ਤੁਸੀਂ ਵੀ ਹੋ ਪਨੀਰ ਖਾਣ ਦੇ ਸ਼ੌਕੀਨ ਤਾਂ ਹੋ ਜਾਓ ਸਾਵਧਾਨ! ਹੋਸ਼ ਉਡਾ ਦੇਵੇਗਾ ਇਹ ਪੂਰਾ ਮਾਮਲਾ

ਸੂਰਤ : ਜੇਕਰ ਤੁਸੀਂ ਬਾਹਰ ਹੋਟਲਾਂ ਜਾਂ ਰੇਹੜੀਆਂ 'ਤੇ ਪਨੀਰ ਭੁਰਜੀ ਜਾਂ ਪਨੀਰ ਟਿੱਕਾ ਖਾਣ ਦੇ ਸ਼ੌਕੀਨ ਹੋ, ਤਾਂ ਇਹ ਖ਼ਬਰ ਤੁਹਾਡੇ ਹੋਸ਼ ਉਡਾ ਸਕਦੀ ਹੈ। ਗੁਜਰਾਤ ਦੇ ਸੂਰਤ ਦੇ ਪਾਂਡੇਸਰਾ ਇਲਾਕੇ ਵਿੱਚ ਫੂਡ ਵਿਭਾਗ ਨੇ ਇੱਕ ਅਜਿਹੀ ਫੈਕਟਰੀ ਦਾ ਪਰਦਾਫਾਸ਼ ਕੀਤਾ ਹੈ, ਜਿੱਥੇ ਦੁੱਧ ਤੋਂ ਨਹੀਂ ਸਗੋਂ ਖ਼ਤਰਨਾਕ ਕੈਮੀਕਲ ਅਤੇ ਘਟੀਆ ਤੇਲ ਨਾਲ 'ਨਕਲੀ ਪਨੀਰ' ਤਿਆਰ ਕੀਤਾ ਜਾ ਰਿਹਾ ਸੀ। ਲੈਬ ਦੀ ਰਿਪੋਰਟ ਵਿੱਚ ਇਸ ਪਨੀਰ ਨੂੰ 'ਸਬ-ਸਟੈਂਡਰਡ' ਅਤੇ ਸਿਹਤ ਲਈ ਬੇਹੱਦ ਘਾਤਕ ਐਲਾਨਿਆ ਗਿਆ ਹੈ।

ਇਹ ਵੀ ਪੜ੍ਹੋ - ਹੁਣ ਬਿਨਾਂ ਕੁਨੈਕਸ਼ਨ ਦੇ ਵੀ ਮਿਲੇਗਾ ਗੈਸ ਸਿਲੰਡਰ! ਕਿੱਲਤ ਵਿਚਾਲੇ ਦਿੱਲੀ ਸਰਕਾਰ ਦਾ ਵੱਡਾ ਫ਼ੈਸਲਾ

ਦੁੱਧ ਦੀ ਥਾਂ ਇੰਡਸਟ੍ਰੀਅਲ ਐਸਿਡ ਅਤੇ ਪਾਮੋਲਿਨ ਤੇਲ ਦੀ ਵਰਤੋਂ
ਫੂਡ ਸੇਫਟੀ ਅਫ਼ਸਰ ਅਨੁਸਾਰ, ਪਾਂਡੇਸਰਾ ਦੀ ਭੀੜਭੰਜਨ ਸੁਸਾਇਟੀ ਤੋਂ ਜ਼ਬਤ ਕੀਤੇ ਗਏ ਪਨੀਰ ਦੇ ਸੈਂਪਲ ਫੇਲ੍ਹ ਹੋ ਗਏ ਹਨ। ਜਾਂਚ ਵਿੱਚ ਸਾਹਮਣੇ ਆਇਆ ਹੈ ਕਿ ਇਹ ਅਸਲੀ ਪਨੀਰ ਨਹੀਂ ਬਲਕਿ 'ਐਨਾਲਾਗ ਪਨੀਰ' ਸੀ। ਇਸ ਨੂੰ ਬਣਾਉਣ ਲਈ ਕੁਦਰਤੀ ਮਿਲਕ ਫੈਟ ਦੀ ਜਗ੍ਹਾ ਪਾਮੋਲਿਨ ਤੇਲ ਅਤੇ ਮਿਲਕ ਸੋਲਿਡ ਪਾਊਡਰ ਵਰਗੇ ਖ਼ਤਰਨਾਕ ਚੀਜ਼ਾਂ ਦੀ ਵਰਤੋਂ ਕੀਤੀ ਜਾ ਰਹੀ ਸੀ। ਸਭ ਤੋਂ ਹੈਰਾਨੀਜਨਕ ਗੱਲ ਇਹ ਹੈ ਕਿ ਦੁੱਧ ਫਾੜਨ ਲਈ ਨਿੰਬੂ ਜਾਂ ਸਾਈਟ੍ਰਿਕ ਐਸਿਡ ਦੀ ਬਜਾਏ ਫੈਕਟਰੀਆਂ ਵਿੱਚ ਵਰਤੇ ਜਾਣ ਵਾਲੇ ਤੇਜ਼ਾਬ (ਇੰਡਸਟ੍ਰੀਅਲ ਐਸਿਡ) ਦੀ ਵਰਤੋਂ ਕੀਤੀ ਜਾਂਦੀ ਸੀ।

