ਭਾਰ ਤੋਂ ਪਾਉਣਾ ਚਾਹੁੰਦੇ ਹੋ ਛੁਟਕਾਰਾ ਤਾਂ ਅੱਜ ਤੋਂ ਹੀ ਇਸ ਤਰ੍ਹਾਂ ਸ਼ੁਰੂ ਕਰੋ ਸ਼ਹਿਦ ਦਾ ਸੇਵਨ

ਹੈਲਥ ਡੈਸਕ - ਭਾਰ ਘਟਾਉਣ ਦੀ ਕੋਸ਼ਿਸ਼ ਕਰ ਰਹੇ ਲੋਕਾਂ ਲਈ ਸ਼ਹਿਦ ਇੱਕ ਵਰਦਾਨ ਸਾਬਤ ਹੋ ਸਕਦਾ ਹੈ। ਆਯੁਰਵੇਦ 'ਚ ਸ਼ਹਿਦ ਨੂੰ 'ਮਹਾਔਸ਼ਧੀ' ਮੰਨਿਆ ਗਿਆ ਹੈ। ਇਹ ਨਾ ਸਿਰਫ਼ ਸਰੀਰ ਦੇ ਮੈਟਾਬੋਲਿਜ਼ਮ ਨੂੰ ਤੇਜ਼ ਕਰਦਾ ਹੈ, ਸਗੋਂ ਜੰਮੀ ਹੋਈ ਚਰਬੀ (ਫੈਟ) ਨੂੰ ਸਾੜਨ 'ਚ ਵੀ ਬਹੁਤ ਕਾਰਗਰ ਹੈ। ਹਾਲਾਂਕਿ, ਇਸਦਾ ਪੂਰਾ ਫਾਇਦਾ ਉਦੋਂ ਹੀ ਮਿਲਦਾ ਹੈ ਜਦੋਂ ਇਸਦਾ ਸੇਵਨ ਸਹੀ ਤਰੀਕੇ ਅਤੇ ਸਹੀ ਸਮੇਂ 'ਤੇ ਕੀਤਾ ਜਾਵੇ।

ਭਾਰ ਘਟਾਉਣ ਲਈ ਸ਼ਹਿਦ ਦੇ ਸੇਵਨ ਦੇ 3 ਪ੍ਰਭਾਵਸ਼ਾਲੀ ਤਰੀਕੇ :-

ਕੋਸੇ ਪਾਣੀ ਅਤੇ ਨਿੰਬੂ ਦੇ ਨਾਲ
- ਇਹ ਸਰੀਰ ਨੂੰ ਡਿਟੌਕਸ ਕਰਨ ਦਾ ਸਭ ਤੋਂ ਉੱਤਮ ਤਰੀਕਾ ਹੈ। ਇਕ ਗਲਾਸ ਕੋਸੇ ਪਾਣੀ 'ਚ ਅੱਧਾ ਨਿੰਬੂ ਨਿਚੋੜ ਕੇ ਅਤੇ ਇਕ ਚਮਚ ਸ਼ਹਿਦ ਮਿਲਾ ਕੇ ਸਵੇਰੇ ਖਾਲੀ ਪੇਟ ਪੀਣ ਨਾਲ ਬੇਸਲ ਮੈਟਾਬੋਲਿਕ ਰੇਟ ਵਧਦਾ ਹੈ ਅਤੇ ਪਾਚਨ ਤੰਤਰ ਸਾਫ਼ ਹੁੰਦਾ ਹੈ।

