Honor 6x ਦੀ ਸੇਲ ਐਮਾਜ਼ਾਨ ਇੰਡੀਆ ''ਤੇ ਹੋਈ ਸ਼ੁਰੂ

ਜਲੰਧਰ- ਹੁਆਵੇ ਨੇ ਆਪਣੇ ਹਾਨਰ ਬ੍ਰਾਂਡ ਦਾ ਹਾਨਰ 6 ਐਕਸ ਸਮਾਰਟਫੋਨ ਪਿਛਲੇ ਮਹੀਨੇ ਭਾਰਤ ''ਚ ਲਾਂਚ ਕੀਤਾ ਸੀ। ਇਸ ਦੀ ਕੀਮਤ 12,999 ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ। ਇਸ ਕੀਮਤ ''ਚ ਸੂਜ਼ਰ ਨੂੰ 3ਜੀਬੀ ਰੈਮ ਅਤੇ 32ਜੀਬੀ ਸਟੋਰੇਜ ਵਾਲਾ ਵੇਰਿਅੰਟ ਮਿਲਦਾ ਹੈ। 4ਜੀਬੀ ਰੈਮ ਅਤੇ 64ਜੀਬੀ ਸਟੋਰੇਜ ਵਾਲੇ ਵੇਰਿਅੰਟ ਦੀ ਕੀਮਤ 15,999 ਰੁਪਏ ਹੈ। ਇਸ ਸਮਾਰਟਫੋਨ ਨੂੰ ਐਮਾਜ਼ਾਨ ਇੰਡੀਆ ''ਤੇ ਫਲੈਸ਼ ਸੇਲ ਦੇ ਰਾਹੀ ਵੇਚਿਆ ਜਾ ਰਿਹਾ ਹੈ। ਗੌਰ ਕਰਨ ਵਾਲੀ ਗੱਲ ਹੈ ਕਿ ਪਹਿਲੀ ਫਲੈਸ਼ ਸੇਲ ''ਚ ਸਿਰਫ 12,999 ਰੁਪਏ ਵਾਲੇ ਮਾਡਲ ਨੂੰ ਉਪਲੱਬਧ ਕਰਾਇਆ ਗਿਆ ਸੀ। ਹੁਣ ਵੀਰਵਾਰ ਨੂੰ ਦੁਪਹਿਰ 2 ਵਜੇ ਹੈਂਡਸੈੱਟ ਦੀ ਦੂਜੀ ਫਲੈਸ਼ ਸੇਲ ਆਯੋਜਿਤ ਕੀਤੀ ਜਾਵੇਗੀ। ਇਸ ਸੇਲ ''ਚ 4ਜੀਬੀ ਰੈਮ ਵਾਲਾ ਵੇਰਿਅੰਟ ਵੀ ਉਪਲੱਬਧ ਹੋਵੇਗਾ, ਜੇਕਰ ਤੁਸੀਂ ਅੱਜ ਦੀ ਸੇਲ ਲਈ ਰਜਿਸਟਰ ਨਹੀਂ ਕੀਤਾ ਹੈ ਤਾਂ ਪਰੇਸ਼ਾਨ ਹੋਣ ਦੀ ਜ਼ਰੂਰਤ ਨਹੀਂ। ਤੁਸੀਂ ਚਾਹੋ ਤਾਂ 16 ਫਰਵਰੀ ਨੂੰ ਹੋਣ ਵਾਲੀ ਅਗਲੀ ਸੇਲ ਲਈ ਰਜਿਸਟਰ ਕਰਵਾ ਸਕਦੇ ਹੋ।

