‘ਮਸਤੀ 4’ ਦਾ ਧਮਾਕੇਦਾਰ ਗਾਣਾ ‘ਰਸੀਆ ਬਲਮਾ’ ਰਿਲੀਜ਼

ਮੁੰਬਈ (ਏਜੰਸੀ)- ਫਿਲਮ ‘ਮਸਤੀ 4’ ਨੂੰ ਲੈ ਕੇ ਪ੍ਰਸ਼ੰਸਕਾਂ ਵਿੱਚ ਜ਼ਬਰਦਸਤ ਉਤਸ਼ਾਹ ਦੇਖਣ ਨੂੰ ਮਿਲ ਰਿਹਾ ਹੈ। ਟ੍ਰੇਲਰ ਅਤੇ ਇਸ ਦੇ ਪਿਛਲੇ ਹਿੱਟ ਗੀਤ ‘ਪਕੜ ਪਕੜ’ ਤੋਂ ਬਾਅਦ, ਵੇਵਬੈਂਡ ਪ੍ਰੋਡਕਸ਼ਨ ਨੇ ਹੁਣ ਫਿਲਮ ‘ਮਸਤੀ 4’ ਦਾ ਨਵਾਂ ਅਤੇ ਧਮਾਕੇਦਾਰ ਗੀਤ ‘ਰਸੀਆ ਬਲਮਾ’ ਰਿਲੀਜ਼ ਕਰ ਦਿੱਤਾ ਹੈ, ਜੋ ਫਿਲਮ ਦੇ ਰੰਗੀਨ ਅਤੇ ਮਸਤੀ ਭਰੇ ਮੂਡ ਨੂੰ ਪੂਰੀ ਤਰ੍ਹਾਂ ਦਰਸਾਉਂਦਾ ਹੈ।

ਯੂਕੇ ਦੀਆਂ ਖੂਬਸੂਰਤ ਲੋਕੇਸ਼ਨਾਂ ਅਤੇ ਸਟਾਰ ਕਾਸਟ

ਇਹ ਗੀਤ ਯੂਕੇ ਦੀਆਂ ਖੂਬਸੂਰਤ ਲੋਕੇਸ਼ਨਾਂ 'ਤੇ ਵੱਡੇ ਪੱਧਰ 'ਤੇ ਸ਼ੂਟ ਕੀਤਾ ਗਿਆ ਹੈ। ਗੀਤ ਦੀ ਖਾਸ ਗੱਲ ਇਹ ਹੈ ਕਿ ਇਸ ਵਿੱਚ ਓਰਿਜਨਲ ਮਸਤੀ ਬੁਆਏਜ਼—ਰਿਤੇਸ਼ ਦੇਸ਼ਮੁਖ, ਵਿਵੇਕ ਓਬਰਾਏ ਅਤੇ ਆਫਤਾਬ ਸ਼ਿਵਦਾਸਾਨੀ—ਆਪਣੇ ਮਜ਼ੇਦਾਰ ਬਹੁਰੂਪੀਏ ਅਵਤਾਰ ਵਿੱਚ ਨਜ਼ਰ ਆ ਰਹੇ ਹਨ। ਇਸ ਤੋਂ ਇਲਾਵਾ, ਗੀਤ ਵਿੱਚ ਤੁਸ਼ਾਰ ਕਪੂਰ, ਰੂਹੀ ਸਿੰਘ, ਸ਼੍ਰੇਆ ਸ਼ਰਮਾ, ਐਲਨਾਜ਼ ਨੌਰੌਜ਼ੀ, ਸ਼ਾਦ ਰੰਧਾਵਾ ਅਤੇ ਨਿਸ਼ਾਂਤ ਮਲਕਾਨੀ ਵੀ ਸ਼ਾਮਲ ਹਨ, ਜੋ ਇਸ ਨੂੰ ਵਿਜ਼ੂਅਲੀ ਹੋਰ ਵੀ ਸ਼ਾਨਦਾਰ ਬਣਾਉਂਦੇ ਹਨ। ਇਸ ਫਿਲਮ ਵਿੱਚ ਨਰਗਿਸ ਫਾਖਰੀ ਅਤੇ ਅਰਸ਼ਦ ਵਾਰਸੀ ਵੀ ਧਮਾਲ ਮਚਾਉਣ ਵਾਲੇ ਹਨ।

‘ਰਸੀਆ ਬਲਮਾ’ ਗੀਤ ਨੂੰ ਦਰਸ਼ਨ ਰਾਠੌੜ ਅਤੇ ਪਾਇਲ ਦੇਵ ਨੇ ਆਪਣੀਆਂ ਆਵਾਜ਼ਾਂ ਨਾਲ ਸਜਾਇਆ ਹੈ। ਸੰਗੀਤ ਸੰਜੇ-ਦਰਸ਼ਨ ਦੀ ਜੋੜੀ ਨੇ ਦਿੱਤਾ ਹੈ ਅਤੇ ਬੋਲ ਸੰਜੀਵ ਚਤੁਰਵੇਦੀ ਨੇ ਲਿਖੇ ਹਨ। ‘ਮਸਤੀ 4’ ਨੂੰ ਵੇਵਬੈਂਡ ਪ੍ਰੋਡਕਸ਼ਨ ਅਤੇ ਜ਼ੀ ਸਟੂਡੀਓਜ਼ ਵੱਲੋਂ ਪੇਸ਼ ਕੀਤਾ ਗਿਆ ਹੈ। ਇਸ ਨੂੰ ਮਾਰੂਤੀ ਇੰਟਰਨੈਸ਼ਨਲ ਅਤੇ ਬਾਲਾਜੀ ਟੈਲੀਫਿਲਮਜ਼ ਦੇ ਸਹਿਯੋਗ ਨਾਲ ਬਣਾਇਆ ਗਿਆ ਹੈ। ਫਿਲਮ ਦੇ ਨਿਰਮਾਤਾਵਾਂ ਵਿੱਚ ਏ. ਝੁਨਝੁਨਵਾਲਾ, ਸ਼ਿਖਾ ਕਰਨ ਆਹਲੂਵਾਲੀਆ, ਇੰਦਰ ਕੁਮਾਰ, ਅਸ਼ੋਕ ਠਕੇਰੀਆ, ਸ਼ੋਭਾ ਕਪੂਰ, ਏਕਤਾ ਕਪੂਰ ਅਤੇ ਉਮੇਸ਼ ਬੰਸਲ ਸ਼ਾਮਲ ਹਨ।