30 ਸਾਲ ਪਹਿਲਾਂ ਕੀਤਾ ਸੀ 2 ਬੱਚਿਆਂ ਦੀ ਮਾਂ ਦਾ ਕਤਲ, ਵਾਲਾਂ ਦੇ ਗੁੱਛੇ ਨੇ ਕਸੂਤਾ ਫਸਾਇਆ ਭਾਰਤੀ ਵਿਅਕਤੀ

ਲੰਡਨ (ਏਜੰਸੀ)- 30 ਸਾਲ ਪਹਿਲਾਂ 2 ਬੱਚਿਆਂ ਦੀ ਮਾਂ ਦਾ ਕਤਲ ਕਰਨ ਵਾਲੇ ਨੂੰ ਭਾਰਤੀ ਮੂਲ ਦੇ 51 ਸਾਲਾ ਵਿਅਕਤੀ ਨੂੰ ਉਮਰ ਕੈਦ ਦੀ ਸਜ਼ਾ ਸੁਣਾਈ ਗਈ ਹੈ, ਕਿਉਂਕਿ ਘਟਨਾ ਸਥਾਨ 'ਤੇ ਮਿਲੇ ਵਾਲਾਂ ਦੇ ਗੁੱਛੇ 'ਤੇ ਵਰਤੀ ਗਈ ਨਵੀਂ ਡੀ.ਐੱਨ.ਏ. ਤਕਨੀਕ ਨੇ ਇਹ ਸਾਬਤ ਕਰ ਦਿੱਤਾ ਕਿ ਉਹ ਕਾਤਲ ਸੀ। ਬੀਬੀਸੀ ਨੇ ਸ਼ੁੱਕਰਵਾਰ ਨੂੰ ਰਿਪੋਰਟ ਕੀਤੀ ਕਿ 8 ਅਗਸਤ 1994 ਨੂੰ ਵੈਸਟਮਿੰਸਟਰ ਦੇ ਇੱਕ ਫਲੈਟ ਵਿੱਚ 39 ਸਾਲਾ ਮਰੀਨਾ ਕੋਪੇਲ ਨੂੰ 140 ਤੋਂ ਵੱਧ ਵਾਰ ਚਾਕੂ ਮਾਰਨ ਵਾਲੇ ਸੰਦੀਪ ਪਟੇਲ ਨੂੰ ਓਲਡ ਬੇਲੀ ਅਦਾਲਤ ਵਿੱਚ ਕਤਲ ਦਾ ਦੋਸ਼ੀ ਠਹਿਰਾਇਆ ਗਿਆ ਅਤੇ ਸਜ਼ਾ ਸੁਣਾਈ ਗਈ। ਘਟਨਾ ਦੇ ਸਮੇਂ ਪਟੇਲ 21 ਸਾਲਾ ਵਿਦਿਆਰਥੀ ਸੀ। 2022 ਵਿਚ ਉਸ 'ਤੇ ਉਸ ਸਮੇਂ ਸ਼ੱਕ ਹੋਇਆ ਜਦੋਂ ਜਾਂਚਕਰਤਾਵਾਂ ਨੂੰ ਕੋਪੇਲ ਦੀ ਅੰਗੂਠੀ ਵਿਚ ਵਾਲਾਂ ਦਾ ਇਕ ਗੁੱਛਾ ਫਸਿਆ ਮਿਲਿਆ।

ਇਹ ਵੀ ਪੜ੍ਹੋ: ਪਹਿਲਾਂ ਨੱਕ 'ਚ ਮਾਰੀ ਉਂਗਲ, ਫਿਰ ਪੀਜ਼ਾ ਬੇਸ ਨਾਲ ਪੂੰਝੀ, Domino's ਦੇ ਕਰਮਚਾਰੀ ਦੀ ਵੀਡੀਓ ਵਾਇਰਲ

