ਲੈਪਟਾਪ ਖਰੀਦਣ ਸਮੇਂ ਰੱਖੋ ਇਨ੍ਹਾਂ ਗੱਲਾਂ ਦਾ ਖਾਸ ਧਿਆਨ

ਜਲੰਧਰ : ਲੈਪਟਾਪ ਰੋਜ਼ ਦੀ ਜਿੰਦਗੀ ਦਾ ਅਹਿਮ ਹਿੱਸਾ ਬਣ ਗਿਆ ਹੈ। ਜੇਕਰ ਤੁਸੀਂ ਘੱਟ ਕੀਮਤ ''ਚ ਚੰਗਾ ਲੈਪਟਾਪ ਖੋਜ਼ ਰਹੇ ਹੋ ਤਾਂ ਤੁਹਾਨੂੰ ਇਹ ਅਸਾਨੀ ਨਾਲ ਮਿਲ ਜਾਵੇਗਾ, ਪਰ ਤੁਸੀਂ ਬਿਹਤਰੀਨ ਲੈਪਟਾਪ ਖਰੀਦਣਾ ਚਾਹੁੰਦੇ ਹੋ ਤਾਂ ਇਸ ਦੇ ਲਈ ਤੁਹਾਨੂੰ ਇਸ ਦੇ ਬਾਰੇ ''ਚ ਪੂਰੀ ਜਾਣਕਾਰੀ ਹੋਣਾ ਜਰੂਰੀ ਹੈ, ਉਦੋਂ ਤੁਸੀਂ ਠੀਕ ਤਰਾਂ ਨਾਲ ਤੈਅ ਕਰ ਸਕੋਗੇ ਕਿ ਤੁਹਾਡੇ ਲਈ ਕਿਹੜਾ ਲੈਪਟਾਪ ਠੀਕ ਰਹੇਗਾ। ਇਸ ਗੱਲ ''ਤੇ ਧਿਆਨ ਦਿੰਦੇ ਹੋਏ ਅੱਜ ਅਸੀਂ ਤੁਹਾਡੇ ਲਈ ਅਜਿਹੇ ਟਿਪਸ ਲੈ ਕੇ ਆਏ ਹੋ ਜੋ ਤੁਹਾਨੂੰ ਠੀਕ ਲੈਪਟਾਪ ਖਰੀਦਣ ''ਚ ਮਦਦ ਕਰਣਗੇ।

ਬਿਹਤਰੀਨ ਲੈਪਟਾਪ ਖਰੀਦਣ ਦੇ ਟਿਪਸ -

ਪੋਰਟੇਬੀਲਿਟੀ : 
ਜੇਕਰ ਤੁਸੀਂ ਲਗਾਤਾਰ ਯਾਤਰਾ ਨਹੀਂ ਕਰ ਰਹੇ ਹੋ ਤਾਂ ਤੁਸੀਂ ਛੋਟਾ ਲੈਪਟਾਪ ਨਾ ਖਰੀਦੋ ਅਤੇ ਸਿਰਫ ਚੰਗੇ ਵੱਡੇ ਮਾਡਲ ਨੂੰ ਹੀ ਚੁਣੋ, ਜਿਸ ''ਚ ਵੱਡੀ ਸਕ੍ਰੀਨ (17 ਜਾਂ 18 ਇੰਚ) ਹੋਵੇ, ਵੱਖ ਨੰਬਰ ਕੀ-ਪੈਡ ਹੋ ਅਤੇ ਵੱਡੀ ਬੈਟਰੀ ਹੋਵੇਸ਼ ਫਿਰ ਇਹ ਠੀਕ ਫ਼ੈਸਲਾ ਸਾਬਤ ਹੋਵੇਗਾ।

