Apple ਜਾਣਬੁੱਝ ਕੇ ਸਲੋਅ ਕਰ ਰਿਹਾ ਹੈ ਤੁਹਾਡਾ iPhone ! ਸਾਬਕਾ ਇੰਜੀਨੀਅਰ ਦੇ ਖੁਲਾਸੇ ਨੇ ਮਚਾਇਆ ਹੰਗਾਮਾ

ਇੰਟਰਨੈਸ਼ਨਲ ਡੈਸਕ : ਤਕਨਾਲੋਜੀ ਦੀ ਦਿੱਗਜ ਕੰਪਨੀ ਐਪਲ (Apple) ਇੱਕ ਵਾਰ ਫਿਰ ਗੰਭੀਰ ਵਿਵਾਦਾਂ ਦੇ ਘੇਰੇ ਵਿੱਚ ਆ ਗਈ ਹੈ। ਕੰਪਨੀ ਦੇ ਇੱਕ ਸਾਬਕਾ ਸੌਫਟਵੇਅਰ ਇੰਜੀਨੀਅਰ ਨੇ ਸੋਸ਼ਲ ਮੀਡੀਆ 'ਤੇ ਹੈਰਾਨ ਕਰਨ ਵਾਲਾ ਦਾਅਵਾ ਕੀਤਾ ਹੈ ਕਿ ਐਪਲ ਜਾਣਬੁੱਝ ਕੇ ਪੁਰਾਣੇ ਆਈਫੋਨਜ਼ ਨੂੰ ਹੌਲੀ (Slow) ਕਰਨ ਦਾ ਕੰਮ ਕਰਦਾ ਹੈ, ਤਾਂ ਜੋ ਗਾਹਕਾਂ ਨੂੰ ਨਵੇਂ ਮਾਡਲ ਖਰੀਦਣ ਲਈ ਮਜ਼ਬੂਰ ਕੀਤਾ ਜਾ ਸਕੇ।

ਕੀ ਹੈ ਪੂਰਾ ਮਾਮਲਾ ਅਤੇ ਇਲਜ਼ਾਮ? 
ਸਾਬਕਾ ਇੰਜੀਨੀਅਰ ਅਨੁਸਾਰ, ਜਦੋਂ ਵੀ ਐਪਲ ਬਾਜ਼ਾਰ ਵਿੱਚ ਆਪਣਾ ਕੋਈ ਨਵਾਂ ਆਈਫੋਨ ਲਾਂਚ ਕਰਦਾ ਹੈ, ਤਾਂ ਕੰਪਨੀ ਪੁਰਾਣੇ ਮਾਡਲਾਂ ਲਈ ਇੱਕ ਨਵਾਂ ਸੌਫਟਵੇਅਰ ਅਪਡੇਟ ਜਾਰੀ ਕਰਦੀ ਹੈ। ਇੰਜੀਨੀਅਰ ਦਾ ਦੋਸ਼ ਹੈ ਕਿ ਇਸ ਅਪਡੇਟ ਵਿੱਚ 'ਮਾਲਵੇਅਰ' ਵਰਗਾ ਕੋਡ ਹੁੰਦਾ ਹੈ, ਜੋ ਪੁਰਾਣੇ ਫੋਨਾਂ ਦੀ ਕਾਰਗੁਜ਼ਾਰੀ (Performance) ਨੂੰ ਜਾਣਬੁੱਝ ਕੇ ਘਟਾ ਦਿੰਦਾ ਹੈ। ਇਸ ਰਣਨੀਤੀ ਦਾ ਮੁੱਖ ਮਕਸਦ ਯੂਜ਼ਰਸ ਨੂੰ ਨਵਾਂ ਫੋਨ ਖਰੀਦਣ ਲਈ ਉਤਸ਼ਾਹਿਤ ਕਰਨਾ ਹੁੰਦਾ ਹੈ।

Former software engineer at Apple is whistleblowing

She says whenever Apple launches a new phone, they would push an update to older iPhones with malware to slow them down. This pushes people to upgrade

“I used to be a software engineer at Apple, and with every new phone that… pic.twitter.com/SSeTQGXvUp

