ਅਨੋਖਾ ਅੰਤਿਮ ਸੰਸਕਾਰ, ਤਾਬੂਤ ਦੀ ਜਗ੍ਹਾ ਮਰਸੀਡੀਜ਼ ਬੈਂਜ਼ ''ਚ ਦਫਨਾਏ ਗਏ ਅਫੀਰੀਕੀ ਨੇਤਾ (ਤਸਵੀਰਾਂ)

ਜੋਹਾਂਸਬਰਗ-ਕਹਿੰਦੇ ਹਨ ਕਿ ਜੇਕਰ ਮ੍ਰਿਤਕ ਵਿਅਕਤੀ ਦੀ ਆਖਿਰੀ ਇੱਛਾ ਪੂਰੀ ਕਰ ਦਿੱਤੀ ਜਾਵੇ ਤਾਂ ਉਸ ਦੀ ਆਤਮਾ ਨੂੰ ਸ਼ਾਤੀ ਮਿਲਦੀ ਹੈ। ਦੱਖਣੀ ਅਫਰੀਕਾ ਦੇ ਜੋਹਾਂਬਸਬਰਗ 'ਚ ਇਹ ਇਕ ਅਨੋਖਾ ਉਦਾਹਰਣ ਦੇਖਣ ਨੂੰ ਮਿਲੀ।

ਇਥੇ ਦੇ ਇਕ ਪਾਲਿਟਿਕਲ ਲੀਡਰ ਨੂੰ ਕਿਸੇ ਤਾਬੂਤ 'ਚ ਨਹੀਂ ਬਲਕਿ ਉਨ੍ਹਾਂ ਦੀ ਪਸੰਦੀਦਾ ਕਾਰ ਨਾਲ ਦਫਨਾਇਆ ਗਿਆ। ਉਨ੍ਹਾਂ ਨੂੰ ਕਾਰ 'ਚ ਲਿਟਾ ਕੇ ਨਹੀਂ ਬਲਕਿ ਡਰਾਈਵਿੰਗ ਸੀਟ 'ਤੇ ਬਿਠਾ ਕੇ ਦਫਨਾਇਆ ਗਿਆ, ਜਦ ਕਿ ਉਨ੍ਹਾਂ ਦੇ ਦੋਵੇਂ ਹੱਥ ਸਟੇਅਰਿੰਗ 'ਤੇ ਸਨ।

ਯੂਨਾਈਟੇਡ ਡੈਮੋਕ੍ਰੇਟਿਕ ਮੂਵਮੈਂਟ ਦੇ ਨੇਤਾ ਸ਼ੇਕੇਡੇ ਪਿਤਸੋ ਦੇ ਬਾਰੇ 'ਚ ਕਿਹਾ ਜਾਂਦਾ ਹੈ ਕਿ ਉਨ੍ਹਾਂ ਦਾ ਜ਼ਿਆਦਾਤਰ ਸਮਾਂ ਉਨ੍ਹਾਂ ਦੀ ਪਸੰਦੀਦਾ ਕਾਰ 'ਚ ਬੀਤੀਆ ਅਤੇ ਉਹ ਚਾਹੁੰਦੇ ਸਨ ਕਿ ਉਨ੍ਹਾਂ ਨੂੰ ਉਨ੍ਹਾਂ ਦੀ ਕਾਰ ਨਾਲ ਦੀ ਦਫਨ ਕੀਤਾ ਜਾਵੇ।

ਸ਼ੇਕੇਡੇ ਦੇ ਪਰਿਵਾਰ ਨੇ ਉਨ੍ਹਾਂ ਦੀ ਆਖਿਰੀ ਇੱਛਾ ਪੂਰੀ ਕਰਨ ਦਾ ਫੈਸਲਾ ਕੀਤਾ ਅਤੇ ਦੋ ਸਾਲ ਪਹਿਲਾਂ ਖਰੀਦੀ ਗਈ ਮਰਸੀਡੀਜ਼ ਬੈਂਜ ਦੇ ਨਾਲ ਹੀ ਉਨ੍ਹਾਂ ਨੂੰ ਦਫਨ ਕਰ ਦਿੱਤਾ ਗਿਆ। ਸ਼ੇਕੇਡੇ ਦੀ ਬੇਟੀ ਸੇਫੋਰਾ ਨੇ ਦੱਸਿਆ ਕਿ ਉਨ੍ਹਾਂ ਦੇ ਪਿਤਾ ਕਦੇ ਅਮੀਰ ਕਾਰੋਬਾਰੀ ਹੋਇਆ ਕਰਦੇ ਸਨ ਅਤੇ ਉਨ੍ਹਾਂ ਕੋਲ ਕਈ ਮਰਸੀਡੀਜ਼ ਕਾਰਾਂ ਸਨ। ਪਰ ਬਿਜ਼ਨੈੱਸ ਨੂੰ ਘਾਟਾ ਹੋਇਆ ਅਤੇ ਸਾਰੀਆਂ ਕਾਰਾਂ ਵਿਕ ਗਈਆਂ। ਦੋ ਸਾਲ ਪਹਿਲਾਂ ਹੀ ਉਨ੍ਹਾਂ ਨੇ ਸੈਕਿੰਡ ਹੈਂਡ ਮਰਸੀਡੀਜ਼ ਬੈਂਜ ਖਰੀਦੀ ਸੀ।

ਦੱਖਣੀ ਅਫਰੀਕਾ 'ਚ ਕੋਰੋਨਾਵਾਇਰਸ ਦੇ ਪ੍ਰਭਾਵ ਨੂੰ ਰੋਕਣ ਲਈ ਲਾਕਡਾਊਨ ਲੱਗਿਆ ਹੋਇਆ ਹੈ ਪਰ ਇਸ ਨੂੰ ਤੋੜਦੇ ਹੋਏ ਅੰਤਿਮ ਸੰਸਕਾਰ ਦੌਰਾਨ ਕਾਫੀ ਭੀੜ ਜੁੱਟੀ। ਇਸ ਅਨੋਖੇ ਅੰਤਿਮ ਸੰਸਕਾਰ ਕਾਰਣ ਉਹ ਪੂਰੇ ਦੱਖਣੀ ਅਫਰੀਕਾ 'ਚ ਚਰਚਾ ਦਾ ਵਿਸ਼ਾ ਤਾਂ ਬਣੇ ਹੀ ਹੋਏ ਹਨ, ਇਸ ਨਾਲ ਜੁੜੀਆਂ ਤਸਵੀਰਾਂ ਵੀ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀਆਂ ਹਨ।