Vitamin D ਦੀ ਕਮੀ ਨੂੰ ਇੰਝ ਕਰੋ ਪੂਰਾ, ਮਿਲੇਗੀ ਗਜ਼ਬ ਦੀ ਤਾਕਤ ਤੇ ਚਿਹਰੇ 'ਤੇ ਆਵੇਗੀ ਅਣੋਖੀ ਚਮਕ
Friday, Mar 13, 2026 - 11:08 AM (IST)
ਹੈਲਥ ਡੈਸਕ - ਅੱਜ-ਕੱਲ੍ਹ ਦੀ ਬਦਲਦੀ ਜੀਵਨ ਸ਼ੈਲੀ ਅਤੇ ਸਾਰਾ ਦਿਨ ਕਮਰਿਆਂ ਦੇ ਅੰਦਰ ਰਹਿਣ ਕਾਰਨ ਲੋਕਾਂ 'ਚ 'ਵਿਟਾਮਿਨ ਡੀ' ਦੀ ਕਮੀ ਇਕ ਗੰਭੀਰ ਸਮੱਸਿਆ ਬਣਦੀ ਜਾ ਰਹੀ ਹੈ। ਵਿਟਾਮਿਨ ਡੀ ਸਾਡੀਆਂ ਹੱਡੀਆਂ ਨੂੰ ਮਜ਼ਬੂਤ ਰੱਖਣ ਅਤੇ ਇਮਿਊਨਿਟੀ ਵਧਾਉਣ ਲਈ ਬਹੁਤ ਜ਼ਰੂਰੀ ਹੈ। ਜੇਕਰ ਸਮੇਂ ਸਿਰ ਇਸ ਦੀ ਕਮੀ ਵੱਲ ਧਿਆਨ ਨਾ ਦਿੱਤਾ ਜਾਵੇ, ਤਾਂ ਇਹ ਸਰੀਰ ਨੂੰ ਅੰਦਰੋਂ ਖੋਖਲਾ ਕਰ ਸਕਦੀ ਹੈ।
ਵਿਟਾਮਿਨ ਡੀ ਦੀ ਕਮੀ ਦੇ ਮੁੱਖ ਲੱਛਣ :-
ਜੇਕਰ ਤੁਹਾਨੂੰ ਹੇਠਾਂ ਦਿੱਤੀਆਂ ਸਮੱਸਿਆਵਾਂ ਮਹਿਸੂਸ ਹੋ ਰਹੀਆਂ ਹਨ, ਤਾਂ ਤੁਹਾਡੇ ਸਰੀਰ 'ਚ ਵਿਟਾਮਿਨ ਡੀ ਦੀ ਕਮੀ ਹੋ ਸਕਦੀ ਹੈ :-
ਹੱਡੀਆਂ ਅਤੇ ਪਿੱਠ 'ਚ ਦਰਦ
- ਹਰ ਵੇਲੇ ਹੱਡੀਆਂ ਜਾਂ ਜੋੜਾਂ ਵਿੱਚ ਦਰਦ ਰਹਿਣਾ ਇਸ ਦਾ ਸਭ ਤੋਂ ਵੱਡਾ ਲੱਛਣ ਹੈ।
ਹਰ ਵੇਲੇ ਥਕਾਵਟ ਮਹਿਸੂਸ ਕਰਨਾ
- ਪੂਰੀ ਨੀਂਦ ਲੈਣ ਦੇ ਬਾਵਜੂਦ ਵੀ ਸਰੀਰ 'ਚ ਸੁਸਤੀ ਅਤੇ ਕਮਜ਼ੋਰੀ ਰਹਿਣਾ।
ਮਾਸਪੇਸ਼ੀਆਂ 'ਚ ਖਿਚਾਅ
- ਵਾਰ-ਵਾਰ ਮਾਸਪੇਸ਼ੀਆਂ ਵਿੱਚ ਦਰਦ ਜਾਂ ਕੜਵੱਲ (Cramps) ਪੈਣਾ।
ਵਾਲਾਂ ਦਾ ਝੜਨਾ
- ਬਹੁਤ ਜ਼ਿਆਦਾ ਵਾਲ ਝੜਨਾ ਵੀ ਪੋਸ਼ਣ ਦੀ ਕਮੀ ਦਾ ਸੰਕੇਤ ਹੋ ਸਕਦਾ ਹੈ।
ਜ਼ਖ਼ਮ ਦਾ ਦੇਰੀ ਨਾਲ ਭਰਨਾ
- ਜੇਕਰ ਕੋਈ ਸੱਟ ਲੱਗਣ 'ਤੇ ਜ਼ਖ਼ਮ ਜਲਦੀ ਠੀਕ ਨਹੀਂ ਹੋ ਰਿਹਾ, ਤਾਂ ਇਹ ਵਿਟਾਮਿਨ ਡੀ ਦੀ ਕਮੀ ਹੋ ਸਕਦੀ ਹੈ।
ਚਿੜਚਿੜਾਪਨ ਅਤੇ ਡਿਪਰੈਸ਼ਨ
- ਮਾਨਸਿਕ ਸਿਹਤ 'ਤੇ ਅਸਰ ਪੈਣਾ ਅਤੇ ਮੂਡ ਖ਼ਰਾਬ ਰਹਿਣਾ।
ਵਿਟਾਮਿਨ ਡੀ ਦੀ ਕਮੀ ਨੂੰ ਦੂਰ ਕਰਨ ਦੇ ਚਮਤਕਾਰੀ ਉਪਾਅ :-
ਧੁੱਪ ਸਭ ਤੋਂ ਵਧੀਆ ਸਰੋਤ
- ਸਵੇਰ ਦੀ 10 ਤੋਂ 15 ਮਿੰਟ ਦੀ ਕੋਮਲ ਧੁੱਪ ਵਿਟਾਮਿਨ ਡੀ ਦਾ ਸਭ ਤੋਂ ਕੁਦਰਤੀ ਅਤੇ ਮੁਫ਼ਤ ਸਰੋਤ ਹੈ।
ਸਹੀ ਖ਼ੁਰਾਕ
- ਆਪਣੀ ਡਾਈਟ 'ਚ ਆਂਡੇ ਦੀ ਜਰਦੀ, ਮੱਛੀ, ਦੁੱਧ, ਦਹੀਂ, ਪਨੀਰ ਅਤੇ ਮਸ਼ਰੂਮ ਸ਼ਾਮਲ ਕਰੋ।
ਫੋਰਟੀਫਾਈਡ ਫੂਡਜ਼
- ਬਾਜ਼ਾਰ 'ਚ ਮਿਲਣ ਵਾਲੇ ਵਿਟਾਮਿਨ ਡੀ ਯੁਕਤ ਦੁੱਧ ਜਾਂ ਅਨਾਜ ਦਾ ਸੇਵਨ ਕਰੋ।