— Wall Street Apes (@WallStreetApes) May 6, 2026

ਸਾਲ 2017 ਦਾ ਇਤਿਹਾਸ ਦੁਹਰਾਉਣ ਦਾ ਖਦਸ਼ਾ 
ਇਹ ਪਹਿਲੀ ਵਾਰ ਨਹੀਂ ਹੈ ਜਦੋਂ ਐਪਲ 'ਤੇ ਅਜਿਹੇ ਇਲਜ਼ਾਮ ਲੱਗੇ ਹਨ। ਸਾਲ 2017 ਵਿੱਚ ਵੀ iOS 10.2.1 ਅਪਡੇਟ ਤੋਂ ਬਾਅਦ ਆਈਫੋਨ 6 ਦੇ ਯੂਜ਼ਰਸ ਨੇ ਸ਼ਿਕਾਇਤ ਕੀਤੀ ਸੀ ਕਿ ਉਨ੍ਹਾਂ ਦੇ ਫੋਨ ਬਾਰ-ਬਾਰ ਬੰਦ ਹੋ ਰਹੇ ਹਨ ਅਤੇ ਬਹੁਤ ਹੌਲੀ ਚੱਲ ਰਹੇ ਹਨ। ਉਸ ਸਮੇਂ ਵੀ ਕੰਪਨੀ 'ਤੇ ਜਾਣਬੁੱਝ ਕੇ ਪਰਫਾਰਮੈਂਸ ਘਟਾਉਣ ਦੇ ਦੋਸ਼ ਲੱਗੇ ਸਨ, ਜਿਸ ਤੋਂ ਬਾਅਦ ਐਪਲ ਨੂੰ ਕਈ ਯੂਜ਼ਰਸ ਦੀਆਂ ਬੈਟਰੀਆਂ ਮੁਫਤ ਬਦਲਣੀਆਂ ਪਈਆਂ ਸਨ ਅਤੇ ਕਾਨੂੰਨੀ ਕਾਰਵਾਈ ਦਾ ਸਾਹਮਣਾ ਵੀ ਕਰਨਾ ਪਿਆ ਸੀ।

ਤਕਨੀਕੀ ਮਾਹਿਰਾਂ ਦੀ ਰਾਏ 
ਤਕਨੀਕੀ ਜਾਣਕਾਰਾਂ ਦਾ ਮੰਨਣਾ ਹੈ ਕਿ ਆਈਫੋਨ ਵਿੱਚ ਵਰਤੀ ਜਾਣ ਵਾਲੀ ਲਿਥੀਅਮ-ਆਇਨ ਬੈਟਰੀ ਦੀ ਉਮਰ ਲਗਭਗ 3 ਸਾਲ ਹੁੰਦੀ ਹੈ। ਇਸ ਸਮੇਂ ਤੋਂ ਬਾਅਦ ਬੈਟਰੀ ਦੀ ਸਮਰੱਥਾ 80% ਤੱਕ ਡਿੱਗ ਜਾਂਦੀ ਹੈ। ਜਦੋਂ ਕੰਪਨੀ ਕੋਈ ਭਾਰੀ ਸੌਫਟਵੇਅਰ ਅਪਡੇਟ ਭੇਜਦੀ ਹੈ, ਤਾਂ ਫੋਨ ਦੇ ਪ੍ਰੋਸੈਸਰ ਨੂੰ ਜ਼ਿਆਦਾ ਪਾਵਰ ਦੀ ਲੋੜ ਹੁੰਦੀ ਹੈ, ਜਿਸ ਨੂੰ ਪੁਰਾਣੀ ਬੈਟਰੀ ਪ੍ਰਦਾਨ ਨਹੀਂ ਕਰ ਪਾਉਂਦੀ। ਨਤੀਜੇ ਵਜੋਂ, ਫੋਨ ਜਾਂ ਤਾਂ ਅਚਾਨਕ ਬੰਦ ਹੋ ਜਾਂਦਾ ਹੈ ਜਾਂ ਫਿਰ ਬਹੁਤ ਹੌਲੀ ਚੱਲਣ ਲੱਗਦਾ ਹੈ।

ਯੂਜ਼ਰਸ ਵਿੱਚ ਗੁੱਸਾ ਅਤੇ ਐਪਲ ਦੀ ਚੁੱਪ 
ਇਸ ਤਾਜ਼ਾ ਖੁਲਾਸੇ ਤੋਂ ਬਾਅਦ ਦੁਨੀਆ ਭਰ ਦੇ ਆਈਫੋਨ ਯੂਜ਼ਰਸ ਵਿੱਚ ਭਾਰੀ ਗੁੱਸਾ ਦੇਖਿਆ ਜਾ ਰਿਹਾ ਹੈ। ਸੋਸ਼ਲ ਮੀਡੀਆ 'ਤੇ ਇਸ ਗੱਲ 'ਤੇ ਬਹਿਸ ਤੇਜ਼ ਹੋ ਗਈ ਹੈ ਕਿ ਕੀ ਕੰਪਨੀਆਂ ਆਪਣੀ ਵਿਕਰੀ ਵਧਾਉਣ ਲਈ ਅਜਿਹੀਆਂ ਚਾਲਾਂ ਚੱਲਦੀਆਂ ਹਨ। ਹਾਲਾਂਕਿ, ਐਪਲ ਵੱਲੋਂ ਅਜੇ ਤੱਕ ਇਸ ਮਾਮਲੇ 'ਤੇ ਕੋਈ ਅਧਿਕਾਰਤ ਬਿਆਨ ਸਾਹਮਣੇ ਨਹੀਂ ਆਇਆ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Whatsapp Channel: https://whatsapp.com/channel/0029Va94hsaHAdNVur4L170e