ਕੁਵੈਤ ''ਚ 2 ਬੱਸਾਂ ਦੀ ਟੱਕਰ ''ਚ 15 ਲੋਕਾਂ ਦੀ ਮੌਤ, 7 ਭਾਰਤੀ ਵੀ ਸ਼ਾਮਲ

ਕੁਵੈਤ — ਕੁਵੈਤ 'ਚ 2 ਬੱਸਾਂ ਦੀ ਟੱਕਰ ਹੋਣ ਨਾਲ 15 ਲੋਕਾਂ ਦੀ ਮੌਤ ਅਤੇ ਕਈਆਂ ਦੇ ਜ਼ਖਮੀ ਹੋਣ ਦੀ ਖਬਰ ਹੈ। ਇਹ ਹਾਦਸਾ ਐਤਵਾਰ ਨੂੰ ਅਰਟੇਲ ਹਾਈਵੇਅ 'ਤੇ ਹੋਇਆ। ਜ਼ਿਕਰਯੋਗ ਹੈ ਕਿ ਇਹ ਵਰਕਰ ਕੁਵੈਤ ਦੀ ਤੇਲ ਕੰਪਨੀ 'ਚ ਕੰਮ ਕਰਕੇ ਬੱਸ ਰਾਹੀਂ ਵਾਪਸ ਆ ਰਹੇ ਸਨ। ਮਰਨ ਵਾਲਿਆਂ 'ਚ 7 ਭਾਰਤੀ, 3 ਪਾਕਿਸਤਾਨੀ ਅਤੇ 5 ਮਿਸ਼ਰ ਦੇ ਲੋਕ ਸ਼ਾਮਲ ਹਨ। ਜਿਸ ਦੀ ਜਾਣਕਾਰੀ ਸਟੇਟ ਦੀ ਤੇਲ ਕੰਪਨੀ ਦੇ ਬੁਲਾਰੇ ਨੇ ਦਿੱਤੀ।
ਪੁਲਸ ਨੇ ਕਿਹਾ ਇਸ ਹਾਦਸੇ ਬਾਰੇ ਜ਼ਿਆਦਾ ਜਾਣਕਾਰੀ ਨਹੀਂ ਮਿਲ ਪਾਈ ਹੈ। ਫੋਟੋ ਨੂੰ ਦੇਖ ਕੇ ਹਾਦਸੇ ਦਾ ਅੰਦਾਜ਼ਾ ਲਿਆਇਆ ਜਾ ਸਕਦਾ ਹੈ ਕਿ ਹਾਦਸਾ ਕਿੰਨਾ ਭਿਆਨਕ ਰਿਹਾ ਹੋਵੇਗਾ। ਇਸ ਹਾਦਸੇ ਤੋਂ ਬਾਅਦ ਕਾਫੀ ਦੇਰ ਤੱਕ ਹਾਈਵੇਅ ਜਾਮ ਰਿਹਾ ਪਰ ਕੁਝ ਹੀ ਦੇਰ 'ਚ ਪੁਲਸ ਨੇ ਮੌਕੇ 'ਤੇ ਪਹੁੰਚੀ ਅਤੇ ਹਾਲਾਤਾਂ ਨੂੰ ਸੰਭਾਲਿਆ।