ਪ੍ਰੋਸੈਸਰ  : 
ਮਸ਼ੀਨ ਦਾ ਪ੍ਰਦਰਸ਼ਨ ਕਾਫ਼ੀ ਹੱਦ ਤੱਕ ਸੀ. ਪੀ. ਯੂ ਦੀ ਪਰਫਾਰਮੇਂਸ ''ਤੇ ਹੀ ਨਿਰਭਰ ਕਰਦਾ ਹੈ। ਵੱਖ-ਵੱਖ ਫਾਰਮੇਟ ਦੇ ਮੀਡੀਆ ਦਾ ਇਸਤੇਮਾਲ ਕਰਨਾ ਚਾਹੁੰਦੇ ਹੋਂ ਤਾਂ ਤੁਹਾਨੂੰ ਓਨਾਂ ਹੀ ਸ਼ਕਤੀਸ਼ਾਲੀ ਪ੍ਰੋਸੈਸਰ (2.4GHz) ਦੀ ਜ਼ਰੂਰਤ ਪਵੇਗੀ। ਹਾਲਾਂਕਿ ਡੈਸਕਟਾਪ ਜਾਂ ਇੰਟਰਨੈੱਟ ਯੂਜ਼ ਲਈ ਤੁਸੀਂ ਮੱਧ ਰੇਂਜ ਦਾ ਪ੍ਰੋਸੈਸਰ (ਜਿਸ ਦੀ ਫਰੀਕਵੈਂਸੀ 2.4GHz) ਚੁਣ ਸਕਦੇ ਹੋ।

RAM  :
ਇਹ ਮੈਮਰੀ ਪ੍ਰੋਸੈਸਰ ''ਚ ਪ੍ਰੋਸੈਸਿੰਗ ਦੇ ਦੌਰਾਨ ਅਸਥਾਈ ਤਰੀਕੇ ਨਾਲ ਡਾਟਾ ਸਟੋਰ ਕਰਦੀ ਹੈ। ਤੁਹਾਨੂੰ ਦੱਸ ਦਈਏ ਕਿ ਰੈਮ ਦੀ ਸਮਰੱਥਾ ਜਿੰਨੀ ਜ਼ਿਆਦਾ ਹੋਵੇਗੀ ਪ੍ਰੋਸੈਸਰ ਡਾਟਾ ਨੂੰ ਓਨੀ ਹੀ ਜਲਦੀ ਪ੍ਰੋਸੈਸ ਕਰੇਗਾ। ਉਂਝ ਤਾਂ 1 ਜੀ. ਬੀ ਦੀ ਰੈਮ ਕਾਫੀ ਹੁੰਦੀ ਹੈ, ਪਰ ਤੁਸੀਂ 2 ਜੀ. ਬੀ ਰੈਮ ਵਾਲੇ ਪੀ. ਸੀ ਨੂੰ ਹੀ ਠੀਕ ਸਮਝੋ। 

ਸਟੋਰੇਜ਼ :
ਲੈਪਟਾਪ ''ਚ 500 ਜੀ. ਬੀ ਸਮਰੱਥਾ ਦੀ ਹਾਰਡ ਡਰਾਇਵ ਅਸਾਨੀ ਨਾਲ ਮਿਲ ਜਾਂਦੀ ਹੈ। ਤੁਹਾਨੂੰ ਦੱਸ ਦਈਏ ਕਿ ਸਟੋਰੇਜ਼ ਸਪੇਸ ਕਾਫ਼ੀ ਅਹਿਮ ਚੀਜ ਹੈ। ਕਿਸੇ ਵੀ ਡਿਵਾਇਸ ਨੂੰ ਖਰੀਦਣ ਤੋਂ ਪਹਿਲਾਂ ਸਾਨੂੰ ਇਹ ਤੈਅ ਕਰ ਲੈਣਾ ਚਾਹੀਦਾ ਹੈ ਕਿ ਸਾਨੂੰ ਕਿੰਨੀ ਸਟੋਰੇਜ਼ ਸਪੇਸ ਦੀ ਜ਼ਰੂਰਤ ਹੈ। 7200 ਰੈਵੋਲਿਊਸ਼ਨ/ਮਿੰਟ ''ਤੇ ਸਪਿਨ ਕਰਨ ਵਾਲੀ ਹਾਰਡ ਡਰਾਇਵ 5400 ਰੈਵੋਲਿਊਸ਼ਨ/ਮਿੰਟ ਦੇ ਮੁਕਾਬਲੇ ਜ਼ਿਆਦਾ ਸ਼ਕਤੀਸ਼ਾਲੀ ਹੁੰਦੀ ਹੈ।

