'Bigg Boss 18' ਦੇ ਲਈ ਕਨਫਰਮਡ ਹੋਇਆ ਇਸ ਅਦਾਕਾਰ ਦਾ ਨਾਂ, ਪਤਨੀ ਵੀ ਰਹਿ ਚੁੱਕੀ ਹੈ ਸ਼ੋਅ ਦੀ Winner
Wednesday, Jul 24, 2024 - 01:33 PM (IST)
ਮੁੰਬਈ- ਰਿਐਲਿਟੀ 'ਬਿੱਗ ਬੌਸ ਓਟੀਟੀ 3' ਦਾ ਫਿਨਾਲੇ ਜਲਦੀ ਹੀ ਹੋਣ ਜਾ ਰਿਹਾ ਹੈ। ਜਲਦ ਹੀ ਦਰਸ਼ਕ ਇਸ ਸੀਜ਼ਨ ਦਾ ਜੇਤੂ ਲੱਭ ਲੈਣਗੇ। ਇੱਕ ਪਾਸੇ ਜਿੱਥੇ ਇਸ ਸ਼ੋਅ ਤੋਂ ਪ੍ਰਸ਼ੰਸਕਾਂ ਦਾ ਖੂਬ ਮਨੋਰੰਜਨ ਹੋ ਰਿਹਾ ਹੈ, ਉੱਥੇ ਹੀ ਦੂਜੇ ਪਾਸੇ ਸਲਮਾਨ ਖ਼ਾਨ ਦੇ ਹੋਸਟ ਰਿਐਲਿਟੀ ਸ਼ੋਅ 'ਬਿੱਗ ਬੌਸ 18' ਦੀ ਰਿਲੀਜ਼ ਡੇਟ ਦਾ ਵੀ ਖੁਲਾਸਾ ਹੋ ਗਿਆ ਹੈ। ਇੰਨਾ ਹੀ ਨਹੀਂ, ਸ਼ੋਅ 'ਚ ਜਾਣ ਵਾਲੇ ਪਹਿਲੇ ਕੰਟੈਸਟੈਂਟ ਨੂੰ ਲੈ ਕੇ ਇਕ ਨਵਾਂ ਅਪਡੇਟ ਵੀ ਸਾਹਮਣੇ ਆਇਆ ਹੈ। ਸ਼ੋਅ ਬਿੱਗ ਬੌਸ ਦੇ ਜ਼ਿਆਦਾਤਰ ਸੀਜ਼ਨ ਦੀ ਕਮਾਨ ਸਲਮਾਨ ਖ਼ਾਨ ਨੇ ਸੰਭਾਲੀ ਹੈ। ਦਰਸ਼ਕ ਸਲਮਾਨ ਨੂੰ ਹੋਸਟ ਦੇ ਤੌਰ 'ਤੇ ਦੇਖਣਾ ਵੀ ਪਸੰਦ ਕਰਦੇ ਹਨ। ਇਸ ਵਿਚ ਕੋਈ ਸ਼ੱਕ ਨਹੀਂ ਹੈ ਕਿ ਸਲਮਾਨ ਖ਼ਾਨ ਵਾਂਗ ਕੋਈ ਵੀ ਸ਼ੋਅ ਹੋਸਟ ਨਹੀਂ ਕਰ ਸਕਦਾ। ਸ਼ੋਅ 'ਚ ਉਹ ਨਾ ਸਿਰਫ ਪ੍ਰਤੀਯੋਗੀਆਂ ਨੂੰ ਚੰਗੀ ਸਲਾਹ ਦਿੰਦਾ ਹੈ, ਸਗੋਂ ਲੋੜ ਪੈਣ 'ਤੇ ਉਨ੍ਹਾਂ ਨੂੰ ਫਟਕਾਰ ਵੀ ਲਗਾਉਂਦੇ ਹਨ।ਦਰਸ਼ਕ ਇੱਕ ਵਾਰ ਫਿਰ ਸਲਮਾਨ ਖ਼ਾਨ ਨੂੰ ਧਮਾਕੇਦਾਰ ਅੰਦਾਜ਼ 'ਚ ਸ਼ੋਅ ਦੀ ਮੇਜ਼ਬਾਨੀ ਕਰਦੇ ਦੇਖਣ ਲਈ ਉਤਸ਼ਾਹਿਤ ਹਨ।
ਇਹ ਖ਼ਬਰ ਵੀ ਪੜ੍ਹੋ -ਲਾਲ ਸਾੜੀ ਅਤੇ ਲਾਲ ਗੁਲਾਬ ਨੂੰ ਹੱਥ 'ਚ ਫੜ ਕੇ ਤਾਪਸੀ ਪੰਨੂ ਨੇ ਕਰਵਾਇਆ ਦਿਲਕਸ਼ ਫੋਟੋਸ਼ੂਟ
