6000mAh ਦੀ ਬੈਟਰੀ ਨਾਲ  Moto ਇਹ 5G Smartphone ਹੋਇਆ ਲਾਂਚ, ਜਾਣੋ ਕੀਮਤ

ਗੈਜੇਟ ਡੈਸਕ - Moto G54 5G ਭਾਰਤ ’ਚ ਲਾਂਚ ਹੋ ਗਿਆ ਹੈ। ਇਹ ਕੰਪਨੀ ਦੀ ਜੀ ਸੀਰੀਜ਼ ਦਾ ਨਵਾਂ ਸਮਾਰਟਫੋਨ ਹੈ। ਫੋਨ ’ਚ 120Hz ਰਿਫਰੈਸ਼ ਰੇਟ ਦੇ ਨਾਲ ਹੋਲ-ਪੰਚ ਡਿਸਪਲੇਅ ਹੋਵੇਗਾ। ਨਾਲ ਹੀ, 12 ਜੀਬੀ ਤੱਕ ਦੀ ਰੈਮ ਅਤੇ 6000 ਐੱਮ.ਏ.ਐੱਚ.  ਬੈਟਰੀ ਵੀ ਦਿੱਤੀ ਗਈ ਹੈ। ਆਓ ਜਾਣਦੇ ਹਾਂ ਭਾਰਤ ’ਚ Moto G54 5G ਦੀ ਕੀਮਤ ਕੀ ਹੈ ਅਤੇ ਇਸ ਦੇ ਫੀਚਰਜ਼ ਕੀ ਹਨ। 

ਪੜ੍ਹੋ ਇਹ ਅਹਿਮ ਖ਼ਬਰ - ਅਗਲੇ ਹਫਤੇ ਮਾਰਕੀਟ ’ਚ ਧੂਮ ਮਚਾਉਣ ਆ ਰਹੇ ਇਹ ਧਾਕੜ ਫੋਨ

Moto G54 5G ਦੀ ਕੀਮਤ ਅਤੇ ਉਪਲਬਧਤਾ  :-

Moto G54 5G ਦੇ 8 GB RAM ਅਤੇ 128 GB ਸਟੋਰੇਜ ਵੇਰੀਐਂਟ ਦੀ ਕੀਮਤ 15,999 ਰੁਪਏ ਹੈ। ਇਸ ਦੇ ਨਾਲ ਹੀ, 12 ਜੀਬੀ ਰੈਮ ਅਤੇ 256 ਜੀਬੀ ਸਟੋਰੇਜ ਵੇਰੀਐਂਟ ਦੀ ਕੀਮਤ 18,999 ਰੁਪਏ ਹੈ। ਇਸ ਨੂੰ ਮਿਡਨਾਈਟ ਬਲੂ, ਮਿੰਟ ਗ੍ਰੀਨ ਅਤੇ ਪੀਅਰ ਬਲੂ ਰੰਗਾਂ ’ਚ ਖਰੀਦਿਆ ਜਾ ਸਕਦਾ ਹੈ। ਇਸ ਫੋਨ ਨੂੰ ਫਲਿੱਪਕਾਰਟ ਰਾਹੀਂ ਖਰੀਦਿਆ ਜਾ ਸਕਦਾ ਹੈ। ਇਸਦੀ ਵਿਕਰੀ 13 ਸਤੰਬਰ ਤੋਂ ਸ਼ੁਰੂ ਹੋਵੇਗੀ। ਜੇਕਰ ਤੁਸੀਂ ਇਸ ਫੋਨ ਨੂੰ ICICI ਬੈਂਕ ਕ੍ਰੈਡਿਟ ਕਾਰਡ ਰਾਹੀਂ ਖਰੀਦਦੇ ਹੋ, ਤਾਂ 1,500 ਰੁਪਏ ਦੀ ਛੋਟ ਦਿੱਤੀ ਜਾਵੇਗੀ। ਇਸ ਫੋਨ ਨੂੰ EMI ਦੇ ਤਹਿਤ 668 ਰੁਪਏ ਪ੍ਰਤੀ ਮਹੀਨਾ ਦੇ ਕੇ ਖਰੀਦਿਆ ਜਾ ਸਕਦਾ ਹੈ।

ਪੜ੍ਹੋ ਇਹ ਅਹਿਮ ਖ਼ਬਰ - ਸਸਤੇ ਰੇਟਾਂ ’ਤੇ ਲਾਂਚ ਹੋਏ truke ਦੇ Yoga Beat ਹੈੱਡਫੋਨਜ਼, ਜਾਣੋ ਖਾਸੀਅਤਾਂ