ਹਾਨਰ 6 ਐਕਸ ''ਚ 5.5 ਇੰਚ ਦੀ ਫੁੱਲ-ਐੱਚ. ਡੀ. (1080x1920 ਪਿਕਸਲ) ਰੈਜ਼ੋਲਿਊਸ਼ਨ 2.5ਡੀ ਕਵਰਡ ਗਲਾਸ ਆਈ. ਪੀ. ਐੱਸ. ਡਿਸਪਲੇ ਹੈ। ਇਸ ''ਚ ਕੰਪਨੀ ਨੇ 1.7 ਗੀਗਾਹਟਰਜ਼ ਆਕਟਾ-ਕੋਰ ਕਿਰੀਨ 655 ਪ੍ਰੋਸੈਸਰ ''ਤੇ ਆਧਾਰਿਤ ਈ. ਐੱਮ. ਯੂ. ਆਈ. 4.1 ''ਤੇ ਚੱਲੇਗਾ। ਹਾਨਰ 6 ਐਕਸ ''ਚ ਹਾਈਬ੍ਰਿਡ ਡਿਊਲ ਸਿਮ ਸਲਾਟ ਹੈ। ਤੁਸੀਂ ਇਕ ਸਮੇਂ ''ਚ ਦੋ ਸਿਮ ਕਾਰਡ ਜਾਂ ਇਕ ਸਿਮ ਕਾਰਡ ਅਤੇ ਮਾਈਕ੍ਰੋ ਐੱਸ. ਡੀ. ਕਾਰਡ ਇਸਤੇਮਾਲ ਕਰ ਪਾਉਣਗੇ।

ਹਾਨਰ 6 ਐਕਸ ''ਚ ਡਿਊਲ ਕੈਮਰਾ ਸੈੱਟਅੱਪ ਹੈ। ਰਿਅਰ ਕੈਮਰੇ ''ਚ ਇਕ ਸੈਂਸਰ 12 ਮੈਗਾਪਿਕਸਲ ਦਾ ਹੈ ਅਤੇ ਦੂਜਾ 2 ਮੈਗਾਪਿਕਸਲ ਦਾ। ਇਹ ਫੇਜ਼ ਡਿਟੈਕਸ਼ਨ ਆਟੋ ਫੋਕਸ ਅਤੇ ਐੱਲ. ਈ. ਡੀ. ਫਲੈਸ਼ ਨਾਲ ਲੈਸ ਹੈ। ਸੈਲਫੀ ਦੇ ਦੀਵਾਨਿਆਂ ਲਈ ਮੌਜੂਦ ਰਹੇਗਾ 8 ਮੈਗਾਪਿਕਸਲ ਦਾ ਫਰੰਟ ਕੈਮਰਾ। ਫਿੰਗਰਪ੍ਰਿੰਟ ਸੈਂਸਰ ਨਾਲ ਆਉਣ ਵਾਲੇ ਇਸ ਫੋਨ ਨੂੰ ਪਾਵਰ ਦੇਣ ਲਈ ਮੌਜੂਦ ਹੈ। 3340 ਐੱਮ. ਏ. ਐੱਚ. ਦੀ ਬੈਟਰੀ ਜੋ ਫਾਸਟ ਚਾਰਜਿੰਗ ਨੂੰ ਸਪੋਰਟ ਕਰੇਗੀ। ਇਸ ਦੇ ਬਾਰੇ ''ਚ 600 ਘੰਟੇ ਤੱਕ ਦਾ ਸਟੈਂਡਬਾਏ ਅਤੇ 23 ਘੰਟੇ ਤੱਕ ਦਾ ਟਾਕ ਟਾਈਮ ਦੇਣ ਦਾ ਦਾਅਵਾ ਕੀਤਾ ਗਿਆ ਹੈ। ਕਨੈਕਟੀਵਿਟੀ ਫੀਚਰਸ ''ਚ ਵਾਈ-ਫਾਈ 802.11 ਬੀ/ਜੀ/ਐੱਨ, ਬਲੂਟੁਥ ਵੀ4.1, ਮਾਈਕ੍ਰੋ-ਯੂ. ਐੱਸ. ਬੀ. ਅਤੇ ਜੀ. ਪੀ. ਐੱਸ. ਸ਼ਾਮਲ ਹੈ। ਇਸ ਦਾ ਡਾਈਮੈਂਸ਼ਨ 150.9x76.2x8.2 ਮਿਲੀਮੀਟਰ ਹੈ ਅਤੇ ਵਜਨ 162 ਗ੍ਰਾਮ।