ਪਟੇਲ ਨੂੰ ਸਜ਼ਾ ਸੁਣਾਉਂਦੇ ਹੋਏ ਜਸਟਿਸ ਕੈਵਨਾਘ ਨੇ ਕਿਹਾ, "ਕੌਪੇਲ ਨੂੰ ਤੁਸੀਂ ਜੋ ਦਹਿਸ਼ਤ ਅਤੇ ਦਰਦ ਦਿੱਤਾ, ਉਸ ਦੀ ਕਲਪਨਾ ਕਰਨਾ ਮੁਸ਼ਕਲ ਹੈ। ਤੁਸੀਂ ਉਸ ਦੀ ਜ਼ਿੰਦਗੀ ਦੇ ਕਈ ਹੋਰ ਸਾਲ ਖੋਹ ਲਏ। ਮੇਰੀ ਕੋਈ ਸਜ਼ਾ ਕੋਪੇਲ ਦੇ ਪਰਿਵਾਰ ਨੂੰ ਉਨ੍ਹਾਂ ਦੇ ਨੁਕਸਾਨ ਦੀ ਭਰਪਾਈ ਨਹੀਂ ਕਰ ਸਕਦੀ ਹੈ।" ਪਟੇਲ ਨੂੰ ਦੋਸ਼ੀ ਠਹਿਰਾਉਣ ਤੋਂ ਪਹਿਲਾਂ ਜਿਊਰੀ ਨੇ 3 ਘੰਟੇ ਤੋਂ ਵੱਧ ਸਮੇਂ ਤੱਕ ਵਿਚਾਰ-ਵਟਾਂਦਰਾ ਕੀਤਾ। ਮੈਟਰੋਪੋਲੀਟਨ ਪੁਲਸ ਅਨੁਸਾਰ, ਜਦੋਂ ਕੋਪੇਲ ਦਾ ਪਤੀ ਉਸਦੇ ਵੈਸਟਮਿੰਸਟਰ ਫਲੈਟ 'ਤੇ ਪਹੁੰਚਿਆ ਤਾਂ ਉਸ ਨੇ ਉਸ ਦੀ ਲਾਸ਼ ਨੂੰ ਖ਼ੂਨ ਨਾਲ ਲੱਥਪੱਥ ਪਾਇਆ ਅਤੇ ਪੁਲਸ ਨੂੰ ਸੂਚਨਾ ਦਿੱਤੀ। ਅਪਰਾਧ ਸੀਨ ਦੇ ਵਿਸ਼ਲੇਸ਼ਣ ਤੋਂ ਬਾਅਦ, ਪੁਲਸ ਨੂੰ ਅੰਗੂਠੀ ਅਤੇ ਇੱਕ ਪਲਾਸਟਿਕ ਦਾ ਸ਼ਾਪਿੰਗ ਬੈਗ ਮਿਲਿਆ, ਜਿਸ 'ਤੇ ਪਟੇਲ ਦੀਆਂ ਉਂਗਲਾਂ ਦੇ ਨਿਸ਼ਾਨ ਸਨ। ਮੈਟਰੋਪੋਲੀਟਨ ਪੁਲਸ ਨੇ ਵੀਰਵਾਰ ਨੂੰ ਜਾਰੀ ਇੱਕ ਬਿਆਨ ਵਿੱਚ ਕਿਹਾ, "ਹਾਲਾਂਕਿ, ਪਟੇਲ ਉਸ ਦੁਕਾਨ ਵਿੱਚ ਕੰਮ ਕਰਦਾ ਸੀ, ਜਿੱਥੋਂ ਬੈਗ ਆਇਆ ਸੀ, ਇਸ ਲਈ ਉਸ ਦੀਆਂ ਉਂਗਲਾਂ ਦੇ ਨਿਸ਼ਾਨਾਂ ਨੂੰ ਮਹੱਤਵਪੂਰਨ ਸਬੂਤ ਨਹੀਂ ਮੰਨਿਆ ਗਿਆ ਅਤੇ ਕਈ ਸਾਲਾਂ ਤੱਕ ਇਹ ਮਾਮਲਾ ਅਣਸੁਲਝਿਆ ਰਿਹਾ।" ਸ਼ੱਕ ਦੀ ਸੂਈ 2022 ਵਿੱਚ ਉਦੋਂ ਪਟੇਲ ਵੱਲ ਘੁੰਮੀ, ਜਦੋਂ ਉਪਲਬਧ ਸੰਵੇਦਨਸ਼ੀਲ ਤਕਨੀਕਾਂ ਨੇ ਅੰਗੂਠੀ ਤੋਂ ਮਿਲੇ ਵਾਲਾਂ ਤੋਂ ਡੀ.ਐੱਨ.ਏ. ਪ੍ਰੋਫਾਈਲ ਪ੍ਰਾਪਤ ਕਰਨ ਦੀ ਇਜਾਜ਼ਤ ਦਿੱਤੀ। 

