ਕਰੋੜਾਂ ਐਂਡਰਾਇਡ ਫੋਨਾਂ ''ਤੇ ਬੰਦ ਹੋ ਜਾਵੇਗਾ WhatsApp ! ਦੇਖੋ ਕਿਤੇ ਇਸ List ''ਚ ਤੁਹਾਡਾ ਫੋਨ ਤਾਂ ਨਹੀਂ

ਗੈਜੇਟ ਡੈਸਕ : ਦੁਨੀਆ ਦੇ ਸਭ ਤੋਂ ਪ੍ਰਸਿੱਧ ਇੰਸਟੈਂਟ ਮੈਸੇਜਿੰਗ ਐਪ WhatsApp ਨੇ ਇੱਕ ਵੱਡਾ ਐਲਾਨ ਕੀਤਾ ਹੈ, ਜਿਸ ਦਾ ਅਸਰ ਕਰੋੜਾਂ ਉਪਭੋਗਤਾਵਾਂ 'ਤੇ ਪਵੇਗਾ। ਰਿਪੋਰਟਾਂ ਅਨੁਸਾਰ, 8 ਸਤੰਬਰ 2026 ਤੋਂ WhatsApp ਕੁਝ ਪੁਰਾਣੇ ਐਂਡਰਾਇਡ ਸਮਾਰਟਫੋਨਾਂ 'ਤੇ ਕੰਮ ਕਰਨਾ ਬੰਦ ਕਰ ਦੇਵੇਗਾ। ਕੰਪਨੀ ਆਪਣੇ ਸਿਸਟਮ ਨੂੰ ਅਪਡੇਟ ਕਰ ਰਹੀ ਹੈ, ਜਿਸ ਕਾਰਨ ਪੁਰਾਣੇ ਆਪਰੇਟਿੰਗ ਸਿਸਟਮ ਵਾਲੇ ਫੋਨ ਇਸ ਸਪੋਰਟ ਤੋਂ ਬਾਹਰ ਹੋ ਜਾਣਗੇ।

ਕਿਹੜੇ ਫੋਨਾਂ 'ਤੇ ਪਵੇਗਾ ਅਸਰ?
 WhatsApp ਨੇ ਸਪੱਸ਼ਟ ਕੀਤਾ ਹੈ ਕਿ ਉਹ ਸਮਾਰਟਫੋਨ ਜੋ Android 6.0 ਤੋਂ ਪੁਰਾਣੇ ਵਰਜ਼ਨ 'ਤੇ ਚੱਲ ਰਹੇ ਹਨ, ਉਨ੍ਹਾਂ 'ਤੇ 8 ਸਤੰਬਰ ਤੋਂ ਇਹ ਐਪ ਨਹੀਂ ਚੱਲੇਗੀ। ਇਸ ਦਾ ਮਤਲਬ ਹੈ ਕਿ ਜਿਨ੍ਹਾਂ ਫੋਨਾਂ ਵਿੱਚ Android 5.0 ਜਾਂ 5.1 ਹੈ, ਉੱਥੇ WhatsApp ਪੂਰੀ ਤਰ੍ਹਾਂ ਬੰਦ ਹੋ ਜਾਵੇਗਾ। ਖਾਸ ਤੌਰ 'ਤੇ Samsung Galaxy S4, Nexus 4, ਅਤੇ LG G2 ਵਰਗੇ ਪੁਰਾਣੇ ਮਾਡਲ ਪਹਿਲਾਂ ਹੀ ਇਸ ਸੂਚੀ ਵਿੱਚ ਸ਼ਾਮਲ ਹਨ ਜਾਂ ਜਲਦ ਹੀ ਬਾਹਰ ਹੋ ਜਾਣਗੇ।

ਕਿਉਂ ਲਿਆ ਗਿਆ ਇਹ ਫੈਸਲਾ? 
ਕੰਪਨੀ ਦਾ ਕਹਿਣਾ ਹੈ ਕਿ ਐਪ ਨੂੰ ਸੁਰੱਖਿਅਤ ਅਤੇ ਤੇਜ਼ ਬਣਾਈ ਰੱਖਣ ਲਈ ਇਹ ਕਦਮ ਜ਼ਰੂਰੀ ਹੈ। ਪੁਰਾਣੇ ਆਪਰੇਟਿੰਗ ਸਿਸਟਮਾਂ ਵਿੱਚ ਨਵੇਂ ਫੀਚਰ ਠੀਕ ਤਰ੍ਹਾਂ ਕੰਮ ਨਹੀਂ ਕਰਦੇ ਅਤੇ ਉਨ੍ਹਾਂ ਵਿੱਚ ਸੁਰੱਖਿਆ (Security) ਦਾ ਖਤਰਾ ਵੀ ਜ਼ਿਆਦਾ ਹੁੰਦਾ ਹੈ, ਜਿਸ ਨਾਲ ਹੈਕਿੰਗ ਜਾਂ ਡੇਟਾ ਚੋਰੀ ਦੀ ਸੰਭਾਵਨਾ ਬਣੀ ਰਹਿੰਦੀ ਹੈ। ਹੁਣ WhatsApp ਸਿਰਫ਼ ਉਨ੍ਹਾਂ ਡਿਵਾਈਸਾਂ ਨੂੰ ਸਪੋਰਟ ਕਰੇਗਾ ਜੋ Android 6.0 ਜਾਂ ਉਸ ਤੋਂ ਉੱਪਰ ਦੇ ਹਨ।

ਉਪਭੋਗਤਾ ਹੁਣ ਕੀ ਕਰਨ?
 ਜੇਕਰ ਤੁਸੀਂ ਵੀ ਪੁਰਾਣਾ ਫੋਨ ਵਰਤ ਰਹੇ ਹੋ, ਤਾਂ ਤੁਹਾਨੂੰ ਜਲਦ ਹੀ WhatsApp ਵੱਲੋਂ ਇੱਕ ਨੋਟੀਫਿਕੇਸ਼ਨ ਮਿਲ ਸਕਦਾ ਹੈ। ਬਚਾਅ ਲਈ ਉਪਭੋਗਤਾਵਾਂ ਕੋਲ ਦੋ ਹੀ ਰਸਤੇ ਹਨ:
1.ਜੇਕਰ ਸੰਭਵ ਹੋਵੇ, ਤਾਂ ਆਪਣੇ ਫੋਨ ਨੂੰ Android 6.0 ਜਾਂ ਇਸ ਤੋਂ ਉੱਪਰ ਦੇ ਵਰਜ਼ਨ 'ਤੇ ਅਪਡੇਟ ਕਰੋ।
2.ਜੇਕਰ ਤੁਹਾਡਾ ਫੋਨ ਅਪਡੇਟ ਨਹੀਂ ਹੋ ਸਕਦਾ, ਤਾਂ ਤੁਹਾਨੂੰ WhatsApp ਵਰਤਣ ਲਈ ਨਵਾਂ ਫੋਨ ਲੈਣਾ ਪਵੇਗਾ। ਕੰਪਨੀ ਨੇ ਸਲਾਹ ਦਿੱਤੀ ਹੈ ਕਿ ਆਪਣੀ ਚੈਟ ਦਾ ਬੈਕਅੱਪ ਜ਼ਰੂਰ ਲੈ ਲਓ ਤਾਂ ਜੋ ਤੁਹਾਡਾ ਡੇਟਾ ਸੁਰੱਖਿਅਤ ਰਹੇ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Whatsapp Channel: https://whatsapp.com/channel/0029Va94hsaHAdNVur4L170e