ਇਵਾਨਾ ਦੀ ਵਸੀਅਤ ''ਚ ਟਰੰਪ ਲਈ ਕੁਝ ਨਹੀਂ, ਸਹਾਇਕਾ ਅਤੇ ਕੁੱਤੇ ਨੂੰ ਅਪਾਰਟਮੈਂਟ ''ਚ ਦਿੱਤਾ ਹਿੱਸਾ

ਵਾਸ਼ਿੰਗਟਨ (ਬਿਊਰੋ) ਅਮਰੀਕਾ ਦੇ ਸਾਬਕਾ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੀ ਮਰਹੂਮ ਪਤਨੀ ਇਵਾਨਾ ਟਰੰਪ ਦੀ ਵਸੀਅਤ ਸਾਹਮਣੇ ਆ ਗਈ ਹੈ। ਉਸ ਦੀ ਕੁੱਲ ਜਾਇਦਾਦ 3.4 ਕਰੋੜ ਡਾਲਰ (ਕਰੀਬ 280 ਕਰੋੜ ਰੁਪਏ) ਸੀ। ਆਪਣੀ ਵਸੀਅਤ ਵਿੱਚ ਉਸ ਨੇ ਜਾਇਦਾਦ ਨੂੰ ਆਪਣੇ ਤਿੰਨ ਬੱਚਿਆਂ ਵਿੱਚ ਬਰਾਬਰ ਵੰਡ ਦਿੱਤਾ।ਇਵਾਨਾ ਨੇ ਜਾਇਦਾਦ ਦਾ ਵੱਡਾ ਹਿੱਸਾ ਆਪਣੇ ਬੱਚਿਆਂ ਦੇ ਨਾਲ-ਨਾਲ ਬੇਬੀਸਿਟਰ ਅਤੇ ਪਾਲਤੂ ਕੁੱਤੇ ਦੇ ਨਾਮ ਕਰ ਦਿੱਤਾ। ਵਸੀਅਤ ਬਣਾਉਂਦੇ ਸਮੇਂ ਇਵਾਨਾ ਨੇ ਕਿਹਾ ਸੀ - ਮੈਂ ਆਪਣੀ ਵਿਰਾਸਤ ਦਾ ਇੱਕ ਹਿੱਸਾ ਆਪਣੇ ਪਾਲਤੂ ਜਾਨਵਰ ਟਾਈਗਰ ਟਰੰਪ ਅਤੇ ਉਨ੍ਹਾਂ ਸਾਰੇ ਜਾਨਵਰਾਂ ਨੂੰ ਦੇ ਰਹੀ ਹਾਂ ਜੋ ਮੇਰੀ ਮੌਤ ਦੇ ਸਮੇਂ ਮੇਰੇ ਕੋਲ ਹੋਣਗੇ। ਇਸ ਤੋਂ ਇਲਾਵਾ ਮੈਂ ਆਪਣੀ ਸਹਾਇਕਾ ਅਤੇ ਬੇਬੀਸਿਟਰ ਸੁਜ਼ਾਨਾ ਡੋਰਥੀ ਕਰੀ ਨੂੰ ਵੀ ਮਿਆਮੀ ਬੀਚ ਨੇੜੇ ਇੱਕ ਅਪਾਰਟਮੈਂਟ ਦੇ ਰਹੀ ਹਾਂ।

