"ਜੋ ਪਿਆਰ ਕਰਦੇ ਨੇ, ਉਹੀ ਤੇ ਹੱਕਦਾਰ ਨੇ..!", ਸੁਨੰਦਾ ਸ਼ਰਮਾ ਨੇ ਫੈਨ ਨੂੰ ਸਟੇਜ 'ਤੇ ਸੱਦ ਪਾਈ ਜੱਫ਼ੀ (ਵੀਡੀਓ)

ਐਂਟਰਟੇਨਮੈਂਟ ਡੈਸਕ- ਆਪਣੇ ਸੁਪਰਹਿੱਟ ਗੀਤਾਂ ਜਿਵੇਂ ਕਿ ‘ਦੂਜੀ ਵਾਰ ਪਿਆਰ’ ਅਤੇ ‘ਮੰਮੀ ਨੂੰ ਪਸੰਦ’ ਨਾਲ ਦੇਸ਼ ਭਰ ਵਿੱਚ ਆਪਣੀ ਪਛਾਣ ਬਣਾਉਣ ਵਾਲੀ ਪੰਜਾਬੀ ਗਾਇਕਾ ਸੁਨੰਦਾ ਸ਼ਰਮਾ ਇੱਕ ਵਾਰ ਫਿਰ ਸੋਸ਼ਲ ਮੀਡੀਆ 'ਤੇ ਚਰਚਾ ਦਾ ਕੇਂਦਰ ਬਣੀ ਹੋਈ ਹੈ। ਇਸ ਵਾਰ ਵਜ੍ਹਾ ਕੋਈ ਨਵਾਂ ਗੀਤ ਨਹੀਂ, ਸਗੋਂ ਕੰਸਰਟ ਦੌਰਾਨ ਆਪਣੇ ਇੱਕ ਪ੍ਰਸ਼ੰਸਕ ਪ੍ਰਤੀ ਦਿਖਾਇਆ ਗਿਆ ਪਿਆਰ ਅਤੇ ਸਨਮਾਨ ਹੈ।

ਕੰਸਰਟ 'ਚ ਹੋਇਆ ਦਿਲਚਸਪ ਪਲ
ਹਾਲ ਹੀ ਵਿੱਚ ਮੋਹਾਲੀ ਸਥਿਤ ਸੀ.ਜੀ.ਸੀ. ਯੂਨੀਵਰਸਿਟੀ ਵਿੱਚ ਸੁਨੰਦਾ ਸ਼ਰਮਾ ਦਾ ਇੱਕ ਲਾਈਵ ਕੰਸਰਟ ਆਯੋਜਿਤ ਕੀਤਾ ਗਿਆ ਸੀ। ਜਦੋਂ ਸੁਨੰਦਾ ਸਟੇਜ 'ਤੇ ਪਹੁੰਚੀ ਤਾਂ ਉੱਥੇ ਮੌਜੂਦ ਦਰਸ਼ਕਾਂ ਵਿੱਚ ਭਾਰੀ ਉਤਸ਼ਾਹ ਸੀ। ਇਸੇ ਦੌਰਾਨ ਭੀੜ ਵਿੱਚੋਂ ਇੱਕ ਪ੍ਰਸ਼ੰਸਕ ਨੇ ਸੁਨੰਦਾ ਦੀ ਤਾਰੀਫ਼ ਕਰਦੇ ਹੋਏ ਕਿਹਾ "ਇੱਕ ਤਾਂ ਸਾਨੂੰ ਚਾਹ ਪਸੰਦ ਹੈ ਅਤੇ ਦੂਜੀ ਸਾਨੂੰ ਤੁਸੀਂ ਪਸੰਦ ਹੋ"। ਫੈਨ ਦੀ ਇਹ ਗੱਲ ਸੁਣ ਕੇ ਸੁਨੰਦਾ ਸ਼ਰਮਾ ਬਹੁਤ ਖੁਸ਼ ਹੋਈ ਅਤੇ ਉਨ੍ਹਾਂ ਨੇ ਉਸ ਫੈਨ ਨੂੰ ਤੁਰੰਤ ਸਟੇਜ 'ਤੇ ਬੁਲਾ ਲਿਆ।

