ਸਰੀਰ 'ਚ ਵਿਟਾਮਿਨ B-12 ਦੀ ਕਮੀ ਨੂੰ ਪੂਰਾ ਕਰਨੀਆਂ ਇਹ ਚੀਜ਼ਾਂ, ਅੱਜ ਹੀ ਕਰ ਲਓ ਡਾਈਟ ਵਿਚ ਸ਼ਾਮਲ
Friday, Mar 27, 2026 - 09:53 AM (IST)
ਹੈਲਥ ਡੈਸਕ - ਅੱਜ-ਕੱਲ੍ਹ ਦੀ ਭੱਜ-ਦੌੜ ਭਰੀ ਜ਼ਿੰਦਗੀ ਅਤੇ ਗਲਤ ਖਾਣ-ਪੀਣ ਕਾਰਨ ਸਰੀਰ 'ਚ ਪੋਸ਼ਕ ਤੱਤਾਂ ਦੀ ਕਮੀ ਹੋਣਾ ਆਮ ਗੱਲ ਹੈ। ਇਨ੍ਹਾਂ 'ਚੋਂ ਵਿਟਾਮਿਨ B-12 ਦੀ ਕਮੀ ਸਭ ਤੋਂ ਵੱਧ ਦੇਖਣ ਨੂੰ ਮਿਲ ਰਹੀ ਹੈ। ਇਹ ਵਿਟਾਮਿਨ ਸਾਡੇ ਸਰੀਰ 'ਚ ਲਾਲ ਖੂਨ ਦੇ ਸੈੱਲ ਬਣਾਉਣ, ਨਰਵਸ ਸਿਸਟਮ ਨੂੰ ਤੰਦਰੁਸਤ ਰੱਖਣ ਅਤੇ ਊਰਜਾ ਦੇ ਪੱਧਰ ਨੂੰ ਬਰਕਰਾਰ ਰੱਖਣ ਲਈ ਬੇਹੱਦ ਜ਼ਰੂਰੀ ਹੈ।
ਇਨ੍ਹਾਂ ਚੀਜ਼ਾਂ ਦੇ ਸੇਵਨ ਨਾਲ ਦੂਰ ਹੋਵੇਗੀ ਕਮੀ
ਵਿਟਾਮਿਨ B-12 ਮੁੱਖ ਤੌਰ 'ਤੇ ਜਾਨਵਰਾਂ ਤੋਂ ਮਿਲਣ ਵਾਲੇ ਉਤਪਾਦਾਂ 'ਚ ਹੁੰਦਾ ਹੈ, ਪਰ ਸ਼ਾਕਾਹਾਰੀ ਲੋਕ ਵੀ ਕੁਝ ਖ਼ਾਸ ਚੀਜ਼ਾਂ ਰਾਹੀਂ ਇਸ ਦੀ ਪੂਰਤੀ ਕਰ ਸਕਦੇ ਹਨ :-
ਡੇਅਰੀ ਉਤਪਾਦ
- ਦੁੱਧ, ਦਹੀਂ ਅਤੇ ਪਨੀਰ ਵਿਟਾਮਿਨ B-12 ਦੇ ਸ਼ਾਨਦਾਰ ਸਰੋਤ ਹਨ। ਰੋਜ਼ਾਨਾ ਇਕ ਗਲਾਸ ਦੁੱਧ ਜਾਂ ਇਕ ਕੌਲੀ ਦਹੀਂ ਖਾਣ ਨਾਲ ਇਸ ਦੀ ਕਮੀ ਕਾਫ਼ੀ ਹੱਦ ਤੱਕ ਪੂਰੀ ਹੋ ਸਕਦੀ ਹੈ।
ਆਂਡੇ
- ਜੇਕਰ ਤੁਸੀਂ ਸ਼ਾਕਾਹਾਰੀ ਨਹੀਂ ਹੋ, ਤਾਂ ਆਂਡਾ ਤੁਹਾਡੇ ਲਈ ਬਹੁਤ ਫਾਇਦੇਮੰਦ ਹੈ। ਖ਼ਾਸ ਕਰਕੇ ਆਂਡੇ ਦੀ ਜ਼ਰਦੀ 'ਚ B-12 ਭਰਪੂਰ ਹੁੰਦਾ ਹੈ।
ਸੋਇਆ ਅਤੇ ਓਟਸ
- ਬਾਜ਼ਾਰ 'ਚ ਅਜਿਹੇ ਸੋਇਆ ਮਿਲਕ, ਓਟਸ ਅਤੇ ਸੀਰੀਅਲਸ (Cereals) ਮਿਲਦੇ ਹਨ ਜਿਨ੍ਹਾਂ 'ਚ ਵਿਟਾਮਿਨ B-12 ਵਾਧੂ ਮਿਲਾਇਆ ਹੁੰਦਾ ਹੈ। ਇਹ ਸ਼ਾਕਾਹਾਰੀ ਲੋਕਾਂ ਲਈ ਵਧੀਆ ਵਿਕਲਪ ਹਨ।
ਮਸ਼ਰੂਮ
- ਕੁਝ ਖ਼ਾਸ ਕਿਸਮ ਦੇ ਮਸ਼ਰੂਮ, ਜਿਵੇਂ ਕਿ ਸ਼ੀਟਕੇ ਮਸ਼ਰੂਮ 'ਚ ਵਿਟਾਮਿਨ B-12 ਦੀ ਕੁਝ ਮਾਤਰਾ ਪਾਈ ਜਾਂਦੀ ਹੈ।
ਪਨੀਰ
- ਸੋਇਆ ਪਨੀਰ (Tofu) ਜਾਂ ਸਾਦਾ ਪਨੀਰ ਖਾਣ ਨਾਲ ਵੀ ਸਰੀਰ ਨੂੰ ਜ਼ਰੂਰੀ ਪੋਸ਼ਣ ਮਿਲਦਾ ਹੈ।
ਮੱਛੀ ਅਤੇ ਚਿਕਨ
- ਮਾਸਾਹਾਰੀ ਲੋਕਾਂ ਲਈ ਮੱਛੀ (ਖ਼ਾਸ ਕਰਕੇ ਸਾਲਮਨ ਅਤੇ ਟੁਨਾ) ਅਤੇ ਚਿਕਨ B-12 ਦੇ ਸਭ ਤੋਂ ਵੱਡੇ ਸਰੋਤ ਹਨ।
ਨੋਟ - ਇਹ ਜਾਣਕਾਰੀ ਆਮ ਤੱਥਾਂ ਉਤੇ ਆਧਾਰਿਤ ਹੈ। ਜਗਬਾਣੀ ਇਸ ਦੀ ਕੋਈ ਪੁਸ਼ਟੀ ਨਹੀਂ ਕਰਦਾ।