ਇਹ ਵੀ ਪੜ੍ਹੋ - ਰੂਹ ਕੰਬਾਊ ਹਾਦਸਾ: ਖੂਹ 'ਚ ਡਿੱਗੀ ਕਾਰ, 6 ਜਵਾਕਾਂ ਸਣੇ ਇੱਕੋ ਪਰਿਵਾਰ ਦੇ 9 ਜੀਆਂ ਦੀ ਮੌਤ

ਇਸ ਸਬੰਧ ਵਿਚ ਡਾਕਟਰਾਂ ਨੇ ਚੇਤਾਵਨੀ ਦਿੱਤੀ ਕਿ ਅਜਿਹੇ ਨਕਲੀ ਪਨੀਰ ਦੇ ਸੇਵਨ ਨਾਲ ਕਿਡਨੀ ਫੇਲ੍ਹ ਹੋ ਸਕਦੀ ਹੈ ਅਤੇ ਅੰਤੜੀਆਂ ਦਾ ਕੈਂਸਰ ਵਰਗੀਆਂ ਜਾਨਲੇਵਾ ਬਿਮਾਰੀਆਂ ਲੱਗ ਸਕਦੀਆਂ ਹਨ। ਮੁੱਖ ਮੁਲਜ਼ਮ ਪਿਛਲੇ 2 ਸਾਲਾਂ ਤੋਂ ਇਹ ਨੈੱਟਵਰਕ ਚਲਾ ਰਿਹਾ ਸੀ, ਜਿਸ ਲਈ ਉਸ ਨੇ ਮਹਾਰਾਸ਼ਟਰ ਦੇ ਪਤੇ 'ਤੇ FSSAI ਲਾਇਸੰਸ ਬਣਵਾਇਆ ਹੋਇਆ ਸੀ। ਨਕਲੀ ਪਨੀਰ ਬਣਾਉਣ ਲਈ ਮੁਲਜ਼ਮ ਨੇ 28 ਲੱਖ ਰੁਪਏ ਦੀਆਂ ਹਾਈਟੈਕ ਮਸ਼ੀਨਾਂ ਲਗਾਈਆਂ ਸਨ ਅਤੇ ਰੋਜ਼ਾਨਾ 400 ਕਿੱਲੋ ਨਕਲੀ ਪਨੀਰ ਤਿਆਰ ਕਰਦਾ ਸੀ।

ਇਹ ਵੀ ਪੜ੍ਹੋ - ਸ਼ਰਾਬ ਦੇ ਸ਼ੌਕੀਨ ਸਾਵਧਾਨ! ਹੁਣ ਬਿਨਾਂ QR ਕੋਡ ਨਹੀਂ ਵਿਕੇਗੀ ਬੋਤਲ, ਇਸ ਸੂਬੇ 'ਚ ਜਾਰੀ ਹੁਕਮ

ਅੱਧੀ ਕੀਮਤ 'ਤੇ ਸਪਲਾਈ
ਬਾਜ਼ਾਰ ਵਿੱਚ ਜਿੱਥੇ ਅਸਲੀ ਪਨੀਰ ਦੀ ਲਾਗਤ ਹੀ 380 ਰੁਪਏ ਪ੍ਰਤੀ ਕਿੱਲੋ ਆਉਂਦੀ ਹੈ ਅਤੇ ਇਹ 400-450 ਰੁਪਏ ਵਿੱਚ ਵਿਕਦਾ ਹੈ, ਉੱਥੇ ਹੀ ਇਹ ਗਿਰੋਹ ਇਸ ਜ਼ਹਿਰੀਲੇ ਪਨੀਰ ਨੂੰ ਸਿਰਫ਼ 180 ਤੋਂ 220 ਰੁਪਏ ਵਿੱਚ ਵੇਚ ਰਿਹਾ ਸੀ। ਇਹ ਪਨੀਰ ਜ਼ਿਆਦਾਤਰ ਛੋਟੀਆਂ ਡੇਅਰੀਆਂ, ਰੇਹੜੀ-ਫੜੀ ਵਾਲਿਆਂ ਅਤੇ ਸਸਤੇ ਹੋਟਲਾਂ ਵਿੱਚ ਸਪਲਾਈ ਕੀਤਾ ਜਾਂਦਾ ਸੀ। ਪ੍ਰਸ਼ਾਸਨ ਨੇ ਇਸ ਰਿਪੋਰਟ ਦੇ ਆਧਾਰ 'ਤੇ ਹੁਣ ਮੁਲਜ਼ਮਾਂ ਖ਼ਿਲਾਫ਼ ਸਖ਼ਤ ਕਾਨੂੰਨੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।

ਇਹ ਵੀ ਪੜ੍ਹੋ - ਸਕੂਲਾਂ 'ਚ Mobile Phone Ban: ਦੁਨੀਆ ਭਰ ਦੇ 58% ਦੇਸ਼ਾਂ ਨੇ ਲਗਾਈਆਂ ਪਾਬੰਦੀਆਂ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e