ਇਸ ਕੰਪਨੀ ਨੇ ਕੀਤਾ ਧਮਾਕਾ, TWS ਬਡਸ ਤੇ ਸਮਾਰਟਵਾਚ ਕੀਤੇ ਲਾਂਚ, ਕੀਮਤ 699 ਰੁਪਏ ਤੋਂ ਸ਼ੁਰੂ

ਗੈਜੇਟ ਡੈਸਕ- ਟੈਕਨੋਲੋਜੀ ਦੇ ਖੇਤਰ ਵਿੱਚ ਆਪਣੀ ਪਛਾਣ ਬਣਾ ਰਹੀ ਕੰਪਨੀ AI+ ਨੇ ਭਾਰਤੀ ਬਾਜ਼ਾਰ ਵਿੱਚ ਆਪਣੇ ਨਵੇਂ ਅਤੇ ਕਿਫਾਇਤੀ ਗੈਜੇਟਸ ਦੀ ਰੇਂਜ ਪੇਸ਼ ਕਰ ਦਿੱਤੀ ਹੈ। ਕੰਪਨੀ ਵੱਲੋਂ ਲਾਂਚ ਕੀਤੇ ਗਏ ਉਤਪਾਦਾਂ ਵਿੱਚ NovaPods ਅਤੇ NovaWatch ਸੀਰੀਜ਼ ਸ਼ਾਮਲ ਹਨ। ਇਨ੍ਹਾਂ ਗੈਜੇਟਸ ਦੀ ਸਭ ਤੋਂ ਖਾਸ ਗੱਲ ਇਨ੍ਹਾਂ ਵਿੱਚ ਦਿੱਤੀ ਗਈ ChatGPT ਅਤੇ AI ਲਾਈਵ ਟ੍ਰਾਂਸਲੇਸ਼ਨ ਵਰਗੀ ਆਧੁਨਿਕ ਸਹੂਲਤ ਹੈ।

ਕੰਪਨੀ ਨੇ ਇੱਕ ਬੇਹੱਦ ਖਾਸ 2-ਇਨ-1 ਪ੍ਰੋਡਕਟ ਪੇਸ਼ ਕੀਤਾ ਹੈ ਜਿਸ ਨੂੰ 'WearBuds' ਦਾ ਨਾਂ ਦਿੱਤਾ ਗਿਆ ਹੈ। ਇਹ ਇੱਕ ਅਜਿਹੀ ਸਮਾਰਟਵਾਚ ਹੈ ਜਿਸ ਦੇ ਅੰਦਰ ਹੀ ਈਅਰਬਡਸ (TWS) ਨੂੰ ਰੱਖਣ ਦੀ ਜਗ੍ਹਾ ਦਿੱਤੀ ਗਈ ਹੈ, ਯਾਨੀ ਵਾਚ ਹੀ ਚਾਰਜਿੰਗ ਕੇਸ ਵਜੋਂ ਕੰਮ ਕਰਦੀ ਹੈ।

WearBuds ਦੇ ਖਾਸ ਫੀਚਰਜ਼ ਅਤੇ ਕੀਮਤ

• ਕੀਮਤ: 7,999 ਰੁਪਏ।
• ਡਿਸਪਲੇਅ: 1.43 ਇੰਚ ਦੀ AMOLED ਸਕ੍ਰੀਨ।
• ਸਟੋਰੇਜ: 2GB ਮਿਊਜ਼ਿਕ ਸਟੋਰੇਜ, ਜਿਸ ਨਾਲ ਫ਼ੋਨ ਤੋਂ ਬਿਨਾਂ ਵੀ ਗਾਣੇ ਸੁਣੇ ਜਾ ਸਕਦੇ ਹਨ।
• ਤਕਨੀਕ: ChatGPT, AI ਲਾਈਵ ਟ੍ਰਾਂਸਲੇਸ਼ਨ ਅਤੇ ਰੀਅਲ-ਟਾਈਮ ਹੈਲਥ ਟ੍ਰੈਕਿੰਗ।

NovaPods ਅਤੇ ਹੋਰ ਸਮਾਰਟਵਾਚ ਸੀਰੀਜ਼ 

AI+ ਨੇ Nova Pods ਲਾਈਨਅੱਪ ਦੇ ਤਹਿਤ ਤਿੰਨ ਵੇਰੀਐਂਟ ਪੇਸ਼ ਕੀਤੇ ਹਨ। ਸਭ ਤੋਂ ਸਸਤਾ ਮਾਡਲ 'Go' ਹੈ ਜਿਸ ਦੀ ਕੀਮਤ ਸਿਰਫ਼ 699 ਰੁਪਏ ਰੱਖੀ ਗਈ ਹੈ। ਇਸ ਤੋਂ ਇਲਾਵਾ Pods Pro ਦੀ ਕੀਮਤ 1,999 ਰੁਪਏ ਅਤੇ Nova Pods Clip ਦੀ ਕੀਮਤ 3,999 ਰੁਪਏ ਹੈ। ਸਮਾਰਟਵਾਚ ਸ਼੍ਰੇਣੀ ਵਿੱਚ Wearbuds ਦੇ ਨਾਲ-ਨਾਲ 'Active' ਅਤੇ 'KidS4G' ਮਾਡਲ ਵੀ ਪੇਸ਼ ਕੀਤੇ ਗਏ ਹਨ।

ਇਨ੍ਹਾਂ ਗੈਜੇਟਸ ਤੋਂ ਇਲਾਵਾ ਕੰਪਨੀ ਨੇ ਆਪਣੇ ਨਵੇਂ ਸਮਾਰਟਫ਼ੋਨ Pulse 2 ਨੂੰ ਲਾਂਚ ਕਰਨ ਦਾ ਵੀ ਐਲਾਨ ਕੀਤਾ ਹੈ, ਜੋ 2 ਮਾਰਚ ਨੂੰ ਬਾਜ਼ਾਰ ਵਿੱਚ ਉਤਾਰਿਆ ਜਾਵੇਗਾ। ਇਸ ਫ਼ੋਨ ਵਿੱਚ 50MP ਦਾ AI ਡਿਊਲ ਕੈਮਰਾ ਅਤੇ 6000mAh ਦੀ ਦਮਦਾਰ ਬੈਟਰੀ ਦਿੱਤੀ ਗਈ ਹੈ, ਜੋ ਪੂਰਾ ਦਿਨ ਬੈਕਅੱਪ ਦੇਣ ਦੇ ਸਮਰੱਥ ਹੈ।