ਡੋਨਾਲਡ ਟਰੰਪ ਲਈ ਕੁਝ ਵੀ ਨਹੀਂ 

ਉਸ ਨੇ ਪਤੀ ਡੋਨਾਲਡ ਟਰੰਪ ਲਈ ਕੁਝ ਵੀ ਨਹੀਂ ਛੱਡਿਆ। ਦਰਅਸਲ, 73 ਸਾਲਾ ਇਵਾਨਾ ਦੀ ਪਿਛਲੇ ਸਾਲ ਜੁਲਾਈ ਵਿੱਚ ਮੈਨਹਟਨ ਦੇ ਘਰ ਦੀਆਂ ਪੌੜੀਆਂ ਤੋਂ ਡਿੱਗ ਕੇ ਮੌਤ ਹੋ ਗਈ ਸੀ। ਇਵਾਨਾ ਵੱਲੋਂ ਸਹਾਇਕਾ ਸੁਜਾਨਾ ਨੂੰ ਦਿੱਤੇ ਗਏ ਅਪਾਰਟਮੈਂਟ ਦੀ ਕੀਮਤ ਕਰੀਬ 9 ਕਰੋੜ ਰੁਪਏ ਹੈ। ਇਸ ਵਿੱਚ ਇੱਕ ਬੈੱਡਰੂਮ, ਬਾਥਰੂਮ ਅਤੇ ਰਸੋਈ ਸ਼ਾਮਲ ਹੈ। ਇਹ ਫਲੈਟ 1000 ਵਰਗ ਫੁੱਟ ਦਾ ਹੈ। ਇਹ 2001 ਵਿੱਚ ਬਣਾਇਆ ਗਿਆ ਸੀ। ਇਵਾਨਾ ਨੇ ਇਸਨੂੰ 2009 ਵਿੱਚ ਕੁੱਲ 5.25 ਕਰੋੜ ਰੁਪਏ ਵਿੱਚ ਖਰੀਦਿਆ ਸੀ। 2017 ਵਿੱਚ ਇਵਾਨਾ ਨੇ ਆਪਣੀ ਕਿਤਾਬ ਰਾਈਜ਼ਿੰਗ ਟਰੰਪ ਵਿੱਚ ਸੁਜਾਨਾ ਬਾਰੇ ਲਿਖਿਆ। ਜਦੋਂ ਇਵਾਨਾ ਦੇ ਬੱਚੇ ਵੱਡੇ ਹੋਏ ਤਾਂ ਉਸ ਨੇ ਸੁਜਾਨਾ ਨੂੰ ਆਪਣੀ ਸਹਾਇਕਾ ਬਣਾ ਲਿਆ।

ਪੜ੍ਹੋ ਇਹ ਅਹਿਮ ਖ਼ਬਰ- ਵੱਕਾਰੀ ਵਿਗਿਆਨ ਅਤੇ ਗਣਿਤ ਮੁਕਾਬਲੇ 'ਚ 40 ਫਾਈਨਲਿਸਟਾਂ 'ਚ ਪੰਜ ਭਾਰਤੀ-ਅਮਰੀਕੀ

ਅਲਮਾਰੀ ਦੀਆਂ ਚੀਜ਼ਾਂ ਦਾਨ ਕਰਨ ਬਾਰੇ ਕਿਹਾ

ਇਵਾਨਾ ਨੇ ਵਸੀਅਤ ਵਿੱਚ ਅਲਮਾਰੀ ਦੀਆਂ ਚੀਜ਼ਾਂ ਵੀ ਵੰਡੀਆਂ। ਉਸਦਾ ਅਲਮਾਰੀ ਦਾ ਬਹੁਤਾ ਹਿੱਸਾ ਰੈੱਡ ਕਰਾਸ ਅਤੇ ਸਾਲਵੇਸ਼ਨ ਆਰਮੀ ਨੂੰ ਦਾਨ ਕਰਨ ਦਾ ਇਰਾਦਾ ਸੀ। ਕਲੈਕਸ਼ਨ ਅਤੇ ਗਹਿਣੇ ਵੇਚਣ ਤੋਂ ਬਾਅਦ ਪ੍ਰਾਪਤ ਹੋਏ ਪੈਸੇ ਦਾ ਵੀ ਉਸ ਦੇ ਬੱਚਿਆਂ ਨੂੰ ਦੇਣ ਦੀ ਵਸੀਅਤ ਵਿੱਚ ਜ਼ਿਕਰ ਕੀਤਾ ਗਿਆ ਸੀ।

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।