ਦਾਲਚੀਨੀ ਅਤੇ ਸ਼ਹਿਦ ਦਾ ਮੇਲ
- ਦਾਲਚੀਨੀ ਸ਼ੂਗਰ ਲੈਵਲ ਨੂੰ ਕੰਟਰੋਲ ਕਰਦੀ ਹੈ ਅਤੇ ਸ਼ਹਿਦ ਮੈਟਾਬੋਲਿਜ਼ਮ ਵਧਾਉਂਦਾ ਹੈ। ਇਕ ਗਲਾਸ ਪਾਣੀ 'ਚ ਅੱਧਾ ਚਮਚ ਦਾਲਚੀਨੀ ਪਾਊਡਰ ਉਬਾਲੋ, ਫਿਰ ਪਾਣੀ ਦੇ ਕੋਸਾ ਹੋਣ 'ਤੇ ਇੱਕ ਚਮਚ ਸ਼ਹਿਦ ਮਿਲਾ ਕੇ ਰਾਤ ਨੂੰ ਸੌਣ ਤੋਂ ਪਹਿਲਾਂ ਜਾਂ ਸਵੇਰੇ ਨਾਸ਼ਤੇ ਤੋਂ ਅੱਧਾ ਘੰਟਾ ਪਹਿਲਾਂ ਲਓ।

ਲਸਣ ਅਤੇ ਸ਼ਹਿਦ
- ਇਹ ਸੁਮੇਲ ਭਾਰ ਨੂੰ ਘਟਾਉਣ ਅਤੇ ਕੋਲੇਸਟ੍ਰੋਲ ਨੂੰ ਘੱਟ ਕਰਨ ਲਈ ਬਹੁਤ ਸ਼ਕਤੀਸ਼ਾਲੀ ਹੈ। ਲਸਣ ਦੀ ਇਕ ਕਲੀ ਨੂੰ ਕੁੱਟ ਕੇ ਇਕ ਚਮਚ ਸ਼ਹਿਦ 'ਚ ਮਿਲਾ ਕੇ ਸਵੇਰੇ ਖਾਲੀ ਪੇਟ ਲੈਣ ਨਾਲ ਫਾਇਦਾ ਹੁੰਦਾ ਹੈ।

ਵਰਤੋਂ ਦੌਰਾਨ ਰੱਖੋ ਇਹ ਸਾਵਧਾਨੀਆਂ :- 

- ਕਦੇ ਵੀ ਉਬਲਦੇ ਹੋਏ ਪਾਣੀ 'ਚ ਸ਼ਹਿਦ ਨਾ ਮਿਲਾਓ। ਬਹੁਤ ਜ਼ਿਆਦਾ ਗਰਮ ਪਾਣੀ ਸ਼ਹਿਦ ਦੇ ਪੋਸ਼ਕ ਤੱਤਾਂ ਨੂੰ ਖਤਮ ਕਰ ਦਿੰਦਾ ਹੈ ਅਤੇ ਇਹ ਸਰੀਰ ਲਈ ਨੁਕਸਾਨਦੇਹ ਹੋ ਸਕਦਾ ਹੈ। ਪਾਣੀ ਹਮੇਸ਼ਾ ਕੋਸਾ ਰੱਖੋ।

- ਸ਼ਹਿਦ 'ਚ ਕੈਲੋਰੀ ਹੁੰਦੀ ਹੈ, ਇਸ ਲਈ ਦਿਨ ਭਰ 'ਚ 1-2 ਚਮਚ ਤੋਂ ਵੱਧ ਸੇਵਨ ਨਾ ਕਰੋ।

- ਹਮੇਸ਼ਾ ਆਰਗੈਨਿਕ ਜਾਂ ਕੱਚੇ ਸ਼ਹਿਦ ਦੀ ਵਰਤੋਂ ਕਰਨ ਦੀ ਕੋਸ਼ਿਸ਼ ਕਰੋ ਅਤੇ ਪ੍ਰੋਸੈਸਡ ਸ਼ੂਗਰ ਵਾਲੇ ਸ਼ਹਿਦ ਤੋਂ ਬਚੋ।

 ਨੋਟ :-  ਕਿਸੇ ਵੀ ਖੁਰਾਕ ਵਿੱਚ ਬਦਲਾਅ ਕਰਨ ਜਾਂ ਨਵਾਂ ਫਿਟਨੈਸ ਪ੍ਰੋਗਰਾਮ ਸ਼ੁਰੂ ਕਰਨ ਤੋਂ ਪਹਿਲਾਂ ਆਪਣੇ ਡਾਕਟਰ ਦੀ ਸਲਾਹ ਜ਼ਰੂਰ ਲਓ।