ਸਵੀਡਨ 'ਚ ਠੰਡ ਨੇ ਤੋੜਿਆ 25 ਸਾਲਾਂ ਦਾ ਰਿਕਾਰਡ, -40 ਡਿਗਰੀ ਤੋਂ ਹੇਠਾਂ ਡਿੱਗਿਆ ਤਾਪਮਾਨ

ਕੋਪੇਨਹੇਗਨ (ਏਜੰਸੀ)- ਨੌਰਡਿਕ ਖੇਤਰ ਵਿੱਚ ਬੁੱਧਵਾਰ ਨੂੰ ਲਗਾਤਾਰ ਦੂਜੇ ਦਿਨ ਤਾਪਮਾਨ ਮਾਈਨਸ 40 ਡਿਗਰੀ ਸੈਲਸੀਅਸ (ਮਾਈਨਸ 40 ਡਿਗਰੀ ਫਾਰਨਹੀਟ) ਤੋਂ ਹੇਠਾਂ ਡਿੱਗ ਗਿਆ, ਜਿਸ ਨਾਲ ਸਵੀਡਨ ਵਿੱਚ ਜਨਵਰੀ ਦੀ ਸਭ ਤੋਂ ਠੰਡੀ ਰਾਤ ਦਾ 25 ਸਾਲ ਪੁਰਾਣਾ ਰਿਕਾਰਡ ਟੁੱਟ ਗਿਆ, ਕਿਉਂਕਿ ਖੇਤਰ ਵਿਚ ਕੜਾਕੇ ਦੀ ਠੰਡ ਪੈ ਰਹੀ ਹੈ। ਦੱਸ ਦੇਈਏ ਕਿ ਨੌਰਡਿਕ ਦੇਸ਼ ਉੱਤਰੀ ਯੂਰਪ ਅਤੇ ਉੱਤਰੀ ਅਟਲਾਂਟਿਕ ਵਿੱਚ ਇੱਕ ਭੂਗੋਲਿਕ ਅਤੇ ਸੱਭਿਆਚਾਰਕ ਖੇਤਰ ਹਨ। ਇਸ ਵਿੱਚ ਡੈਨਮਾਰਕ, ਫਿਨਲੈਂਡ, ਆਈਸਲੈਂਡ, ਨਾਰਵੇ ਅਤੇ ਸਵੀਡਨ ਦੇ ਪ੍ਰਭੂਸੱਤਾ ਰਾਜ ਸ਼ਾਮਲ ਹਨ। ਸਵੀਡਨ ਦੀ ਟੀਟੀ ਨਿਊਜ਼ ਏਜੰਸੀ ਨੇ ਰਿਪੋਰਟ ਦਿੱਤੀ ਹੈ ਕਿ ਸਵੀਡਿਸ਼ ਲੈਪਲੈਂਡ ਦੇ ਕਵਿੱਕਜੋਕ-ਅਰੇਨਜਾਰਕਾ ਵਿੱਚ ਤਾਪਮਾਨ ਮਾਈਨਸ 43.6 ਡਿਗਰੀ ਸੈਲਸੀਅਸ (ਮਾਈਨਸ 46.5 ਫਾਰੇਨਹਾਇਟ) ਤੱਕ ਡਿੱਗ ਗਿਆ, ਜੋ ਜਨਵਰੀ 1999 ਤੋਂ ਬਾਅਦ ਸਭ ਤੋਂ ਘੱਟ ਤਾਪਮਾਨ ਹੈ। ਮੰਗਲਵਾਰ ਨੂੰ ਉੱਤਰੀ ਸਵੀਡਨ ਵਿੱਚ ਸਵਦੇਸ਼ੀ ਸਾਮੀ ਲੋਕਾਂ ਵੱਲੋਂ ਵਸਾਏ ਗਏ ਇੱਕ ਪਿੰਡ ਨਿੱਕਾਲੁਓਕਤਾ ਵਿਚ ਤਾਪਮਾਨ ਮਾਈਨਸ 41.6 ਡਿਗਰੀ ਸੈਲਸੀਅਸ (ਮਾਈਨਸ 42.8 ਫਾਰੇਨਹਾਇਟ) ਰਿਕਾਰਡ ਕੀਤਾ ਗਿਆ। ਇਹ ਪਿੰਡ ਲੈਪਲੈਂਡ ਵਿੱਚ ਹੈ, ਜੋ ਨਾਰਵੇ ਦੇ ਉੱਤਰੀ ਹਿੱਸਿਆਂ ਤੋਂ ਸਵੀਡਨ ਅਤੇ ਫਿਨਲੈਂਡ ਤੋਂ ਰੂਸ ਤੱਕ ਫੈਲਿਆ ਹੋਇਆ ਹੈ।

