ਮਾਂ ਚੁੱਕ ਰਹੀ ਸੀ ਵਕੀਲ ਅਹੁਦੇ ਦੀ ਸਹੁੰ ਤੇ ਜੱਜ ਸੰਭਾਲ ਰਹੇ ਸਨ ਬੱਚਾ, ਵੀਡੀਓ ਵਾਇਰਲ

ਟੈਨੇਸੀ— ਸੋਸ਼ਲ ਮੀਡੀਆ 'ਤੇ ਕਈ ਤਰ੍ਹਾਂ ਦੇ ਫਨੀ ਵੀਡੀਓਜ਼ ਅਪਲੋਡ ਕੀਤੇ ਜਾਂਦੇ ਹਨ, ਜਿਨ੍ਹਾਂ ਨੂੰ ਦੇਖ ਕੇ ਹਾਸਾ ਆਉਣਾ ਲਾਜ਼ਮੀ ਹੈ ਪਰ ਇਨ੍ਹੀਂ ਦਿਨੀਂ ਟਵਿੱਟਰ 'ਤੇ ਇਕ ਵੀਡੀਓ ਵਾਇਰਲ ਹੋ ਰਿਹਾ ਹੈ, ਜੋ ਕਿ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ। ਇਸ ਵੀਡੀਓ ਵਿਚ ਇਕ ਮਾਂ ਵਕੀਲ ਅਹੁਦੇ ਦੀ ਸਹੁੰ ਚੁੱਕ ਰਹੀ ਹੈ ਅਤੇ ਉਸ ਦੌਰਾਨ ਉਸ ਦਾ ਬੱਚਾ ਸਾਹਮਣੇ ਖੜ੍ਹੇ ਜੱਜ ਕੋਲ ਹੈ, ਜੋ ਕਿ ਉਸ ਨੂੰ ਸੰਭਾਲ ਰਹੇ ਹਨ। ਇਹ ਜੱਜ ਹੀ ਉਸ ਨੂੰ ਸਹੁੰ ਚੁੱਕਾ ਰਹੇ ਹਨ। ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਇਆ ਇਹ ਵੀਡੀਓ ਕਾਫੀ ਸ਼ੇਅਰ ਵੀ ਹੋਇਆ ਅਤੇ 6 ਲੱਖ ਦੇ ਕਰੀਬ ਲੋਕਾਂ ਨੇ ਇਸ ਨੂੰ ਦੇਖਿਆ ਹੈ। ਇਸ ਦੇ ਨਾਲ ਹੀ 10 ਹਜ਼ਾਰ ਵਾਰ ਇਸ ਨੂੰ ਰੀ-ਟਵੀਟ ਕੀਤਾ ਗਿਆ ਹੈ।

Y'all. Judge Dinkins of the Tennessee Court of Appeals swore in my law school colleague with her baby on his hip, and I've honestly never loved him more. pic.twitter.com/kn0L5DakHO

— Sarah Martin (@sarahfor5) November 9, 2019

ਇਹ ਵੀਡੀਓ ਅਮਰੀਕਾ ਦੇ ਸੂਬੇ ਟੈਨੇਸੀ ਦਾ ਹੈ। ਉੱਥੋਂ ਦੀ ਰਹਿਣ ਵਾਲੀ ਜੂਨੀਅਰ ਲੇਮਾਰ ਨੇ ਹੁਣੇ-ਹੁਣੇ ਆਪਣੀ ਵਕਾਲਤ ਦੀ ਪੜ੍ਹਾਈ ਪੂਰੀ ਕੀਤੀ ਹੈ। ਅਜਿਹੇ ਵਿਚ ਉਨ੍ਹਾਂ ਨੂੰ ਜੱਜ ਵਲੋਂ ਵਕੀਲ ਬਣਨ ਦੀ ਸਹੁੰ ਚੁਕਾਈ ਜਾਣੀ ਸੀ। ਉਹ ਆਪਣੇ ਸਹੁੰ ਚੁੱਕ ਸਮਾਗਮ ਲਈ ਟੈਨੇਸੀ ਕੋਰਟ ਪੁੱਜੀ। ਉਨ੍ਹਾਂ ਦਾ ਇਕ ਸਾਲ ਦਾ ਬੱਚਾ ਵੀ ਉਨ੍ਹਾਂ ਨਾਲ ਸੀ। ਉਹ ਜਦੋਂ ਆਪਣੀ ਸੀਟ ਤੋਂ ਉਠ ਕੇ ਜੱਜ ਸਾਹਮਣੇ ਪੁੱਜੀ ਤਾਂ ਜੱਜ ਨੇ ਉਨ੍ਹਾਂ ਦੇ ਬੱਚੇ ਨੂੰ ਵੀ ਇਸ 'ਚ ਸ਼ਾਮਲ ਕਰਨ ਨੂੰ ਕਿਹਾ। ਜੱਜ ਨੇ ਇਕ ਹੱਥ 'ਚ ਕਾਗਜ਼ ਅਤੇ ਦੂਜੇ ਹੱਥ 'ਚ ਉਨ੍ਹਾਂ ਦੇ ਬੱਚੇ ਨੂੰ ਚੁੱਕ ਕੇ ਸਹੁੰ ਚੁਕਾਈ। ਇਹ ਵੀਡੀਓ ਜੂਲੀਅਨ ਦੀ ਸਹਿਪਾਠੀ ਸਾਰਾਹ ਮਾਰਟਿਨ ਨੇ ਸ਼ੇਅਰ ਕੀਤੀ ਸੀ।

ਜੂਲੀਅਨ ਲੇਮਾਰ ਜਦੋਂ ਲਾਅ ਸਕੂਲ 'ਚ ਵਕਾਲਤ ਦੀ ਪੜ੍ਹਾਈ ਕਰ ਰਹੀ ਸੀ ਤਾਂ ਉਨ੍ਹਾਂ ਨੇ ਬੱਚੇ ਨੂੰ ਜਨਮ ਦਿੱਤਾ ਸੀ। ਜੂਲੀਅਨ ਨੇ ਕਿਹਾ ਕਿ ਮੈਂ ਬੇਹੱਦ ਖੁਸ਼ ਹਾਂ ਕਿ ਮੇਰਾ ਲੜਕਾ ਮੇਰੇ ਸਹੁੰ ਚੁੱਕ ਸਮਾਗਮ ਦਾ ਹਿੱਸਾ ਬਣਿਆ।