ਵਿਆਹ ਤੋਂ ਪਹਿਲਾਂ ਹੀ ਵਿਰਾਟ-ਅਨੁਸ਼ਕਾ ਨੇ ਬਣਵਾਇਆ ਸੀ ਇਹ ਘਰ, ਵੇਖੋ ਅੰਦਾਰ ਦੀਆਂ ਖ਼ੂਬਸੂਰਤ ਤਸਵੀਰਾਂ

ਮੁੰਬਈ (ਬਿਊਰੋ) - ਬਾਲੀਵੁੱਡ ਦੀਆਂ ਖ਼ੂਬਸੂਰਤ ਜੋੜੀਆਂ 'ਚੋਂ ਇਕ ਹੈ ਵਿਰਾਟ ਕੋਹਲੀ ਤੇ ਅਨੁਸ਼ਕਾ ਸ਼ਰਮਾ ਦੀ ਜੋੜੀ। ਅਨੁਸ਼ਕਾ ਸ਼ਰਮਾ ਹਾਲ ਹੀ 'ਚ ਮਾਂ ਬਣੀ ਹੈ। ਉਨ੍ਹਾਂ ਇਕ ਪਿਆਰੀ ਜਿਹੀ ਬੇਟੀ ਨੂੰ ਜਨਮ ਦਿੱਤਾ ਹੈ ਪਰ ਅੱਜ ਅਸੀਂ ਉਨ੍ਹਾਂ ਦੀ ਬੇਟੀ ਨਹੀਂ ਘਰ ਦਿਖਾਉਣ ਜਾ ਰਹੇ ਹਾਂ, ਜਿਸ ਨੂੰ ਵਿਰਾਟ-ਅਨੁਸ਼ਕਾ ਨੇ ਵਿਆਹ ਤੋਂ ਪਹਿਲਾਂ ਬਣਵਾਇਆ ਸੀ।

ਅਨੁਸ਼ਕਾ ਵਿਆਹ ਤੋਂ ਬਾਅਦ ਵਿਰਾਟ ਕੋਹਲੀ ਨਾਲ ਮੁੰਬਈ ਦੇ 'ਓਮਕਰ' ਨਾਂ ਦੇ ਅਪਾਰਟਮੈਂਟ 'ਚ ਰਹਿੰਦੀ ਹੈ। ਇਸ ਦੇ 35ਵੇਂ ਫਲੋਰ 'ਤੇ ਉਨ੍ਹਾਂ ਦਾ ਘਰ ਹੈ, ਜਿਸ ਨੂੰ ਬੜੇ ਹੀ ਚਾਅ ਅਤੇ ਪਿਆਰ ਨਾਲ ਅਨੁਸ਼ਕਾ ਸ਼ਰਮਾ ਤੇ ਵਿਰਾਟ ਕੋਹਲੀ ਨੇ ਸਜਾਇਆ ਹੈ।

ਇਸ ਘਰ 'ਚ ਅਨੁਸ਼ਕਾ ਸ਼ਰਮਾ ਨੇ ਛੋਟਾ ਹੀ ਸਹੀ ਪਰ ਖ਼ੂਬਸੂਰਤ ਗਾਰਡਨ ਵੀ ਬਣਾਇਆ ਹੈ, ਜਿਸ 'ਚ ਅਕਸਰ ਉਹ ਸਮਾਂ ਬਿਤਾਉਂਦੀ ਹੈ ਅਤੇ ਦਰੱਖ਼ਤਾਂ ਤੇ ਪੌਦਿਆਂ ਦਾ ਖ਼ਿਆਲ ਰੱਖਦੀ ਨਜ਼ਰ ਆਉਂਦੀ ਹੈ।