ਦੱਸ ਦਈਏ ਕਿ 'ਬਿੱਗ ਬੌਸ 18' ਦਾ ਪ੍ਰੀਮੀਅਰ 5 ਅਕਤੂਬਰ 2024 ਤੋਂ ਹੋਵੇਗਾ। ਇਹ ਅਕਤੂਬਰ ਦੇ ਪਹਿਲੇ ਹਫਤੇ 'ਚ ਆਨ-ਏਅਰ ਕੀਤਾ ਜਾਵੇਗਾ। ਦਰਸ਼ਕ ਇਸ ਸ਼ੋਅ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰਦੇ ਹਨ। ਰਿਐਲਟੀ ਸ਼ੋਅ ਦੀ ਰਿਲੀਜ਼ ਡੇਟ ਸਾਹਮਣੇ ਆਉਣ ਤੋਂ ਬਾਅਦ ਫੈਨਜ਼ ਕਾਫੀ ਉਤਸ਼ਾਹਿਤ ਨਜ਼ਰ ਆ ਰਹੇ ਹਨ। ਸ਼ੋਅ ਦਾ ਕ੍ਰੇਜ਼ ਹੋਰ ਵਧਾਉਣ ਲਈ ਹੋਸਟ ਸਲਮਾਨ ਖ਼ਾਨ ਆਪਣੇ ਬੇਬਾਕ ਅੰਦਾਜ਼ ਨਾਲ ਦਰਸ਼ਕਾ ਦਾ ਹੋਰ ਮਨੰਰੋਜ਼ਨ ਕਰਨਗੇ।
ਇਹ ਖ਼ਬਰ ਵੀ ਪੜ੍ਹੋ -ਫਰਾਂਸ ਦੇ ਰਾਸ਼ਟਰਪਤੀ ਨੇ ਨੀਤਾ ਅੰਬਾਨੀ ਦਾ ਖ਼ਾਸ ਤਰੀਕੇ ਨਾਲ ਕੀਤਾ ਸਵਾਗਤ
ਪਹਿਲੇ ਕੰਟੈਸਟੈਂਟ ਦਾ ਨਾਂ ਆਇਆ ਸਾਹਮਣੇ
'ਬਿੱਗ ਬੌਸ 18' ਦੀ ਰਿਲੀਜ਼ ਡੇਟ ਸਾਹਮਣੇ ਆਉਣ ਤੋਂ ਬਾਅਦ ਪਹਿਲੇ ਕੰਟੈਸਟੈਂਟ ਦਾ ਨਾਂ ਵੀ ਸਾਹਮਣੇ ਆਇਆ ਹੈ, ਜਿਸ ਤੋਂ ਬਾਅਦ ਫੈਨਜ਼ 'ਚ ਖੁਸ਼ੀ ਦੀ ਕੋਈ ਹੱਦ ਨਹੀਂ ਹੈ। ਰਿਪੋਰਟ ਮੁਤਾਬਕ ਦੀਪਿਕਾ ਕੱਕੜ ਦੇ ਪਤੀ ਸ਼ੋਏਬ ਇਬਰਾਹਿਮ ਇਸ ਵਾਰ ਸ਼ੋਅ ਦਾ ਹਿੱਸਾ ਬਣਨ ਜਾ ਰਹੇ ਹਨ। ਉਨ੍ਹਾਂ ਦਾ ਨਾਂ ਸ਼ੋਅ ਦੇ ਪਹਿਲੇ ਕਨਫਰਮਡ ਪ੍ਰਤੀਯੋਗੀ ਵਜੋਂ ਸਾਹਮਣੇ ਆਇਆ ਹੈ। ਇਸ ਤੋਂ ਪਹਿਲਾਂ ਦੀਪਿਕਾ ਕੱਕੜ 'ਬਿੱਗ ਬੌਸ 12' 'ਚ ਟਰਾਫੀ ਜਿੱਤ ਚੁੱਕੀ ਹੈ। ਇਸ ਤੋਂ ਪਹਿਲਾਂ ਸ਼ੋਏਬ 'ਝਲਕ ਦਿਖਲਾ ਜਾ 11' 'ਚ ਵੀ ਨਜ਼ਰ ਆਏ ਸਨ। ਬਾਕੀ ਮੁਕਾਬਲੇਬਾਜ਼ਾਂ ਦੇ ਨਾਵਾਂ ਦੀ ਅਜੇ ਪੁਸ਼ਟੀ ਨਹੀਂ ਹੋਈ ਹੈ।ਰਿਐਲਿਟੀ ਸ਼ੋਅ 'ਬਿੱਗ ਬੌਸ' ਨੂੰ ਲੋਕ ਕਾਫੀ ਪਸੰਦ ਕਰਦੇ ਹਨ। ਲੋਕ ਇਸ ਸ਼ੋਅ ਦੇ ਹਰ ਸੀਜ਼ਨ ਦਾ ਖੂਬ ਆਨੰਦ ਲੈਂਦੇ ਹਨ। ਜਿੱਥੇ ਇੱਕ ਪਾਸੇ 'ਬਿੱਗ ਬੌਸ ਓਟੀਟੀ 3' ਦਾ ਫਿਨਾਲੇ ਹੋਣ ਜਾ ਰਿਹਾ ਹੈ, ਉੱਥੇ ਹੀ ਦੂਜੇ ਪਾਸੇ ਦਰਸ਼ਕਾਂ ਦਾ ਮਨੋਰੰਜਨ ਕਰਨ ਲਈ ਬਿੱਗ ਬੌਸ ਦਾ 18ਵਾਂ ਸੀਜ਼ਨ ਜਲਦ ਹੀ ਆਉਣ ਵਾਲਾ ਹੈ।
