖ਼ਬਰ ਹੈ ਅਤੇ ਇਹ ਉਨ੍ਹਾਂ ਦੀਆਂ ਜ਼ਰੂਰਤਾਂ ਨੂੰ ਪੂਰਾ ਕਰ ਰਹੀ ਹੈ ਜੋ ਡਾਕਟਰ ਯੰਗ (ਚੀਫ਼ ਹੈਲਥ ਅਫਸਰ ਡਾ. ਜੀਨੇਟ ਯੰਗ) ਨੇ ਨਿਰਧਾਰਤ ਕੀਤੀਆਂ ਹਨ।" 

2020 has been a tough year, but I always say Queensland’s best days are ahead of us.

Now it’s safe, we’re set to open up to Greater Sydney on December 1 and we can't wait to welcome back loved ones in time for Christmas.

Queensland is good to go!#goodtogo pic.twitter.com/nFc1vDH7JX

— Annastacia Palaszczuk (@AnnastaciaMP) November 24, 2020

ਪਲਾਸਕਜ਼ੁਕ ਨੇ ਕਿਹਾ ਕਿ ਉਹ ਐਨ.ਐਸ.ਡਬਲਊ. ਅਤੇ ਵਿਕਟੋਰੀਆ ਦੇ ਦੋਹਾਂ ਪ੍ਰੀਮੀਅਰਾਂ ਨੂੰ ਆਪਣੇ ਫ਼ੈਸਲੇ ਬਾਰੇ ਦੱਸਣ ਲਈ ਸੰਪਰਕ ਵਿਚ ਹਨ ਅਤੇ ਸੰਭਾਵਨਾ ਹੈ ਕਿ ਇਹ ਸਰਹੱਦ 1 ਦਸੰਬਰ ਨੂੰ ਵਿਕਟੋਰੀਅਨਾਂ ਲਈ ਵੀ ਖੁੱਲੀ ਰਹੇਗੀ। ਪਲਾਸਕਜ਼ੁਕ ਨੇ ਕਿਹਾ,“ਮੈਂ ਵਿਕਟੋਰੀਆ ਦੇ ਪ੍ਰੀਮੀਅਰ ਡੈਨੀਅਲ ਐਂਡਰੀਊਜ਼ ਨੂੰ ਸਲਾਹ ਦਿੱਤੀ ਹੈ ਕਿ ਜੇਕਰ ਉਹ ਕੱਲ੍ਹ 28 ਦਿਨਾਂ ਤੱਕ ਪਹੁੰਚ ਜਾਂਦੇ ਹਨ ਤਾਂ ਉਹ ਵੀ ਪਹਿਲੇ ਦਸੰਬਰ ਦੇ ਦਿਨ ਖੁੱਲ੍ਹ ਜਾਣਗੇ। ਇਸ ਘੋਸ਼ਣਾ ਦੇ ਬਾਵਜੂਦ, ਡਾਕਟਰ ਯੰਗ ਨੇ ਚੇਤਾਵਨੀ ਦਿੱਤੀ ਕਿ ਇਕ ਹੋਰ ਪ੍ਰਕੋਪ ਦੁਬਾਰਾ ਹੋ ਸਕਦਾ ਹੈ ਅਤੇ ਕੁਈਨਜ਼ਲੈਂਡ ਵਾਸੀਆਂ ਨੂੰ ਕਿਸੇ ਲੱਛਣ ਦੇ ਨਾਲ ਟੈਸਟ ਕਰਵਾਉਣ ਲਈ ਅਪੀਲ ਕੀਤੀ।ਉਹਨਾਂ ਮੁਤਾਬਕ,“ਜੇਕਰ ਕਿਸੇ ਨੂੰ ਕੋਈ ਖੰਘ, ਜ਼ੁਕਾਮ, ਸੁੰਘਣਾ, ਗਲੇ ਵਿਚ ਖਰਾਸ਼, ਦਸਤ, ਮਤਲੀ, ਉਲਟੀਆਂ ਜਾਂ ਅਜਿਹੇ ਕੋਈ ਲੱਛਣ - ਹਨ ਤਾਂ ਕਿਰਪਾ ਕਰਕੇ ਉਹ ਅੱਗੇ ਆਓਣ ਅਤੇ ਜਾਂਚ ਕਰਾਉਣ।”

BREAKING: Queensland’s border with Greater Sydney will open on 1 December. #qldpol #COVID19Aus

— Steven Miles (@StevenJMiles) November 23, 2020

ਪੜ੍ਹੋ ਇਹ ਅਹਿਮ ਖਬਰ- ਪਾਕਿਸਤਾਨ 'ਚ ਫਸੇ 221 ਲੋਕ ਵਾਪਸ ਪਰਤੇ ਭਾਰਤ

ਕੁਈਨਜ਼ਲੈਂਡ ਦੇ ਡਿਪਟੀ ਪ੍ਰੀਮੀਅਰ ਸਟੀਵਨ ਮਾਈਲਸ ਨੇ ਕਿਹਾ ਕਿ ਇਹ ਐਲਾਨ “ਆਸਟ੍ਰੇਲੀਆ ਲਈ ਮਹਾਨ ਦਿਨ” ਹੈ।ਪਲਾਸਕਜ਼ੁਕ ਨੇ ਕਿਹਾ ਕਿ ਇਸ ਘੋਸ਼ਣਾ ਦਾ ਏਅਰਲਾਈਨਾਂ ਅਤੇ ਸੈਰ ਸਪਾਟਾ ਉਦਯੋਗ ਦੁਆਰਾ ਸਵਾਗਤ ਕੀਤਾ ਜਾਵੇਗਾ। ਡਾਕਟਰ ਯੰਗ ਨੇ ਕਿਹਾ ਕਿ ਕੁਈਨਜ਼ਲੈਂਡ ਦੇ ਸਿਹਤ ਅਧਿਕਾਰੀ ਇੰਤਜ਼ਾਰ ਕਰਨਗੇ ਅਤੇ ਇਹ ਦੇਖਣਗੇ ਕਿ ਦੱਖਣੀ ਆਸਟ੍ਰੇਲੀਆ ਵਿਚ ਸਰਹੱਦ ਮੁੜ ਖੋਲ੍ਹਣ ਤੋਂ ਪਹਿਲਾਂ ਉਨ੍ਹਾਂ ਦਾ ਪ੍ਰਕੋਪ ਕਿਵੇਂ ਚਲਦਾ ਹੈ।ਦੱਖਣੀ ਆਸਟ੍ਰੇਲੀਆ ਦੀ ਸਰਹੱਦ ਨੂੰ ਪਿਛਲੇ ਹਫਤੇ ਪਲਾਸਕਜ਼ੁਕ ਨੇ ਬੰਦ ਕਰ ਦਿੱਤਾ ਸੀ ਜਦੋਂ ਇਸ ਨੂੰ ਹੌਟਸਪੌਟ ਐਲਾਨ ਦਿੱਤਾ ਗਿਆ ਸੀ।