4BHK ਇਸ ਫਲੈਟ ਦੀ ਕੀਮਤ ਕਰੀਬ 34 ਕਰੋੜ ਦੱਸੀ ਜਾਂਦੀ ਹੈ ,ਜੋ ਕਿ 'ਸੀ ਫੇਸਿੰਗ ਫਲੈਟ' ਹੈ। ਇੱਥੋਂ ਸਮੁੰਦਰ ਦਾ ਖ਼ੂਬਸੂਰਤ ਨਜ਼ਾਰਾ ਦਿਖਾਈ ਦਿੰਦਾ ਹੈ। ਇਸ ਘਰ ਦੀ ਹਰ ਤਸਵੀਰ 'ਚ ਇਹ ਕਾਫ਼ੀ ਸ਼ਾਨਦਾਰ ਤਰੀਕੇ ਨਾਲ ਸਜਾਇਆ ਹੋਇਆ ਨਜ਼ਰ ਆਉਂਦਾ ਹੈ। ਜਿਵੇਂ ਕਿ ਹਰ ਚੀਜ਼ ਪਰਫੈਕਟ।

ਇਸ ਘਰ ਦੀ ਇਕ ਖ਼ਾਸ ਗੱਲ ਇਹ ਹੈ ਕਿ ਇਸ 'ਚ ਅਨੁਸ਼ਕਾ ਸ਼ਰਮਾ ਨੇ ਇਕ ਕਾਰਨਰ ਅਜਿਹਾ ਵੀ ਤਿਆਰ ਕਰਵਾਇਆ ਹੈ, ਜਿੱਥੇ ਉਹ ਅਕਸਰ ਫੋਟੋਸ਼ੂਟ ਕਰਦੀ ਹੈ। ਉਨ੍ਹਾਂ ਦੇ ਇੰਸਟਾਗ੍ਰਾਮ 'ਤੇ ਇਸ ਕੋਨੇ ਦੀ ਝਲਕ ਕਈ ਵਾਰ ਦਿਖਾਈ ਦਿੰਦੀ ਹੈ।

ਅਨੁਸ਼ਕਾ ਸ਼ਰਮਾ ਤੇ ਵਿਰਾਟ ਕੋਹਲੀ ਦੇ ਇਸ ਘਰ 'ਚ ਪ੍ਰਾਈਵੇਟ ਟੈਰੇਸ ਵੀ ਹੈ, ਜਿੱਥੇ ਅਕਸਰ ਦੋਵੇਂ ਇਕ-ਦੂਜੇ ਦੇ ਨਾਲ ਸਮਾਂ ਬਿਤਾਉਂਦੇ ਹਨ ਅਤੇ ਤਸਵੀਰਾਂ ਵੀ ਕਲਿੱਕ ਕਰਦੇ ਹਨ। ਇਸ ਦੇ ਨਾਲ ਹੀ ਪੂਰੇ ਘਰ ਨੂੰ ਵੱਖ-ਵੱਖ ਤੇ ਯੂਨੀਕ ਰੰਗਾਂ ਨਾਲ ਸਜਾਇਆ ਗਿਆ ਹੈ।

ਅਨੁਸ਼ਕਾ ਸ਼ਰਮਾ ਨੇ ਆਪਣੀ ਪ੍ਰੈਗਨੈਂਸੀ ਦਾ ਜ਼ਿਆਦਾਤਰ ਸਮਾਂ ਆਪਣੇ ਇਸ ਘਰ 'ਚ ਇੰਜੁਆਏ ਕੀਤਾ ਹੈ। ਆਪਣੇ ਘਰ ਦੇ ਅੰਦਰ ਤੋਂ ਵਿਰਾਟ ਕੋਹਲੀ ਤੇ ਅਨੁਸ਼ਕਾ ਅਕਸਰ ਆਪਣੇ ਵੀਡੀਓਜ਼ ਸ਼ੇਅਰ ਕਰਦੇ ਰਹਿੰਦੇ ਹਨ, ਜਿਸ 'ਚ ਇਸ ਦੇ ਘਰ ਦੀਆਂ ਝਲਕੀਆਂ ਦੇਖਣ ਨੂੰ ਮਿਲਦੀਆਂ ਹਨ।