OnePlus ਯੂਜ਼ਰਸ ਨੂੰ ਵੱਡਾ ਝਟਕਾ! Nord 6 ਦੀਆਂ ਕੀਮਤਾਂ ''ਚ ਹੋਇਆ ਭਾਰੀ ਵਾਧਾ

ਟੈਕ ਡੈਸਕ : ਵਨਪਲੱਸ ਨੇ ਭਾਰਤ ਵਿੱਚ ਆਪਣੇ ਹਾਲ ਹੀ ਵਿੱਚ ਲਾਂਚ ਹੋਏ ਸਮਾਰਟਫੋਨ OnePlus Nord 6 ਦੀ ਕੀਮਤ ਵਿੱਚ ਅਚਾਨਕ ਵਾਧਾ ਕਰਕੇ ਗਾਹਕਾਂ ਨੂੰ ਹੈਰਾਨ ਕਰ ਦਿੱਤਾ ਹੈ। ਕੰਪਨੀ ਨੇ ਫੋਨ ਦੇ ਦੋਵਾਂ ਵੇਰੀਐਂਟਸ ਦੀਆਂ ਕੀਮਤਾਂ ਵਿੱਚ 5,000 ਰੁਪਏ ਤੱਕ ਦਾ ਸਿੱਧਾ ਇਜ਼ਾਫਾ ਕਰ ਦਿੱਤਾ ਹੈ। ਇਹ ਨਵੀਆਂ ਕੀਮਤਾਂ ਆਨਲਾਈਨ ਪਲੇਟਫਾਰਮਾਂ 'ਤੇ ਲਾਗੂ ਹੋ ਚੁੱਕੀਆਂ ਹਨ।

ਹੁਣ ਇੰਨੀ ਹੋਵੇਗੀ ਕੀਮਤ
ਇਸ ਵਾਧੇ ਤੋਂ ਬਾਅਦ OnePlus Nord 6 ਹੁਣ ਪਹਿਲਾਂ ਨਾਲੋਂ ਜ਼ਿਆਦਾ ਪ੍ਰੀਮੀਅਮ ਪ੍ਰਾਈਸ ਕੈਟਾਗਰੀ ਵਿੱਚ ਪਹੁੰਚ ਗਿਆ ਹੈ। 8GB ਰੈਮ + 256GB ਸਟੋਰੇਜ ਵਾਲੇ ਮਾਡਲ ਦੀ ਕੀਮਤ 38,999 ਰੁਪਏ ਤੋਂ ਵਧ ਕੇ ਹੁਣ 41,999 ਰੁਪਏ ਹੋ ਗਈ ਹੈ। 12GB ਰੈਮ + 256GB ਸਟੋਰੇਜ ਵਾਲੇ ਵੇਰੀਐਂਟ ਦੀ ਕੀਮਤ 41,999 ਰੁਪਏ ਤੋਂ ਵਧ ਕੇ ਹੁਣ 46,999 ਰੁਪਏ ਤੱਕ ਪਹੁੰਚ ਗਈ ਹੈ। 
ਇਹ ਨਵੀਆਂ ਕੀਮਤਾਂ ਐਮਾਜ਼ਾਨ ਅਤੇ ਵਨਪਲੱਸ ਇੰਡੀਆ ਦੀ ਵੈੱਬਸਾਈਟ 'ਤੇ ਅਪਡੇਟ ਕਰ ਦਿੱਤੀਆਂ ਗਈਆਂ ਹਨ।

ਕੀਮਤ ਵਧਣ ਦਾ ਕਾਰਨ
ਹਾਲਾਂਕਿ ਕੰਪਨੀ ਵੱਲੋਂ ਕੀਮਤ ਵਧਾਉਣ ਦਾ ਕੋਈ ਅਧਿਕਾਰਤ ਕਾਰਨ ਨਹੀਂ ਦੱਸਿਆ ਗਿਆ ਹੈ, ਪਰ ਰਿਪੋਰਟਾਂ ਮੁਤਾਬਕ ਮੈਮੋਰੀ ਅਤੇ ਸਟੋਰੇਜ ਕੰਪੋਨੈਂਟ ਦੀ ਵਧਦੀ ਲਾਗਤ ਇਸ ਦਾ ਵੱਡਾ ਕਾਰਨ ਹੋ ਸਕਦੀ ਹੈ। 

ਫੋਨ ਦੇ ਦਮਦਾਰ ਫੀਚਰਸ
ਕੀਮਤ ਵਧਣ ਦੇ ਬਾਵਜੂਦ, ਇਹ ਸਮਾਰਟਫੋਨ ਆਪਣੇ ਫਲੈਗਸ਼ਿਪ ਵਰਗੇ ਫੀਚਰਸ ਕਾਰਨ ਚਰਚਾ ਵਿੱਚ ਹੈ। ਇਸ ਵਿੱਚ 9000mAh ਦੀ ਵੱਡੀ ਸਿਲੀਕਾਨ ਕਾਰਬਨ ਬੈਟਰੀ ਦਿੱਤੀ ਗਈ ਹੈ, ਜੋ 80W ਫਾਸਟ ਚਾਰਜਿੰਗ ਨੂੰ ਸਪੋਰਟ ਕਰਦੀ ਹੈ। ਫੋਨ ਵਿੱਚ 6.78 ਇੰਚ ਦੀ AMOLED ਡਿਸਪਲੇਅ ਹੈ, ਜੋ 165Hz ਰਿਫ੍ਰੈਸ਼ ਰੇਟ ਅਤੇ 3600 ਨਿਟਸ ਪੀਕ ਬ੍ਰਾਈਟਨੈੱਸ ਨਾਲ ਆਉਂਦੀ ਹੈ। ਇਹ ਡਿਵਾਈਸ Qualcomm Snapdragon 8s Gen 4 ਪ੍ਰੋਸੈਸਰ 'ਤੇ ਚੱਲਦਾ ਹੈ। ਫੋਟੋਗ੍ਰਾਫੀ ਲਈ 50MP ਦਾ Sony LYT-600 ਪ੍ਰਾਇਮਰੀ ਕੈਮਰਾ (OIS ਸਪੋਰਟ) ਅਤੇ 32MP ਦਾ ਫਰੰਟ ਕੈਮਰਾ ਦਿੱਤਾ ਗਿਆ ਹੈ। ਪਾਣੀ ਅਤੇ ਧੂੜ ਤੋਂ ਬਚਾਅ ਲਈ ਇਸਨੂੰ IP66, IP68 ਅਤੇ IP69 ਵਰਗੀਆਂ ਰੇਟਿੰਗਾਂ ਮਿਲੀਆਂ ਹਨ।

ਦੱਸ ਦੇਈਏ ਕਿ ਵਨਪਲੱਸ ਨੇ ਇਸ ਫੋਨ ਲਈ 4 ਵੱਡੇ ਐਂਡਰਾਇਡ ਅਪਡੇਟਸ ਅਤੇ 6 ਸਾਲਾਂ ਤੱਕ ਸੁਰੱਖਿਆ ਅਪਡੇਟਸ ਦੇਣ ਦਾ ਵਾਦਾ ਵੀ ਕੀਤਾ ਹੈ। ਸਮਾਰਟਫੋਨ ਇੰਡਸਟਰੀ ਵਿੱਚ ਕੀਮਤਾਂ ਵਧਾਉਣ ਦਾ ਇਹ ਟ੍ਰੈਂਡ ਹੋਰ ਕੰਪਨੀਆਂ ਵਿੱਚ ਵੀ ਦੇਖਣ ਨੂੰ ਮਿਲ ਰਿਹਾ ਹੈ।