ਇਹ ਵੀ ਪੜ੍ਹੋ: ਧੋਖਾਧੜੀ ਦੇ ਮਾਮਲੇ 'ਚ ਟਰੰਪ ਖ਼ਿਲਾਫ਼ ਕਾਰਵਾਈ, ਲੱਗਾ 35.5 ਕਰੋੜ ਡਾਲਰ ਦਾ ਜੁਰਮਾਨਾ

ਮੈਟਰੋਪੋਲੀਟਨ ਪੁਲਸ ਦੇ ਸੰਚਾਲਨ ਫੋਰੈਂਸਿਕ ਮੈਨੇਜਰ ਡੈਨ ਚੈਸਟਰ ਨੇ ਕਿਹਾ ਕਿ ਅਣਸੁਲਝੇ ਇਤਿਹਾਸਕ ਕਤਲ ਪੁਲਸ ਲਈ ਹੱਲ ਕਰਨ ਲਈ ਸਭ ਤੋਂ ਗੁੰਝਲਦਾਰ ਅਤੇ ਚੁਣੌਤੀਪੂਰਨ ਮਾਮਲਿਆਂ ਵਿਚੋਂ ਇਕ ਹੋ ਸਕਦੇ ਹਨ। ਹਾਲਾਂਕਿ, ਅੱਜ ਦਾ ਨਤੀਜਾ ਇੱਕ ਉਦਾਹਰਨ ਦਿੰਦਾ ਕਰਦਾ ਹੈ, ਜਿੱਥੇ ਫੋਰੈਂਸਿਕ ਵਿਗਿਆਨ, ਨਵੀਆਂ ਤਕਨੀਕਾਂ ਅਤੇ ਸਹਿਯੋਗੀ ਕਾਰਜ ਪ੍ਰਣਾਲੀਆਂ ਨੇ ਇੱਕ ਬੇਰਹਿਮ ਕਾਤਲ ਨੂੰ ਨਿਆਂ ਦੇ ਕਟਹਿਰੇ ਵਿੱਚ ਲਿਆਉਣ ਵਿੱਚ ਸਕਾਰਾਤਮਕ ਪ੍ਰਭਾਵ ਪਾਇਆ ਹੈ। ਕੋਪੇਲ ਦੇ ਕਤਲ ਦੇ ਸ਼ੱਕ ਵਿਚ ਪਟੇਲ ਨੂੰ 19 ਜਨਵਰੀ 2023 ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਸੀ, ਜਿਸ ਤੋਂ ਬਾਅਦ ਫਿੰਗਰਪ੍ਰਿੰਟ ਮਾਹਿਰਾਂ ਨੇ ਉਸ ਦੇ ਪੈਰਾਂ ਦੇ ਨਿਸ਼ਾਨਾਂ ਦਾ ਮੇਲ ਕੁਝ ਖੂਨ ਨਾਲ ਭਰੇ ਨੰਗੇ ਪੈਰਾਂ ਦੇ ਨਿਸ਼ਾਨਾਂ ਨਾਲ ਕੀਤਾ ਜੋ ਅਪਰਾਧ ਵਾਲੀ ਥਾਂ 'ਤੇ ਪਾਏ ਗਏ ਸਨ।

ਇਹ ਵੀ ਪੜ੍ਹੋ: ਸੋਸ਼ਲ ਮੀਡੀਆ 'ਤੇ ਮਿਲਿਆ ਪੈਸਿਆਂ ਦਾ ਆਫਰ, ਕੁੜੀ ਨੇ ਕਰ 'ਤਾ ਆਪਣੀ 'Best Friend' ਦਾ ਕਤਲ, ਹੋਈ 99 ਸਾਲ ਦੀ ਸਜ਼ਾ

