ਗੈਜੇਟ ਡੈਸਕ - ਅੱਜ ਭਾਰਤੀ ਬਾਜ਼ਾਰ 'ਚ Motorola ਦਾ Edge 70 Fusion ਲਾਂਚ ਕੀਤਾ ਜਾਵੇਗਾ। ਤੁਹਾਨੂੰ ਦੱਸ ਦਈਏ ਕਿ ਇਸ ਅਧਿਕਾਰਤ ਲਾਂਚ ਤੋਂ ਪਹਿਲਾਂ, ਇਸ ਫੋਨ ਦੇ ਕੁਝ ਮੁੱਖ ਫੀਚਰਜ਼ ਦੀ ਪੁਸ਼ਟੀ ਕੀਤੀ ਗਈ ਹੈ। ਇਸ ਦੀ ਕੀਮਤ ਬਾਰੇ ਗੱਲ ਕੀਤੀ ਜਾਵੇ ਤਾਂ ਕਿਹਾ ਜਾ ਰਿਹਾ ਹੈ ਕਿ ਇਸ ਨੂੰ ਫੋਨ ਕਿਸ ਕੀਮਤ ਸੀਮਾ 'ਚ ਲਾਂਚ ਕੀਤਾ ਜਾ ਸਕਦਾ ਹੈ। ਆਓ ਲਾਂਚ ਤੋਂ ਪਹਿਲਾਂ ਪੁਸ਼ਟੀ ਕੀਤੀਆਂ ਗਈਆਂ ਮੁੱਖ ਫੀਚਰਜ਼ ਅਤੇ ਇਸ ਫੋਨ ਨੂੰ ਕਿਸ ਕੀਮਤ 'ਤੇ ਲਾਂਚ ਕੀਤਾ ਜਾ ਸਕਦਾ ਹੈ ਬਾਰੇ ਦੱਸੀਏ।

Motorola Edge 70 Fusion ਫੀਚਰਜ਼

ਇਹ ਫੋਨ ਦੁਨੀਆ ਦੇ ਪਹਿਲੇ 50MP Sony LYT 710 ਕੈਮਰਾ ਸੈਂਸਰ ਦੇ ਨਾਲ ਆਵੇਗਾ, 13MP ਅਲਟਰਾ-ਵਾਈਡ, ਡੂੰਘਾਈ ਅਤੇ ਮੈਕਰੋ ਸੈਂਸਰ ਦੇ ਨਾਲ। ਸਾਰੇ ਕੈਮਰੇ 4K ਵੀਡੀਓ ਰਿਕਾਰਡਿੰਗ ਦੇ ਸਮਰੱਥ ਹੋਣਗੇ। ਇਕ 32MP ਸੈਲਫੀ ਕੈਮਰਾ ਸੈਂਸਰ ਪ੍ਰਦਾਨ ਕੀਤਾ ਜਾਵੇਗਾ। ਇਸ ਲੇਟੈਸਟ Motorola ਫੋਨ 'ਚ 7000 mAh ਬੈਟਰੀ ਹੋਵੇਗੀ।

ਮਿਲੀ ਜਾਣਕਾਰੀ ਅਨੁਸਾਰ ਇਹ ਆਉਣ ਵਾਲਾ Motorola ਫੋਨ Snapdragon 7S Gen 4 ਚਿੱਪਸੈੱਟ ਦੁਆਰਾ ਸੰਚਾਲਿਤ ਹੋਵੇਗਾ। ਇਸ 'ਚ 1.5K ਰੈਜ਼ੋਲਿਊਸ਼ਨ ਡਿਸਪਲੇਅ ਹੋਵੇਗਾ ਜਿਸ 'ਚ 5200 nits ਪੀਕ ਬ੍ਰਾਈਟਨੈੱਸ, 144 Hz ਰਿਫਰੈਸ਼ ਰੇਟ, ਅਤੇ HDR 10+ ਸਪੋਰਟ ਹੋਵੇਗਾ ਅਤੇ ਫੋਨ ਦੇ ਨਾਲ 68-ਵਾਟ ਟਰਬੋਪਾਵਰ ਚਾਰਜਰ ਵੀ ਸ਼ਾਮਲ ਕੀਤਾ ਜਾਵੇਗਾ।

ਮੋਟੋਰੋਲਾ ਐਜ 70 ਫਿਊਜ਼ਨ ਕੀਮਤ 

ਲਾਂਚ ਤੋਂ ਬਾਅਦ, ਇਹ ਫੋਨ ਕੰਪਨੀ ਦੀ ਅਧਿਕਾਰਤ ਵੈੱਬਸਾਈਟ ਤੋਂ ਇਲਾਵਾ ਫਲਿੱਪਕਾਰਟ 'ਤੇ ਵਿਕਰੀ ਲਈ ਉਪਲਬਧ ਹੋਵੇਗਾ। ਲੀਕ ਦੇ ਅਨੁਸਾਰ, ਇਸ ਫੋਨ ਦੇ 8GB RAM ਅਤੇ 128GB ਸਟੋਰੇਜ ਵੇਰੀਐਂਟ ਦੀ ਕੀਮਤ ₹34,999 ਹੋ ਸਕਦੀ ਹੈ। ਇਹ 8GB RAM ਅਤੇ 256GB ਸਟੋਰੇਜ, ਅਤੇ 12GB RAM ਅਤੇ 256GB ਸਟੋਰੇਜ ਵਿਕਲਪਾਂ 'ਚ ਵੀ ਉਪਲਬਧ ਹੋ ਸਕਦਾ ਹੈ। ਜੇਕਰ ਇਸ ਕੀਮਤ 'ਤੇ ਲਾਂਚ ਕੀਤਾ ਜਾਂਦਾ ਹੈ, ਤਾਂ ਇਹ ਮੋਟੋਰੋਲਾ ਫੋਨ ਸੈਮਸੰਗ, ਵੀਵੋ ਅਤੇ iQOO ਵਰਗੇ ਪ੍ਰਮੁੱਖ ਬ੍ਰਾਂਡਾਂ ਦੇ ਸਮਾਰਟਫੋਨਾਂ ਨੂੰ ਸਖ਼ਤ ਮੁਕਾਬਲਾ ਦੇਵੇਗਾ।

ਫੋਨ ਦੀ ਸਹੀ ਕੀਮਤ ਲਾਂਚ ਦੌਰਾਨ ਹੀ ਪਤਾ ਲੱਗੇਗੀ, ਨਾਲ ਹੀ ਇਸ ਫੋਨ ਦੀ ਵਿਕਰੀ ਕਿਸ ਤਰੀਕ ਤੋਂ ਸ਼ੁਰੂ ਹੋਵੇਗੀ ਅਤੇ ਫੋਨ ਨਾਲ ਕਿਹੜੇ ਆਫਰ ਮਿਲਣਗੇ, ਇਹ ਸਭ ਲਾਂਚ ਦੌਰਾਨ ਹੀ ਪਤਾ ਲੱਗੇਗਾ।