ਵਾਰ-ਵਾਰ ਚਾਰਜ ਕਰਨ ਦਾ ਝੰਜਟ ਖ਼ਤਮ ! ਲਾਂਚ ਹੋ ਗਈ  AI Coach ਵਾਲੀ ਧਾਕੜ Smartwatch

ਗੈਜੇਟ ਡੈਸਕ : ਭਾਰਤੀ ਕੰਪਨੀ Boat ਨੇ ਆਪਣੇ ਪ੍ਰੀਮੀਅਮ ਵੈਲਰ ਲਾਈਨਅੱਪ ਦਾ ਵਿਸਥਾਰ ਕਰਦੇ ਹੋਏ ਨਵੀਂ Valour Watch 1R ਲਾਂਚ ਕਰ ਦਿੱਤੀ ਹੈ। ਇਹ ਸਮਾਰਟਵਾਚ ਨਾ ਸਿਰਫ਼ ਸਟਾਈਲਿਸ਼ ਹੈ, ਬਲਕਿ ਇਹ ਆਧੁਨਿਕ AI ਕੋਚ ਅਤੇ ਹੈਲਥ ਇਨਸਾਈਟਸ ਨਾਲ ਲੈਸ ਹੈ।

ਸ਼ਾਨਦਾਰ ਡਿਸਪਲੇਅ ਤੇ ਡਿਜ਼ਾਈਨ: 
ਇਸ ਸਮਾਰਟਵਾਚ 'ਚ 1.43 ਇੰਚ ਦੀ 3D AMOLED ਡਿਸਪਲੇਅ ਦਿੱਤੀ ਗਈ ਹੈ, ਜੋ 1000 nits ਦੀ ਪੀਕ ਬ੍ਰਾਈਟਨੈੱਸ ਅਤੇ ਕਰਵਡ ਗਲਾਸ ਡਿਜ਼ਾਈਨ ਦੇ ਨਾਲ ਆਉਂਦੀ ਹੈ। ਇਸ ਦਾ ਨਿਰਮਾਣ ਐਲੂਮੀਨੀਅਮ ਨਾਲ ਕੀਤਾ ਗਿਆ ਹੈ, ਜੋ ਇਸਨੂੰ ਮਜ਼ਬੂਤੀ ਅਤੇ ਪ੍ਰੀਮੀਅਮ ਲੁੱਕ ਦਿੰਦਾ ਹੈ। ਇਸ ਵਿੱਚ 100 ਤੋਂ ਵੱਧ ਕਲਾਊਡ ਵਾਚ ਫੇਸ ਦਾ ਸਪੋਰਟ ਵੀ ਮਿਲਦਾ ਹੈ।

AI ਕੋਚ ਤੇ ਫਿਟਨੈੱਸ ਫੀਚਰਸ: 
ਇਸ ਵਾਚ ਦੀ ਸਭ ਤੋਂ ਵੱਡੀ ਵਿਸ਼ੇਸ਼ਤਾ ਇਸਦਾ AI ਕੋਚ ਹੈ, ਜੋ ਯੂਜ਼ਰਸ ਦੀਆਂ ਗਤੀਵਿਧੀਆਂ ਦਾ ਪਤਾ ਲਗਾ ਕੇ ਉਨ੍ਹਾਂ ਨੂੰ ਗਾਈਡੈਂਸ ਦਿੰਦਾ ਹੈ। ਇਸ 'ਚ 700 ਤੋਂ ਵੱਧ ਸਪੋਰਟਸ ਮੋਡਸ ਦਿੱਤੇ ਗਏ ਹਨ। ਸਿਹਤ ਦੀ ਨਿਗਰਾਨੀ ਲਈ ਇਸ ਵਿੱਚ ਹਾਰਟ ਰੇਟ, SpO2 ਲੈਵਲ, ਤਣਾਅ (Stress) ਅਤੇ ਨੀਂਦ ਨੂੰ ਟ੍ਰੈਕ ਕਰਨ ਦੀ ਸਹੂਲਤ ਹੈ। ਇਸ ਤੋਂ ਇਲਾਵਾ, ਇਹ VO2 Max ਅਤੇ ਹਾਰਟ ਰੇਟ ਵੇਰੀਏਬਿਲਟੀ ਵਰਗੇ ਐਡਵਾਂਸਡ ਮੈਟ੍ਰਿਕਸ ਵੀ ਪ੍ਰਦਾਨ ਕਰਦੀ ਹੈ।

ਬੈਟਰੀ ਤੇ ਹੋਰ ਫੀਚਰਸ:
 ਕੰਪਨੀ ਦਾ ਦਾਅਵਾ ਹੈ ਕਿ ਇਹ ਵਾਚ ਸਿੰਗਲ ਚਾਰਜ 'ਤੇ 10 ਦਿਨਾਂ ਤੱਕ ਦੀ ਬੈਟਰੀ ਲਾਈਫ ਦਿੰਦੀ ਹੈ। ਇਸ ਵਿੱਚ 300mAh ਦੀ ਬੈਟਰੀ ਹੈ ਜੋ ਮੈਗਨੈਟਿਕ ਚਾਰਜਿੰਗ ਨੂੰ ਸਪੋਰਟ ਕਰਦੀ ਹੈ ਅਤੇ ਲਗਭਗ ਦੋ ਘੰਟਿਆਂ ਵਿੱਚ ਫੁੱਲ ਚਾਰਜ ਹੋ ਜਾਂਦੀ ਹੈ। ਕਨੈਕਟੀਵਿਟੀ ਲਈ ਇਸ ਵਿੱਚ ਬਲੂਟੁੱਥ 5.3 ਅਤੇ ਬਿਹਤਰ ਪ੍ਰਦਰਸ਼ਨ ਲਈ X2 ਪ੍ਰੋਸੈਸਰ ਦਿੱਤਾ ਗਿਆ ਹੈ।

ਕੀਮਤ ਤੇ ਉਪਲਬਧਤਾ: 
ਭਾਰਤ ਵਿੱਚ Boat Valour Watch 1R ਦੀ ਕੀਮਤ 4,499 ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ। ਇਹ ਵਾਚ ਓਬਸੀਡੀਅਨ ਬਲੈਕ, ਇੰਪੀਰੀਅਲ ਲੈਦਰ, ਓਕ ਲੈਦਰ ਅਤੇ ਸਟੀਲ ਬਲੈਕ ਫਿਨਿਸ਼ ਵਿੱਚ ਉਪਲਬਧ ਹੈ। ਗਾਹਕ ਇਸਨੂੰ Amazon, Flipkart, Boat ਦੀ ਅਧਿਕਾਰਤ ਵੈੱਬਸਾਈਟ ਅਤੇ ਆਫਲਾਈਨ ਸਟੋਰਾਂ ਤੋਂ ਖਰੀਦ ਸਕਦੇ ਹਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Whatsapp Channel: https://whatsapp.com/channel/0029Va94hsaHAdNVur4L170e