ਇਹ ਵੀ ਪੜ੍ਹੋ: ਵੱਡੀ ਖ਼ਬਰ: ਘਰ 'ਚ ਅੱਗ ਲੱਗਣ ਕਾਰਨ 4 ਬੱਚਿਆਂ ਦੀ ਦਰਦਨਾਕ ਮੌਤ

ਸਵੀਡਿਸ਼ ਮੌਸਮ ਵਿਗਿਆਨ ਅਤੇ ਹਾਈਡ੍ਰੋਲੋਜੀਕਲ ਇੰਸਟੀਚਿਊਟ ਨੇ ਉੱਤਰੀ ਸਵੀਡਨ ਦੇ ਕਈ ਸਥਾਨਾਂ 'ਤੇ ਮਾਈਨਸ 30 ਡਿਗਰੀ ਸੈਲਸੀਅਸ (ਮਾਈਨਸ 22 ਫਾਰੇਨਹਾਇਟ) ਦੇ ਤਾਪਮਾਨ ਦੀ ਰਿਪੋਰਟ ਦਿੱਤੀ ਅਤੇ ਮੱਧ ਅਤੇ ਦੱਖਣੀ ਸਵੀਡਨ ਲਈ ਬਰਫਬਾਰੀ ਅਤੇ ਹਵਾ ਲਈ ਚੇਤਾਵਨੀ ਜਾਰੀ ਕੀਤੀ। ਬਰਫ਼ਬਾਰੀ ਅਤੇ ਤੇਜ਼ ਹਵਾਵਾਂ ਦੇ ਨਾਲ ਠੰਡੇ ਮੌਸਮ ਨੇ ਪੂਰੇ ਨੋਰਡਿਕ ਖੇਤਰ ਵਿੱਚ ਆਵਾਜਾਈ ਵਿੱਚ ਵਿਘਨ ਪਾਇਆ ਹੈ, ਕਈ ਪੁਲ ਬੰਦ ਹੋ ਗਏ ਅਤੇ ਕੁਝ ਰੇਲ ਅਤੇ ਫੈਰੀ ਸੇਵਾਵਾਂ ਨੂੰ ਮੁਅੱਤਲ ਕਰ ਦਿੱਤਾ ਗਿਆ। ਫਿਨਲੈਂਡ ਦੀ ਮੌਸਮ ਵਿਗਿਆਨ ਸੰਸਥਾ ਨੇ ਇਸ ਹਫ਼ਤੇ ਦੇਸ਼ ਵਿੱਚ ਕਾਫ਼ੀ ਠੰਡਾ ਮੌਸਮ ਰਹਿਣ ਦੀ ਚੇਤਾਵਨੀ ਜਾਰੀ ਕੀਤੀ ਹੈ ਅਤੇ ਦੇਸ਼ ਦੇ ਕੁਝ ਹਿੱਸਿਆਂ ਵਿੱਚ ਤਾਪਮਾਨ ਮਾਈਨਸ 40 ਡਿਗਰੀ ਤੋਂ ਵੱਧ ਹੋਣ ਦੀ ਸੰਭਾਵਨਾ ਹੈ। ਉਥੇ ਹੀ ਪੁਲਸ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ ਐਕਸ 'ਤੇ ਦੱਸਿਆ ਕਿ ਦੱਖਣੀ ਨਾਰਵੇ ਵਿੱਚ E18 ਹਾਈਵੇਅ ਦੇ ਇੱਕ ਹਿੱਸੇ ਨੂੰ ਮੌਸਮ ਸੰਬੰਧੀ ਸਥਿਤੀ ਦੇ ਕਾਰਨ ਬੰਦ ਕਰ ਦਿੱਤਾ ਗਿਆ ਹੈ। ਇਸੇ ਤਰ੍ਹਾਂ ਡੈਨਮਾਰਕ ਦੇ ਜ਼ਿਆਦਾਤਰ ਹਿੱਸਿਆਂ ਵਿਚ ਪੁਲਸ ਨੇ ਵਾਹਨ ਚਾਲਕਾਂ ਨੂੰ ਗੈਰ-ਜ਼ਰੂਰੀ ਯਾਤਰਾਵਾਂ ਤੋਂ ਬਚਣ ਦੀ ਅਪੀਲ ਕੀਤੀ ਹੈ, ਕਿਉਂਕਿ ਦੇਸ਼ ਦੇ ਉੱਤਰੀ ਅਤੇ ਪੱਛਮੀ ਹਿੱਸਿਆਂ ਵਿਚ ਹਵਾ ਅਤੇ ਬਰਫ਼ਬਾਰੀ ਹੋ ਰਹੀ ਹੈ।

ਇਹ ਵੀ ਪੜ੍ਹੋ: UK ਦਾ ਵੱਡਾ ਐਲਾਨ, ਇਨ੍ਹਾਂ ਦੇਸ਼ਾਂ ਦੇ ਯਾਤਰੀਆਂ ਨੂੰ ਦੇਵੇਗਾ ਵੀਜ਼ਾ ਮੁਕਤ ਐਂਟਰੀ

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8

ਨੋਟ: ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਬਾਕਸ 'ਚ ਦਿਓ ਜਵਾਬ।