ਗਰਾਫਿਕ ਕਾਰਡ  : 
ਇਹ ਇਕ ਬੇਹੱਦ ਮਹੱਤਵਪੂਰਨ ਕਾਰਡ ਹੈ ਜੇਕਰ ਤੁਸੀਂ ਵੀਡੀਓ ਗੇਮ ਜਾਂ 3ਡੀ ਐਨਿਮੇਸ਼ਨ ''ਤੇ ਕੰਮ ਕਰਦੇ ਹੋ ਤਾਂ ਇਸ ਦੇ ਲਈ ਸੁਝਾਅ ਇਹ ਹੈ ਕਿ ਘੱਟ ਤੋਂ ਘੱਟ 1GB ਕਾਰਡ ਨਾਲ ਲੈਸ ਲੈਪਟਾਪ ਖਰੀਦੋ।

ਕੁਨੈੱਕਟੀਵਿਟੀ : 
ਲੈਪਟਾਪ ਖਰੀਦਦੇ ਸਮੇਂ ਧਿਆਨ ਰਹੇ ਕਿ ਉਸ ''ਚ 2 USB 2.0 ਪੋਰਟ ਅਤੇ 1 USB 3.0 ਪੋਰਟ ਜਰੂਰ ਹੋਣ, ਇਸ ਤੋਂ ਇਲਾਵਾ ਇਸ ''ਚ ਕਾਰਡ ਰੀਡਰ ਅਤੇ HDMI  ਪੋਰਟ ਹੋਣਾ ਵੀ ਜਰੂਰੀ ਹੈ।

ਬੈਟਰੀ :
ਲੈਪਟਾਪ ਖਰੀਦਣ ਤੋਂ ਪਹਿਲਾਂ ਇਹ ਜਾਨਣਾ ਜਰੂਰੀ ਹੈ ਕਿ ਲੈਪਟਾਪ ਜਿਨ੍ਹਾਂ ਪਾਵਰਫੁੱਲ ਹੋਵੇਗਾ ਲੈਪਟਾਪ ਦਾ ਭਾਰ ਵੀ ਓਨਾ ਹੀ ਜ਼ਿਆਦਾ ਹੋਵੇਗਾ। ਲੈਪਟਾਪ ਖਰੀਦਦੇ ਸਮੇਂ ਇਹ ਧਿਆਨ ''ਚ ਰੱਖੋ ਕਿ ਉਸ ''ਚ ਲਗੀ ਬੈਟਰੀ ਘੱਟ ਤੋਂ ਘੱਟ 3 ਘੰਟੇ ਦਾ ਬੈਕਅਪ ਦਿੰਦੀ ਹੋਵੇ ਤਾਂ ਜੋ ਤੁਹਾਨੂੰ ਬਾਅਦ ''ਚ ਘੱਟ ਬੈਕਅਪ ਦੀ ਸਮੱਸਿਆ ਦਾ ਸਾਹਮਣਾ ਨਾਂ ਕਰਨਾ ਪਵੇ। ਇਨ੍ਹਾਂ ਟਿਪਸ ਨੂੰ ਧਿਆਨ ''ਚ ਰੱਖ ਦੇ ਹੋਏ ਤੁਸੀਂ ਆਪਣੀ ਜ਼ਰੂਰਤ ਦੇ ਹਿਸਾਬ ਨਾਲ ਬਿਹਤਰੀਨ ਲੈਪਟਾਪ ਖਰੀਦ ਸਕਦੇ ਹੋ।