ਸੁਨੰਦਾ ਨੇ ਪਿਆਰ ਨਾਲ ਸੰਵਾਰੇ ਵਾਲ
ਜਦੋਂ ਫੈਨ ਸਟੇਜ 'ਤੇ ਪਹੁੰਚਿਆ, ਤਾਂ ਸੁਨੰਦਾ ਨੇ ਸਭ ਦੇ ਸਾਹਮਣੇ ਉਸ ਨੂੰ ਪਿਆਰ ਨਾਲ ਜੱਫੀ ਪਾਈ। ਉਨ੍ਹਾਂ ਨੇ ਇੱਥੇ ਹੀ ਬੱਸ ਨਹੀਂ ਕੀਤੀ, ਸਗੋਂ ਆਪਣੇ ਫੈਨ ਦੇ ਬਾਲ ਵੀ ਸੰਵਾਰੇ ਅਤੇ ਉਸ ਦੇ ਬੇਅੰਤ ਪਿਆਰ ਲਈ ਉਸ ਦਾ ਧੰਨਵਾਦ ਕੀਤਾ। ਇਸ ਖੂਬਸੂਰਤ ਪਲ 'ਤੇ ਪੂਰਾ ਮਾਹੌਲ ਤਾਲੀਆਂ ਦੀ ਗੜਗੜਾਹਟ ਨਾਲ ਗੂੰਜ ਉੱਠਿਆ। ਫੈਨਜ਼ ਇਸ ਵੀਡੀਓ ਨੂੰ ਵਾਰ-ਵਾਰ ਦੇਖ ਰਹੇ ਹਨ।

"ਰੂਹ ਖੁਸ਼ ਹੋ ਗਈ"
ਸ਼ੋਅ ਤੋਂ ਬਾਅਦ ਸੁਨੰਦਾ ਸ਼ਰਮਾ ਨੇ ਖੁਦ ਵੀ ਇਹ ਭਾਵੁਕ ਵੀਡੀਓ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਸਾਂਝਾ ਕੀਤਾ। ਵੀਡੀਓ ਦੇ ਨਾਲ, ਉਨ੍ਹਾਂ ਨੇ ਇੱਕ ਬਹੁਤ ਹੀ ਖਾਸ ਕੈਪਸ਼ਨ ਲਿਖਿਆ: “ਜੋ ਪਿਆਰ ਕਰਦੇ ਨੇ, ਉਹ ਤੇ ਗਲੇ ਮਿਲਣ ਦੇ ਹੱਕਦਾਰ ਨੇ…”। ਸੁਨੰਦਾ ਨੇ ਅੱਗੇ ਲਿਖਿਆ ਕਿ ਇਸ ਵੀਡੀਓ ਨੇ ਉਨ੍ਹਾਂ ਦੀ “ਰੂਹ ਖੁਸ਼ ਕਰ ਦਿੱਤੀ” ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਜੋ ਪਿਆਰ ਮਿਲਿਆ ਹੈ, ਉਹ ਇਸ ਗੱਲ ਦਾ ਪ੍ਰਮਾਣ ਹੈ ਕਿ ਉਨ੍ਹਾਂ ਦੇ ਉੱਪਰ ਰੱਬ ਦੀ ਕਿਰਪਾ ਹੈ। ਪ੍ਰਸ਼ੰਸਕਾਂ ਨੇ ਇਸ ਵੀਡੀਓ ਨੂੰ “ਸਭ ਤੋਂ ਪਿਆਰਾ ਮੋਮੈਂਟ” ਕਰਾਰ ਦਿੱਤਾ ਹੈ, ਜੋ ਦਰਸਾਉਂਦਾ ਹੈ ਕਿ ਸੁਨੰਦਾ ਦਾ ਆਪਣੇ ਫੈਨਜ਼ ਪ੍ਰਤੀ ਇਹ ਸਨਮਾਨ ਕਿੰਨਾ ਅਹਿਮ ਹੈ।