ਗੈਜੇਟ ਡੈਸਕ - ਤਕਨਾਲੋਜੀ ਦੇ ਖੇਤਰ 'ਚ ਵੱਡਾ ਧਮਾਕਾ ਕਰਦਿਆਂ ਵੀਵੋ ਅੱਜ ਭਾਰਤੀ ਬਾਜ਼ਾਰ 'ਚ ਆਪਣੇ ਦੋ ਨਵੇਂ ਅਤੇ ਸ਼ਕਤੀਸ਼ਾਲੀ ਸਮਾਰਟਫੋਨ Vivo X300 Ultra ਅਤੇ Vivo X300 FE ਲਾਂਚ ਕਰਨ ਜਾ ਰਿਹਾ ਹੈ। ਇਹ ਦੋਵੇਂ ਸਮਾਰਟਫੋਨ ਅੱਜ ਦੁਪਹਿਰ 2 ਵਜੇ ਭਾਰਤੀ ਗਾਹਕਾਂ ਲਈ ਪੇਸ਼ ਕੀਤੇ ਜਾਣਗੇ। ਲਾਂਚਿੰਗ ਤੋਂ ਪਹਿਲਾਂ ਹੀ ਈ-ਕਾਮਰਸ ਵੈੱਬਸਾਈਟ ਫਲਿੱਪਕਾਰਟ 'ਤੇ ਬਣੀ ਮਾਈਕ੍ਰੋਸਾਈਟ ਰਾਹੀਂ ਇਨ੍ਹਾਂ ਫੋਨਾਂ ਦੇ ਦਮਦਾਰ ਫੀਚਰਸ ਦੀ ਪੁਸ਼ਟੀ ਹੋ ਚੁੱਕੀ ਹੈ।

Vivo X300 Ultra: 200MP ਕੈਮਰਾ ਅਤੇ 7 ਸਾਲ ਦੇ ਅਪਡੇਟਸ

ਕੈਮਰਾ
- ਇਸ ਫੋਨ ਦਾ ਸਭ ਤੋਂ ਖਾਸ ਫੀਚਰ ਇਸ ਦਾ 200 ਮੈਗਾਪਿਕਸਲ ਦਾ Sony LYTIA 901 ਸੈਂਸਰ ਹੈ। ਇਸ ਤੋਂ ਇਲਾਵਾ, ਇਸ 'ਚ 50 ਮੈਗਾਪਿਕਸਲ ਦਾ ਅਲਟਰਾ ਵਾਈਡ ਐਂਗਲ ਸੈਂਸਰ ਵੀ ਮਿਲੇਗਾ।

ਪ੍ਰੋਸੈਸਰ
- ਬਿਹਤਰੀਨ ਕਾਰਗੁਜ਼ਾਰੀ ਲਈ ਫੋਨ 'ਚ ਸਨੈਪਡ੍ਰੈਗਨ 8 ਐਲਾਈਟ ਜਨਰੇਸ਼ਨ 5 ਚਿਪਸੈੱਟ ਦਿੱਤਾ ਗਿਆ ਹੈ।

ਬੈਟਰੀ ਅਤੇ ਚਾਰਜਿੰਗ
- ਡਿਵਾਈਸ 'ਚ 6600 mAh ਦੀ ਵੱਡੀ ਬੈਟਰੀ ਹੈ, ਜੋ 100 ਵਾਟ ਫਾਸਟ ਚਾਰਜਿੰਗ ਅਤੇ 40 ਵਾਟ ਵਾਇਰਲੈੱਸ ਫਲੈਸ਼ ਚਾਰਜ ਨੂੰ ਸਪੋਰਟ ਕਰਦੀ ਹੈ।

ਸੁਰੱਖਿਆ
- ਕੰਪਨੀ ਨੇ ਵਾਅਦਾ ਕੀਤਾ ਹੈ ਕਿ ਇਸ ਹੈਂਡਸੈੱਟ ਨੂੰ 7 ਸਾਲ ਤੱਕ ਸੁਰੱਖਿਆ ਅਪਡੇਟ ਦਿੱਤੇ ਜਾਣਗੇ।

Vivo X300 FE: 100x ਡਿਜੀਟਲ ਜ਼ੂਮ ਅਤੇ ਸ਼ੇਕ ਐਂਡ ਸ਼ੇਅਰ ਫੀਚਰ

ਕੈਮਰਾ ਸੈੱਟਅੱਪ
- ਇਸ ਫੋਨ ਦੇ ਪਿਛਲੇ ਹਿੱਸੇ 'ਚ 50 ਮੈਗਾਪਿਕਸਲ ਦਾ ZEISS ਪ੍ਰਾਇਮਰੀ ਕੈਮਰਾ ਅਤੇ 50 ਮੈਗਾਪਿਕਸਲ ਦਾ ਟੈਲੀਫੋਟੋ ਕੈਮਰਾ ਹੈ, ਜੋ 100x ਡਿਜੀਟਲ ਜ਼ੂਮ ਦੀ ਸਹੂਲਤ ਦਿੰਦਾ ਹੈ। ਸੈਲਫੀ ਲਈ ਵੀ 50 ਮੈਗਾਪਿਕਸਲ ਦਾ ਫਰੰਟ ਕੈਮਰਾ ਦਿੱਤਾ ਗਿਆ ਹੈ।

ਪ੍ਰਦਰਸ਼ਨ
- ਸਪੀਡ ਅਤੇ ਮਲਟੀਟਾਸਕਿੰਗ ਲਈ ਇਸ 'ਚ ਸਨੈਪਡ੍ਰੈਗਨ 8 ਜਨਰੇਸ਼ਨ 5 ਚਿਪਸੈੱਟ ਵਰਤਿਆ ਗਿਆ ਹੈ।

ਬੈਟਰੀ
- ਇਸ 'ਚ 6500 mAh ਦੀ ਦਮਦਾਰ ਬੈਟਰੀ ਅਤੇ 90 ਵਾਟ ਫਾਸਟ ਚਾਰਜਿੰਗ ਦੇ ਨਾਲ ਬਾਈਪਾਸ ਚਾਰਜਿੰਗ ਅਤੇ ਓਵਰਹੀਟ ਪ੍ਰੋਟੈਕਸ਼ਨ ਵਰਗੇ ਫੀਚਰ ਮਿਲਣਗੇ।

ਖਾਸ ਫੀਚਰ
- ਇਸ ਡਿਵਾਈਸ 'ਚ ਇਕ ਨਵਾਂ 'ਸ਼ੇਕ ਐਂਡ ਸ਼ੇਅਰ' ਫੀਚਰ ਵੀ ਸ਼ਾਮਲ ਕੀਤਾ ਗਿਆ ਹੈ।

ਇਹ ਦੋਵੇਂ ਫੋਨ ਕੈਮਰਾ, ਬੈਟਰੀ ਅਤੇ ਪ੍ਰਦਰਸ਼ਨ ਦਾ ਇੱਕ ਸ਼ਾਨਦਾਰ ਸੁਮੇਲ ਸਾਬਤ ਹੋ ਸਕਦੇ ਹਨ। ਗਾਹਕਾਂ ਦੀ ਸਹੂਲਤ ਲਈ ਇਨ੍ਹਾਂ ਫੋਨਾਂ ਦੀ ਵਧੇਰੇ ਜਾਣਕਾਰੀ ਫਲਿੱਪਕਾਰਟ 'ਤੇ ਉਪਲਬਧ ਹੈ।