ਗੈਜੇਟ ਡੈਸਕ - ਸਰਕਾਰੀ ਟੈਲੀਕਾਮ ਕੰਪਨੀ BSNL ਨੇ ਆਪਣੇ ਪੋਰਟਫੋਲੀਓ 'ਚ ਇਕ ਨਵਾਂ ਅਤੇ ਸਸਤਾ ਰੀਚਾਰਜ ਪਲਾਨ ਸ਼ਾਮਲ ਕੀਤਾ ਹੈ, ਜੋ ਨਿੱਜੀ ਕੰਪਨੀਆਂ ਨੂੰ ਸਖ਼ਤ ਟੱਕਰ ਦੇ ਰਿਹਾ ਹੈ। ਇਸ ਪਲਾਨ ਦੀ ਸਭ ਤੋਂ ਵੱਡੀ ਖਾਸੀਅਤ ਇਸਦੀ ਲੰਬੀ ਵੈਲੀਡਿਟੀ ਹੈ, ਜਿਸ ਨਾਲ ਯੂਜ਼ਰਸ ਨੂੰ ਵਾਰ-ਵਾਰ ਰੀਚਾਰਜ ਕਰਵਾਉਣ ਦੀ ਚਿੰਤਾ ਤੋਂ ਮੁਕਤੀ ਮਿਲੇਗੀ।

ਪਲਾਨ ਦੀਆਂ ਮੁੱਖ ਖਾਸੀਅਤ :- 

ਕੀਮਤ ਅਤੇ ਵੈਲੀਡਿਟੀ 
- BSNL ਦਾ ਇਹ ਪ੍ਰੀਪੇਡ ਪਲਾਨ 997 ਰੁਪਏ 'ਚ ਆਉਂਦਾ ਹੈ, ਜਿਸ 'ਚ ਯੂਜ਼ਰਸ ਨੂੰ 150 ਦਿਨਾਂ ਦੀ ਲੰਬੀ ਵੈਲੀਡਿਟੀ ਮਿਲਦੀ ਹੈ।

ਕਾਲਿੰਗ ਅਤੇ ਰੋਮਿੰਗ
- ਇਸ ਪਲਾਨ 'ਚ ਪੂਰੇ ਭਾਰਤ 'ਚ ਕਿਤੇ ਵੀ ਅਨਲਿਮਟਿਡ ਫ੍ਰੀ ਕਾਲਿੰਗ ਅਤੇ ਮੁਫ਼ਤ ਨੈਸ਼ਨਲ ਰੋਮਿੰਗ ਦੀ ਸਹੂਲਤ ਦਿੱਤੀ ਗਈ ਹੈ।

ਡੇਟਾ ਅਤੇ SMS
- ਯੂਜ਼ਰਸ ਨੂੰ ਰੋਜ਼ਾਨਾ 2GB ਹਾਈ-ਸਪੀਡ ਡੇਟਾ ਮਿਲੇਗਾ, ਜਿਸਦਾ ਮਤਲਬ ਹੈ ਕਿ ਪੂਰੇ ਪਲਾਨ ਦੌਰਾਨ ਕੁੱਲ 300GB ਡੇਟਾ ਦਿੱਤਾ ਜਾ ਰਿਹਾ ਹੈ। ਇਸ ਤੋਂ ਇਲਾਵਾ, ਰੋਜ਼ਾਨਾ 100 ਮੁਫ਼ਤ SMS ਵੀ ਮਿਲਣਗੇ।

ਮਨੋਰੰਜਨ ਦੇ ਫਾਇਦੇ
- ਇਸ ਪਲਾਨ ਦੇ ਨਾਲ ਯੂਜ਼ਰਸ ਨੂੰ BiTV ਦਾ ਐਕਸੈਸ ਵੀ ਮਿਲਦਾ ਹੈ। ਜੇਕਰ ਗਾਹਕ 151 ਰੁਪਏ ਪ੍ਰਤੀ ਮਹੀਨਾ ਦਾ ਪ੍ਰੀਮੀਅਮ ਸਬਸਕ੍ਰਿਪਸ਼ਨ ਲੈਂਦੇ ਹਨ, ਤਾਂ ਉਹ 1000 ਤੋਂ ਵੱਧ ਲਾਈਵ ਟੀਵੀ ਚੈਨਲਾਂ ਅਤੇ OTT ਐਪਸ ਦਾ ਆਨੰਦ ਲੈ ਸਕਦੇ ਹਨ।

ਨੈੱਟਵਰਕ ਦਾ ਹੋ ਰਿਹਾ ਹੈ ਵਿਸਥਾਰ

- BSNL ਦੇਸ਼ ਭਰ 'ਚ ਆਪਣੇ ਨੈੱਟਵਰਕ ਨੂੰ ਮਜ਼ਬੂਤ ਕਰਨ ਲਈ ਤੇਜ਼ੀ ਨਾਲ ਕੰਮ ਕਰ ਰਹੀ ਹੈ। ਕੰਪਨੀ ਨੇ ਹਾਲ ਹੀ 'ਚ 1 ਲੱਖ ਨਵੇਂ 4G/5G ਟਾਵਰ ਸਥਾਪਿਤ ਕੀਤੇ ਹਨ, ਜੋ ਪੂਰੀ ਤਰ੍ਹਾਂ ਸਵਦੇਸ਼ੀ ਤਕਨੀਕ 'ਤੇ ਆਧਾਰਿਤ ਹਨ। ਆਉਣ ਵਾਲੇ ਸਮੇਂ 'ਚ 1 ਲੱਖ ਹੋਰ ਨਵੇਂ ਟਾਵਰ ਲਗਾਉਣ ਦੀ ਯੋਜਨਾ ਹੈ। ਇਸ ਤੋਂ ਇਲਾਵਾ, ਉਮੀਦ ਜਤਾਈ ਜਾ ਰਹੀ ਹੈ ਕਿ BSNL ਇਸੇ ਸਾਲ ਦਿੱਲੀ ਅਤੇ ਮੁੰਬਈ ਵਰਗੇ ਵੱਡੇ ਸ਼ਹਿਰਾਂ 'ਚ ਆਪਣੀ 5G ਸੇਵਾ ਵੀ ਲਾਂਚ ਕਰ ਸਕਦੀ ਹੈ।