ਕੋਪੇਲ ਦਾ ਬੈਂਕ ਕਾਰਡ ਉਸਦੇ ਫਲੈਟ ਤੋਂ ਚੋਰੀ ਕੀਤਾ ਗਿਆ ਸੀ, ਜਿਸਦੀ ਵਰਤੋਂ ਪਟੇਲ ਨੇ ਕਤਲ ਤੋਂ ਥੋੜ੍ਹੀ ਦੇਰ ਬਾਅਦ, ਆਪਣੇ ਘਰ ਤੋਂ ਅੱਧਾ ਮੀਲ ਦੂਰ ਇੱਕ ਕੈਸ਼ ਪੁਆਇੰਟ 'ਤੇ ਕੀਤੀ ਸੀ। ਪੁਲਸ ਨੇ ਕਿਹਾ ਕਿ ਮਰੀਨਾ ਦੇ ਪਰਿਵਾਰਕ ਮੈਂਬਰ ਉਸ ਦੀ ਮੌਤ ਤੋਂ ਬਾਅਦ ਪਰੇਸ਼ਾਨ ਹੋ ਗਏ ਸਨ ਅਤੇ ਅਫ਼ਸੋਸ ਦੀ ਗੱਲ ਹੈ ਕਿ ਉਸਦੇ ਕਾਤਲ ਨੂੰ ਨਿਆਂ ਦੇ ਕਟਹਿਰੇ ਵਿੱਚ ਲਿਆਉਣ ਤੋਂ ਪਹਿਲਾਂ ਹੀ ਉਸਦੇ ਪਤੀ ਦੀ 2005 ਵਿੱਚ ਮੌਤ ਹੋ ਗਈ ਸੀ। ਪੁਲਸ ਬਿਆਨ ਵਿੱਚ ਲਿਖਿਆ ਗਿਆ ਹੈ, "ਉਹ (ਕੋਪੇਲ) ਇੱਕ ਪਿਆਰੀ ਮਾਂ ਸੀ ਅਤੇ ਉਸਨੇ ਕੋਲੰਬੀਆ ਵਿੱਚ ਆਪਣੇ ਪਰਿਵਾਰ ਨੂੰ ਪੈਸੇ ਭੇਜਣ ਲਈ ਸਖ਼ਤ ਮਿਹਨਤ ਕੀਤੀ, ਜਿਸ ਵਿੱਚ ਉਸ ਦੇ 2 ਬੱਚੇ ਵੀ ਸ਼ਾਮਲ ਸਨ, ਜਿਨ੍ਹਾਂ ਦੀ ਦੇਖਭਾਲ ਉਸਦੇ ਪਰਿਵਾਰ ਵੱਲੋਂ ਕੀਤੀ ਜਾ ਰਹੀ ਸੀ।" ਅਦਾਲਤ ਵਿੱਚ ਕੋਪਲ ਦੇ ਬੇਟੇ ਨੇ ਕਿਹਾ ਕਿ ਉਸ ਲਈ ਆਪਣੀ ਜ਼ਿੰਦਗੀ ਦੇ "ਸਭ ਤੋਂ ਦੁਖਦਾਈ ਪਲ" ਨੂੰ ਮੁੜ ਤੋਂ ਜਿਊਣਾ ਆਸਾਨ ਨਹੀਂ ਹੈ। ਮੈਨੂੰ ਯਕੀਨ ਹੈ ਕਿ ਮੇਰੀ ਮਾਂ ਨੇ ਅਜੇ ਬਹੁਤ ਸਾਰੀ ਜ਼ਿੰਦਗੀ ਜਿਉਣੀ ਸੀ, ਇਹ ਉਸਦਾ ਸਮਾਂ ਨਹੀਂ ਸੀ ਅਤੇ ਇਹ ਬਹੁਤ ਦੁਖਦਾਈ ਹੈ - ਇਹ ਮੈਨੂੰ ਅੰਦਰੋਂ ਤੋੜ ਦਿੰਦਾ ਹੈ।

ਇਹ ਵੀ ਪੜ੍ਹੋ: ਇਸ ਸ਼ਹਿਰ 'ਚ ਮੁੜ ਪਰਤਿਆ ‘Work From Home’, ਕਰਮਚਾਰੀਆਂ ਨੂੰ ਘਰੋਂ ਕੰਮ ਕਰਨ ਦੀ ਹਦਾਇਤ, ਜਾਣੋ ਵਜ੍ਹਾ

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8

ਨੋਟ: ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਬਾਕਸ 'ਚ ਦਿਓ ਜਵਾਬ।