Moto G54 5G ਦੇ ਫੀਚਰਜ਼ :-

ਇਹ ਫੋਨ ਐਂਡਰਾਇਡ 13 'ਤੇ ਆਧਾਰਿਤ My UI 5.0 'ਤੇ ਕੰਮ ਕਰਦਾ ਹੈ। ਇਸ ’ਚ 6.5 ਇੰਚ ਦੀ ਫੁੱਲ ਐੱਚ.ਡੀ. ਪਲੱਸ ਡਿਸਪਲੇਅ ਹੈ ਜਿਸਦਾ ਰਿਫਰੈਸ਼ ਰੇਟ 120 ਹਰਟਜ਼ ਹੈ। ਇਹ ਫੋਨ ਆਕਟਾ-ਕੋਰ ਮੀਡੀਆਟੈੱਕ ਡਾਇਮੈਂਸਿਟੀ 7020 ਪ੍ਰੋਸੈਸਰ ਨਾਲ ਲੈਸ ਹੈ। ਇਸ ਵਿੱਚ 12 ਜੀਬੀ ਤੱਕ ਦੀ ਰੈਮ ਹੈ। ਨਾਲ ਹੀ, 256 ਜੀਬੀ ਤੱਕ ਦੀ ਸਟੋਰੇਜ ਦਿੱਤੀ ਗਈ ਹੈ। ਇਸ ਦੀ ਸਟੋਰੇਜ ਨੂੰ ਮਾਈਕ੍ਰੋਐੱਸਡੀ ਕਾਰਡ ਰਾਹੀਂ 1 ਟੀਬੀ ਤੱਕ ਵਧਾਇਆ ਜਾ ਸਕਦਾ ਹੈ। Moto G54 5G ’ਚ ਡਿਊਲ ਰੀਅਰ ਕੈਮਰਾ ਦਿੱਤਾ ਗਿਆ ਹੈ। ਇਸਦਾ ਪਹਿਲਾ ਸੈਂਸਰ 50 ਮੈਗਾਪਿਕਸਲ ਦਾ ਹੈ ਜੋ ਕਵਾਡ ਪਿਕਸਲ ਤਕਨਾਲੋਜੀ ਅਤੇ ਆਪਟੀਕਲ ਚਿੱਤਰ ਸਥਿਰਤਾ ਨੂੰ ਸਪੋਰਟ ਕਰਦਾ ਹੈ। ਇਸਦਾ ਸੈਕੰਡਰੀ ਸੈਂਸਰ 8-ਮੈਗਾਪਿਕਸਲ ਦਾ ਅਲਟਰਾ-ਵਾਈਡ-ਐਂਗਲ ਲੈਂਸ ਹੈ।

ਪੜ੍ਹੋ ਇਹ ਅਹਿਮ ਖ਼ਬਰ - Online payment ਕਰਦੇ ਸਮੇਂ ਇਨ੍ਹਾਂ ਗੱਲਾਂ ਦਾ ਰੱਖੋ ਧਿਆਨ, ਨਹੀਂ ਤਾਂ ਹੋ ਸਕਦੇ ਹੋ ਧੋਖਾਧੜੀ ਦਾ ਸ਼ਿਕਾਰ

ਫੋਨ ’ਚ 16 ਮੈਗਾਪਿਕਸਲ ਦਾ ਫਰੰਟ ਕੈਮਰਾ ਹੈ। ਕਨੈਕਟੀਵਿਟੀ ਦੀ ਗੱਲ ਕਰੀਏ ਤਾਂ ਇਸ ’ਚ ਵਾਈ-ਫਾਈ, ਬਲੂਟੁੱਥ, ਜੀਪੀਐਸ, ਏ-ਜੀ.ਪੀ.ਐੱਸ., ਗਲੋਨਾਸ, 3.5 ਐਮਐਮ ਹੈੱਡਫੋਨ ਜੈਕ ਆਦਿ ਫੀਚਰਜ਼ ਦਿੱਤੇ ਗਏ  ਹਨ। ਇਹ IP52 ਰੇਟਿੰਗ ਦੇ ਨਾਲ ਆਉਂਦਾ ਹੈ। ਇਸ ’ਚ ਸਾਈਡ-ਮਾਊਂਟੇਡ ਫਿੰਗਰਪ੍ਰਿੰਟ ਸੈਂਸਰ ਹੈ। ਫੋਨ ’ਚ 6000 mAh ਦੀ ਬੈਟਰੀ ਹੈ ਜੋ 33W ਟਰਬੋਪਾਵਰ ਫਾਸਟ ਚਾਰਜਿੰਗ ਨੂੰ ਸਪੋਰਟ ਕਰਦੀ ਹੈ। 

ਪੜ੍ਹੋ ਇਹ ਅਹਿਮ ਖ਼ਬਰ -  200 MP ਦੇ ਕੈਮਰਾ ਨਾਲ ਆ ਰਿਹਾ Redmi ਦਾ ਨਵਾਂ ਫੋਨ, ਜਾਣੋ ਕੀ ਨੇ ਖਾਸੀਅਤਾਂ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